Advertisement
 
 
 
 
 
 
 
 

Amakuru | Mu Ntara | Intara

Rubavu: Bahangayikishijwe n’ibyatungaga amafi bigaburirwa inka   

  Yanditswe na IYAREMYE Yves
 5 months ago

 
 

Aborozi b’amafi mato n’amanini mu karere ka Rubavu bahangayikishijwe no kuba amafi yo mu kiyaga cya Kivu atakibona ibyo kurya bihagije kuko ibiribwa (igiheri) yagenerwaga bivuye muri Bralirwa bisigaye bigemurirwa inka.

Abacuruzi b’isambaza n‘amafi manini basanga kuba amafi atagihabwa ibiyatunga biri mu byatumye umusaruro ugabanuka ku kigero cyo hejuru.

Gakuru Jean Baptiste, Umuyobozi w’abarobyi b’isambaza mu kiyaga cya Kivu yemeza ko uruganda rutunganya ibinyobwa, Bralirwa, rwajyaga rutanga ibyo biribwa (dereshi) ku buntu none ngo babyeguriye rwiyemezamirimo usigaye abyihera aborozi bakabigaburira inka zabo.

Yagize ati “Kuva aho rwiyemezamirimo agiriyeho imodoka yuzuye igiheri hari ubwo igura amafaranga y’u Rwanda 20 000. Twagerageje kubikora tugenda duhomba turabihagarika, gusa twagiranye ibiganiro na Bralirwa batwemerera kujya bamenamo rimwe mu kwezi ariko ntibarabikora."

JPEG - 87.8 kb
Ibura ry’ibiribwa by’amafi rikekwaho kugabanya umusaruro w’amaf

Yakomeje avuga ko babanje gushyiraho akabo bakagura ibi biheri ariko bagacibwa intege n’uko batari kubasha kubigura mu buryo buhoraho, bituma n’umusaruro w’amafi ugabanuka n’amafaranga bakuragamo aragabanuka, n’igiciro bagurishagaho kirazamuka.

Aba bacuzuzi bemeza ko kuba ibi biryo bitagihabwa amafi bizahombya igihugu kuko igihe ikiyaga cyabaga cyafunguwe baranguraga ku mafaranga ari hagati ya 1000 na 1200 ku kilo cy’amafi, ariko ubu kikaba kigura 2200 ku kiranguzo.

Mukarukundo Emertha, Umucuruzi w’isambaza mu Isoko rya Gisenyi ati “Hashize iminsi igera kuri 5 bafunze ikiyaga none cyafunguwe, kuba baragifunze ngo umusaruro wiyongere nta cyo byongereyeho kuko umusaruro wabuze. Barimo kutubwira ngo amafi yabuze ibiryo natwe dufite amakuru ko nta giheri bagishyiramo ahubwo bacyihera inka n’andi matungo."

Akomeza ahamya ko niba abagaburiraga aya mafi batakibikora ntaho bitaniye no gusarura aho utabibye kandi ko ukwiyongera kw’igiciro cy’amafi guteje inkeke kuko biri kubahombya n’ abakiliya bakabacika.

Aba bacuruzi barasaba abashinzwe uburobyi mu kiyaga cya Kivu n’uruganda rwa Bralirwa kugirana ibiganiro kuko bari kubihomberamo.

Fred Nyangezi Umuvugizi wa Blarirwa, avuga ko umwanzuro wo kwegurira rwiyemezamirimo igiheri (dreche) wafashwe mu rwego two guca akajagari kagaragaraga mu mikoreshereze yacyo.

Yagize ati "Ibyo gushyiraho rwiyemezamirimo byatewe n’akajagari karimo, twabibaheraga ubuntu ariko nabo turabasaba gukora nkuko aborozi basigaye babikora, igiciro ntabwo kiri hejuru ku buryo bagera ku musaruro ungana gutyo.”

Yakomeje abasaba gukorana n’abakozi ba Bralirwa bakabaha amahugurwa ku bijyanye n’ubworozi bw’amafi kuko bazabafasha kongera umusaruro.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Karongi:Abatuye i Mutuntu bategereje bisi bijejwe amaso ahera mu kirere
Karongi:Abatuye i Mutuntu bategereje bisi bijejwe amaso ahera mu kirere

Bamwe mu baturage bo mu murenge wa Mutuntu mu karere ka Karongi, barasaba ubuyobozi bwabo kubafasha kubona imodoka ziborohereza mu ngendo, by’umwihariko bisi bemerewe na n’ubu bagitegereje. Aba (...)

Bafungiye kunyereza miliyoni 58 za koperative y’abajyanama b’ubuzima
Bafungiye kunyereza miliyoni 58 za koperative y’abajyanama b’ubuzima

Abantu batandatu bafungiye kunyereza amafaranga arenga miliyoni 58 ya koperative y’abajyanama b’ubuzima bo mu murenge wa Bweyeye mu karere ka Rusizi. Abafunze barimo umuyobozi n’umucungamutungo (...)

Rusizi: Yatemberejwe umujyi wose ahetse ihene yibye
Rusizi: Yatemberejwe umujyi wose ahetse ihene yibye

Bamwe mu baturage b’umurenge wa Bugarama, mu karere ka Rusizi, baravuga ko bakomeje kubabazwa no kubyuka bagasanga amatungo yabo cyane cyane ihene n’ingurube zibwe, ndetse zimwe zigateshwa abajura (...)

Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’
Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’

Abaturage bo mu kagari ka Karenge, umurenge Jarama bavuga ko umuriro w’amashanyarazi bahawe ntacyo ubamariye uretse kubahombya, kuko ngo bawutangaho ikiguzi cy’amafaranga menshi kandi nta musaruro (...)

Rubavu: Abaturage bashinja abunzi bita ’abanyenzara’ kwaka ruswa
Rubavu: Abaturage bashinja abunzi bita ’abanyenzara’ kwaka ruswa

Bamwe mu baturage bo mu mirenge itandukanye mu karere ka Rubavu, baratunga urutoki abunzi kurangwa na ruswa mu mikirize y’imanza, bakifuza iki kibazo cyashakirwa umuti. Aba baturage banuganuga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.