2017-08-16 15:13:50 clouds 27o High | Kigali Rwanda

Dukurikire:
 
 

Rubavu: Bababazwa no gupfusha bakajya gutira irimbi

Yanditswe na IMVAHO NSHYA

Kuya 2016-06-25 09:57:42

 
Share on:
 
Yasuwe:7
 
Yavuzweho:200
 
10
 
10

Abaturage bo mu mudugudu wa Kanembwe mu karere ka Rubavu bahangayikishijwe n’uko mu myaka itandatu bamaze, bapfusha ababo bikabasaba kujya gutira irimbi kandi Leta y’u Rwanda yashyizeho gahunda yo gushyingura mu marimbi rusange azwi.

Hashize imyaka itandatu abatuye muri uyu mudugudu bawimuriwemo bakuwe ku musozi wa Rubavu. Bamwe muri bo babwiye Imvaho Nshya ko ikibazo cyo kutagira irimbi hafi ari imbogamizi ikomeye ku buzima bwabo aho bituma bajya gusaba aho bashyingura mu baturanyi babo.

Mbonigaba Olivier yagize ati « Uretse no kutagira irimbi rusange, nta n’imirima dufite muri uyu mudugudu twakwitabaza mu gihe hari uwo dushaka gushyingura. Nta hepfo nta ruguru y’inzu tugira bidusaba kujya mu bo twahasanze nabo batwinubira.»

JPEG - 127 kb
Abaturage bajya gusaba abaturanyi aho bashyingura(Foto Iyaremye Y)

Abaturanyi babo nabo bavuga ko bagifite ikibazo cy’aho gushyingura bituma bashyingura mu ngo zabo; bose basaba ko bakemurirwa ikibazo.

Uwampayizina Marie Grace, Umuyobozi w’Akarere wungirije ushinzwe imibereho myiza y’abaturage avuga ko iki kibazo gikomeye akemeza ko ingengo y’imari y’umwaka wa 2016-2017 izabasigira igisubizo kirambye.

Yagize ati « Iki kibazo kirakomeye gusa mu ngengo y’imari y’umwaka utaha tuzareba uko tugishyira mu bigomba gukemurwa mu buryo bwihuse kandi umwaka utaha dufite icyizere ko kizakemuka. »

Ikibazo cy’abatagira aho bashyingura kijyanye n’icy’abandi baturage bo mu akrere ka Rubavu bataka ko batakigira amarimbi kuko aho bari baragenewe nk’irimbi huzura bakagorwa no kwimukira aho batemerewe.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE