Advertisement
 
 
 
 
 
 
 
 

Amakuru | Mu Ntara | Intara

Rubavu: Abitwaje intwaro gakondo bagabye igitero biba iduka bakomeretsa babiri   

  Yanditswe na MAGARAMBE THEODORE
 4 months ago

 
 

Abajura bitwaje imipanga, imihoro, inkota n’ibyuma bateye iduka ricuruza ibikoresho by’ikoranabuhanga rya Musabyimana Solange mu kagari k’Amahoro mu mudugudu w’Umunezero mu mujyi wa Rubavu banakomeretsa abantu babiri.

Hanyurwimfura Jean Bosco, ucunga iryo duka yabwiye Imvaho Nshya ko ibyo bisambo bisaga 15 byateye mu ma saa saba z’ijoro, bikabanza gukubita abanyerondo bikanakora bariyeri zikumira abagenzi banyura muri uwo muhanda.

Mu mirwano n’abanyerondo bakomerekeje umumotari umwe n’umusaza wari ubyutse aje kureba ibibaye.

JPEG - 154.2 kb
Iduka bibye ricuruza ibikoresho by’ikoranabuhanga

Hanyurwimfura ati” Mu by’ukuri baje bafite imbaraga zidasanzwe nanjye bashatse kumfata ndiruka njya gutabaza, bari bitwaje ibyuma n’imipanga.”

Ingabo zari ku irondo na Polisi baje kuhagera basanga bamaze guhungira mu ishyamba riri ku musozi wa Rubavu.

Aho iryo duka riherereye imbere y’umusigiti munini wo mu mujyi wa Rubavu, hahagarara imodoka zitwara abagenzi, hahora insoresore z’urubyiruko zizwi nk’Abuzukuru ba Shitani.

Umukozi wo mu iduka ryibwe, Patrick Hafashimana yavuze ko ibyibwe byose bifite agaciro ka miliyoni zisaga eshatu.

Hari hashize amezi atatu abaturage bo mu mujyi wa Gisenyi baryama bagasinzira kubera ingamba zo gucunga umutekano zari zaraciye abo bajura.

Abaturage baka kagari bo basanga abanyerondo bagomba gushakirwa intwaro kuko igihe cyose batazifite abajura bazakomeza kubasuzugura.

Umunyamabanga nshingwabikorwa w’akagari k’Amahoro, Nyiramana Dafrose, yavuze ko ikibazo ari uko abo bajura baturuka ku musozi wa Rubavu, bivugwa ko hari ubuvumo bihishamo. Yongeyeho ko bagiye kongera umubare w’abacunga umutekano.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Rusizi: Inyubako zangijwe n’umutingito zikorerwamo zitarasanwa ziteye impungenge
Rusizi: Inyubako zangijwe n’umutingito zikorerwamo zitarasanwa ziteye impungenge

Ubuyobozi bw’Akarere ka Rusizi bwasabwe gukurikiranira hafi ikibazo cya zimwe mu nyubako zihurirwamo n’abantu benshi zashegeshwe n’umutingitito, nyamara magingo aya zikaba zigikorerwamo kandi (...)

Rusizi: Ubuyobozi bwahumurije abaturage bafite abana biga mu mashuri ashaje
Rusizi: Ubuyobozi bwahumurije abaturage bafite abana biga mu mashuri ashaje

Ababyeyi barerera muri GS Ntura Protestant, ishuri riri mu murenge wa Giheke mu karere ka Rusizi, bafite impungenge z’uko abana babo bagiye gutangira amashuri, ibyumba by’amashuri bigiramo bishaje (...)

Kayonza:Bakusanyije miliyoni 6 ngo begerezwe amazi barayategereza baraheba
Kayonza:Bakusanyije miliyoni 6 ngo begerezwe amazi barayategereza baraheba

Abaturage bo muri Nyamugari mu murenge wa Ndego mu karere ka Kayonza bavuga ko bakusanyije amafaranga arenga miliyoni 6 ngo babone amazi meza, ariko ngo barayategereza baraheba. Igitekerezo cyo (...)

Rwamagana: Barasabwa gukumira ingengabitekerezo ya Jenoside bahereye mu bana
Rwamagana: Barasabwa gukumira ingengabitekerezo ya Jenoside bahereye mu bana

Umuyobozi w’akarere ka Rwamagana Mbonyumuvunyi Radjab, arasaba abaturage batuye muri aka karere kwirinda gukongeza ingengabitekerezo ya Jenoside mu bana bato, ahubwo bakayikumira kugira ngo (...)

Abaturage b’i Rubavu bishimiye ukwegura kwa bamwe mu bayobozi b’inzego z’ibanze
Abaturage b’i Rubavu bishimiye ukwegura kwa bamwe mu bayobozi b’inzego z’ibanze

Nyuma y’uko mu minsi ishize abayobozi b’utugari n’abakozi babungirije, n’abanyamabanga nshingwabikorwa b’imirenge mu turere tugize intara y’Uburengerazuba bagiye basezera ku mirimo yabo, bamwe mu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.