Advertisement
 
 
 
 
 
 
 
 

Amakuru | Mu Ntara | Intara

Rubavu: Abitwaje intwaro batazwi bagabye igitero kuri sitasiyo ya polisi   

  Yanditswe na IYAREMYE YVES
 April 2016

 
 

Abantu bataramenyekana bitwaje intwaro bagabye igitero ku biro bya polisi mu murenge wa Bugeshi mu karere ka Rubavu mu ijoro ryo ku wa 15 Mata 2016.

Icyo gitero cyabayemo ugusakirana hagati y’abapolisi n’abo barwanyi. Bangije urugi rwa koperative Sacco bamenye ibirahuri bashaka kwinjira ngo batware amafaranga yari arimo, imodoka ya polisi yatwitswe n’ibishashi by’amasasu n’ibishashi by’amasasu byinjiye mu nkuta z’abaturage bahaturiye.

Umunyamabanga Nshingwabikorwa w’umurenge wa Bugeshi Mvano Etienne yemeje amakuru icyo gitero ariko ko bataramenya ababikoze abaribo.

Avuga kandi ko hari abo iki gitero cyahitanye nubwo atagaragaje umubare.

Ati:”Uko twabibonye baje barasa bashaka kwinjira muri Sacco ngo bibe birabananira ,bamenne ibirahuri nabyo biranga,ntabwo turamenya niba hari amafaranga yibwe ariko icyagaragaye bahise batwika imodoka y’ivatiri yari iparitse kuri sitasiyo ya polisi.”

Mukamana Vestine umwe mu baturage batuye Bugeshi yagize ati:” Byari nijoro twumva amasasu arimo guvuga turyamye kuva icyo gihe ubwoba bwari bwose,amazu yacu yangijwe n’amasasu ariko si cyane gusa abashinzwe umutekano badufashe batube hafi.

We n’abaturage bavuga ko bafite amakuru ko hari abapolisi batatu baguye muri iyo mirwano bahanganye n’abateye .

Inzego zitandukanye zirimo izishinzwe umutekano mu nama zagiranye n’abaturage zabasabye kudakangarana,bizeza abaturage ku bagiye gukaza umutekano gusa babasaba gufatanya n’inzego z’umutekano batangira amakuru ku gihe kugira ngo bafatanye kurwanya umwanzi.

Umuvugizi wa Police ku rwego rw’igihugu ACP Celestin Twahirwa yatangarije Imvaho Nshya ko igitero cyabaye ariko yemeza ko abakigabye bataramenyekana.

Avuga ko iperereza rigikorwa ngo hamenyekane abakoze igitero n’ibyangiritse

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.