2017-06-28 15:02:12 clouds 27o High | Kigali Rwanda

Dukurikire:
 
 

Rubavu: Abatuye mu mbago z’ikibuga cy’indege cya Gisenyi basonewe imisoro

Yanditswe na IMVAHO NSHYA

Kuya 2017-03-29 14:34:35

 
Share on:
 
Yasuwe:1035
 
Yavuzweho:200
 
10
 
10

Inama Njyanama y’akarere ka Rubavu yafashe umwanzuro wo gusonera imisoro abaturage baturiye ikibuga cy’indege cya Gisenyi, nyuma y’imyaka irenga 8 barahagaritswe kugira ibikorwa by’iterambere bahakorera.

Usibye kubasonera imisoro, ubuyobozi bw’akarere ka Rubavu bunatangaza ko bukomeje ibiganiro n’ikigo cy’igihugu gishinzwe iby’indege kugira ngo bishyure vuba abagomba kwimuka, hanamenyekane imbago nyakuri z’iki kibuga kugira ngo abagifite urujijo baruvemo.

Perezida w’inama njyanama y’akarere ka Rubavu Dusingizimana Lambert, aragira ati “Ubu bimwe mu bibazo byatangiye kuva mu nzira kuko bamwe muri bo basubijwe ubutaka bwabo bakanemererwa kubukoreraho ibikorwa byabo, ubu twabakuriyeho imisoro nyuma yo kwiga neza ku kibazo bafite cy’imisoro basabwa kandi noneho turi mu biganiro n’ikigo cy’igihugu cy’indege kugira ngo abatahabwa ingurane nabo ibagereho bareke gukomeza guhomba.”

JPEG - 55.4 kb
Abaturiye ikibuga cy’indege cya Gisenyi basonewe imisoro

Munyaneza Gerard, umwe mu baturage bafite ubutaka mu nkengero z’ikibuga cy’indege, avuga ko bishimiye uburyo basonewe imisoro ku birarane babarwagaho kuva bahagarikwa, ariko akemeza ko bagifite ibibazo bijyanye n’igihombo batewe n’igihe bamaze badakorera kuri ubwo butaka bwabo kuko cyo ntikirabonerwa igisubizo.

Aragira ati “Imisoro yari imaze kuba myinshi bahora baduha ubutumwa nk’aho ubutaka hari inyungu turi kubukuramo, ibaze kuguhagarika ngo nta kintu na kimwe wemerewe gukora bagakomeza kukubarira imisoro, gusa twarahombye cyane turifuza ko hazagira igitekerezwaho ku bijyanye n’ibihombo.”

Aba baturage mu bihe binyuranye bagiye baganira n’ubuyobozi mu nzego zitandukanye, bakagaragaza kenshi igihombo gikomeye batewe no kutemererwa gukoresha ubwo butaka bwabo kandi bubanditseho, akarere ka Rubavu kakaba gatangaza ko iki kibazo kitaraganirwaho

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE