Advertisement
 
 
 
 
 
 
 
 

Amakuru | Mu Ntara | Intara

Rubavu: Abaturage birirwa bahiga imari abazungu bahishe mu buvumo   

  Yanditswe na IYAREMYE YVES
 August 2016

 
 

Abaturiye ubuvumo bwa Marangure buri mu murenge wa Mudende mu karere ka Rubavu, birirwa bashakamo imari yaba yarasizwemo n’abazungu bakoronije u Rwanda.

Ubu buvumo bwa Marangure buhereye mu kagali ka Kanyundo mu murenge wa Mudende bamwe mu basaza bazi amateka yabwo kuva kera bavuga ko bwarakoreshejwe n’abazungu mu gihe cy’ubukoloni.

Habarugira Eriphase umuturage wavukiye muri ako gace mu mwaka wa 1935, we n’abandi basaza bavuga ko ubu buvumo bwa Marangure, babuturiye kuva kera bemeza ko amateka yabwo ahera 1945 nyuma y’intambara ya kabiri y’isi, kuko bwakoreshwaga n’abazungu b’Ababiligi nk’ububiko bw’ibikoresho byabo.

Ati “Abazungu bajyaga baza, habaga umuntu wahirirwaga witwaga Senduguya barazaga akabajyanamo hari ibintu byinshi byabaga bifunze bajyanagamo ntitumenye ibyo aribyo, abo babiligi bategekaga iki gihugu barazaga bakabijyanamo basohoka hakarindwa ntawageragamo.”

JPEG - 180.8 kb
Ubuvumo bwa Marangure bwakoreshwaga n’abazungu abaturage birirwa bahigamo imari(foto Iyaremye Y)

Umuyobozi w’umutekano mu mudugudu wa Mutura ubu buvumo buhereyemo Renzaho J.Paul we avuga butari ububiko bw’Ababiligi, ahubwo ari Abadage babitsemo ibikoresho byabo bahunga ababiligi nyuma y’aho bari bamaze gutsindwa mu ntambara.

Ati “Hari abemeza ko aha hashyirwagamo imari abazungu bahishemo ibikoresho byabo nyuma yo gutsindwa, kuva 2009 hari abaturage basigaye birirwa muri ubu buvumo bacukura bashakisha imari yaba yarasigayemo bashaka ubukungu, abantu barazwi kugeza magingo aya bahoramo bamwe bahagaritse imirimo na n’iyi saha barimo.”

We n’abandi baturage bavuga ko abantu bahora bacukura muri ubu buvumo bareba niba hari igikoresho cyangwa indi mari bakuramo yaba yaratawe n’ab’abazungu.

Ubuyobozi bw’akarere ka Rubavu burabuza abaturage kujyamo buvuga ko bugiye gushakisha amakuru nyayo y’aho, kuko ari n’ahantu nyaburanga hatoranijwe kandi hagiye kubungwabungwa mu rwego rw’ubukerarugendo.

Umuyobozi w’Akarere ka Rubavu wungirije ushinzwe imari n’iterambere ry’ubukungu Murenzi Janvier asaba aba baturage kureka kwinjira muri ubu buvumo, bagategereza ko habanzwa gushakishwa amakuru yanyayo kuri ubwo buvumo.

Ati “Abaturage nibareke kujyamo hari n’ubwo wasanga harimo ikintu cyakwangiza ubuzima bwabo tugiye gukora ubushakashatsi turebe neza uko bihagaze kandi ku bufatanye na RBD tugiye kureba uko hasigasirwa amateka y’aho ntapfukiranwe.”

 

Comments

 
 
Kirehe: Abafashwa na FARG Bifuza kugabanyirizwa amafaranga bashoraga mu mushinga
Kirehe: Abafashwa na FARG Bifuza kugabanyirizwa amafaranga bashoraga mu mushinga

Abarokotse Jenoside yakorewe Abatutsi bagera kuri 49, bo mu kagari ka Nyabitare, umurenge wa Nyarubuye bagenerwa inkunga binyujijwe mu kigega gifasha abarokotse Jenoside yakorewe Abatutsi mu 1994 (...)

Rubavu: Abatuye mu mbago z’ikibuga cy’indege cya Gisenyi basonewe imisoro
Rubavu: Abatuye mu mbago z’ikibuga cy’indege cya Gisenyi basonewe imisoro

Inama Njyanama y’akarere ka Rubavu yafashe umwanzuro wo gusonera imisoro abaturage baturiye ikibuga cy’indege cya Gisenyi, nyuma y’imyaka irenga 8 barahagaritswe kugira ibikorwa by’iterambere (...)

Amajyaruguru: Hari kwigwa itegeko rihana abakora uburobyi mu buryo butemewe
Amajyaruguru: Hari kwigwa itegeko rihana abakora uburobyi mu buryo butemewe

Minisiteri y’Ubuhinzi n’Ubworozi iratangaza ko hari kwigwa itegeko rihana ba rushimusi mu biyaga byo mu Rwanda kuko batuma umusaruro w’amafi utiyongera bigatera igihombo abakora ubu bworozi. Intara (...)

Rubavu: Abamaze imyaka itatu batagira amazi bagiye gusubizwa
Rubavu: Abamaze imyaka itatu batagira amazi bagiye gusubizwa

Akarere ka Rubavu karahumuriza abaturage bamaze imyaka igera kuri 3 batagira amazi mu ngo zabo bakavuga ko bamaze gukora amasezerano n’ikigo cy’igihugu cy’amazi, isuku n’isukura, WASAC, ku buryo (...)

Bamwe mu bacururiza ku mupaka wa Rusizi I bahawe amezi 2 yo kuba bimutse
Bamwe mu bacururiza ku mupaka wa Rusizi I bahawe amezi 2 yo kuba bimutse

Ubuyobozi bw’akarere ka Rusizi burasaba abagize urugaga rw’abikorera muri aka karere n’abacuruzi bakorera ku mupaka wa Rusizi ya mbere, kwicara hamwe bitarenze amezi 2 bakareba bimwe mu bicuruzwa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.