Advertisement
 
 
 
 
 
 
 
 

Amakuru | Mu Ntara | Intara

Rubavu: Abaturage bashinja abunzi bita ’abanyenzara’ kwaka ruswa   

  Yanditswe na IYAREMYE YVES
 3 months ago

 
 

Bamwe mu baturage bo mu mirenge itandukanye mu karere ka Rubavu, baratunga urutoki abunzi kurangwa na ruswa mu mikirize y’imanza, bakifuza iki kibazo cyashakirwa umuti.

Aba baturage banuganuga ruswa mu nzego z’abunzi nyuma y’aho batowe mu mirenge n’utugari ngo bajye bifashishwa mu gukemura ibibazo by’abaturage, bagabanya ibyaha byajyanwaga mu nkiko.

Kagiraneza Jean Claude, umwe mu baturage batuye mu murenge wa Kanama aganira n’Imvaho Nshya yavuze ko babangamiwe na bamwe mu bunzi bitwaza umwanya bahawe bakaka abaturage ruswa kugira ngo babakemurire imanza.

Aragira ati “Bakagombye gushyiramo abantu bize kuko abunzi urareba ugasanga ntabwo bize, wareba neza mu bujurire bw’abunzi mu murenge ugasanga ntabwo akora akazi kamwinjiriza, ni umunyenzara.

JPEG - 388 kb
Bamwe muri aba baturage bakemanga ruswa mu mikorere y’abunzi (Foto Iyaremye Y)

Ubwo rero wamugezaho ikibazo n’iyo waba uri mu kuri ariko ushyamiranye n’ukurusha ubushobozi urubanza rwawe bararuriye.”

Aba baturage barasaba ko niba hatagiyeho abunzi bize cyangwa bafite akandi kazi kabahemba buri kwezi, inzego zibashinzwe zabaha agahimbazamusyi.

Mu nteko zitandukanye z’umuryango wa FPR Inkotanyi zimaze imisni ziteranira mu karere ka Rubavu, abanyamuryango bagiye bagaragaza ibyifuzo byagenderwaho muri manifesto y’umuryango, y’umwaka wa 2017-2024 aho bamwe basabye ko abunzi bashyirirwaho ingengo y’imari ibunganira.

Sheikh Kibata Juma, Chairman w’umuryango FPR Inkotanyi mu murenge wa Gisenyi, aragira ati “Twe tumaze kubona akazi abunzi bahura nako no kuba nta buryo bashyiriweho bwabafasha mu kazi kabo ka buri munsi, twifuje ko bashyirirwaho ingengo y’imari yabunganira kuko kuba ntayo ni yo mpamvu wumva bamwe bakekamo ruswa, hari byinshi byakemuka n’ubuzima bwabo bugahinduka.”

Irambona Marie Florance, Perezidante w’abunzi mu murenge wa Gisenyi, avuga ko akazi bakora ari ukwitanga, aho baba bemerewe kwishyurirwa amafaranga ya mituweli y’umuryango wabo gusa, ariko ahakana amakuru avugwa ko barya ruswa.

Aragira ati “Ibijyanye na ruswa rwose ntayo turya keretse niba hari ababikora muri bagenzi bacu, ariko binagaragaye yahanwa n’amategeko, n’uwabibona yabigeza ku nzego zibishinzwe.

Ariko akazi dukora hari ubwo dutegesha ayacu wayabura ukagenda n’amaguru, bamwe bakabwirirwa bagiye gukemura ibibazo, habonetse ubufasha byahindura ubuzima bwacu kandi n’aho bakeka ruswa byagabanuka.”

 

Comments

 
 
Abarangije kaminuza muri INES basabwe guhanga imirimo bagaca ubushomeri
Abarangije kaminuza muri INES basabwe guhanga imirimo bagaca ubushomeri

Abanyeshuri 1080 bahawe impamyabushobozi z’icyiciro cya 2 n’icya gatatu(masters) mu ishuri rikuru rya INES Ruhengeri, basabwe guharanira guteza imbere gahunda yo kwihangira umurimo, hagamijwe (...)

Barasaba Akarere ka Nyanza  kubishyuriza asaga miliyoni bambuwe na Rwiyemezamirimo
Barasaba Akarere ka Nyanza kubishyuriza asaga miliyoni bambuwe na Rwiyemezamirimo

Abaturage bo mu karere ka Nyanza bahawe akazi mu bikorwa byo kubaka isoko ry’amatungo, ibagiro n’ubwiherero mu isoko rya Rurangazi riherereye mu mu murenge wa Nyagisozi, barasaba ubuyobozi (...)

Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga
Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga

Mu gihe cy’icyumweru kimwe inzu zigera kuri 25 mu tugari tubiri tw’umurenge wa Busasamana mu karere ka Rubavu yibasiriwe bikomeye n’imvura ivanze n’umuyaga, yagurukanye ibisenge byazo. Abafite inzu (...)

Abadindiza Girinka barye bari menge - Guverineri Musabyimana
Abadindiza Girinka barye bari menge - Guverineri Musabyimana

Mu gihe hatangizwaga gahunda y’icyumweru cyahariwe Girinka Munyarwanda mu ntara y’Amajyaruguru, Guverineri Musabyimana Jean Claude, yihanangirije bamwe mu bayobozi bagira uruhare mu kudindiza iyi (...)

Kirehe: Bugarijwe n’ubujura bakeka ko bukorwa n’abari mu nkambi ya Mahama
Kirehe: Bugarijwe n’ubujura bakeka ko bukorwa n’abari mu nkambi ya Mahama

Abaturage bo mu kagari ka Munini, umurenge wa Mahama mu karere ka Kirehe baravuga ko babangamiwe n’abajura babiba mu ngo ibyiganjemo imyaka n’amatungo, no mu mirima, bagatanguranwa gusarura imyaka (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.