2017-06-27 13:41:38 clouds 27o High | Kigali Rwanda

Dukurikire:
 
 

Rubavu:Abarokotse Jenoside barasaba gusanirwa inzu n’ubwiherero

Yanditswe na IMVAHO NSHYA

Kuya 2016-04-14 11:41:43

 
Share on:
 
Yasuwe:3
 
Yavuzweho:200
 
10
 
10

Bamwe mu barokotse Jenoside yakorewe abatutsi batuye mu mudugudu w’Ihumure n’uwa Amajyambere mu kagari ka Mbugangari mu murenge wa Gisenyi, barashimira ubuyobozi bw’igihugu ko budahwema kubafasha guteza imbere imibereho yabo, ariko bagasaba ko bafashwa gusana inzu zabo n’ubwiherero bemeza ko bishaje cyane.

Mukamahirwe Seraphine, umupfakazi wa Jenoside yakorewe abatutsi utuye muri uyu mudugudu, yagize ati:“Turashima ibyo ubuyobozi bumaze kutugezaho, ariko amazu twubakiwe amaze gusaza turanyagirwa iyo imvura iguye, hari n’ahagiye hahomoka ku buryo amazi yinjira mu nzu, imbeho irinjira ukagira ngo turi hanze, turamutse dusaniwe twarushaho kumererwa neza.”

JPEG - 66.7 kb
Gusana inzu z’abarokotse Jenoside i Mbugangari bigiye gushyirwamo imbaraga nyinshi (Foto Iyaremye Y)

Uwitwa Manishimwe Jean de Dieu we yagize ati:“Aya mazu arashaje iyo imvura igwa mu gisenge haturukamo amazi menshi ukagira ngo imvura iri kugwa mu nzu gusa, bidusaba kureka mu gisenge n’amabase, ikindi nta bikoni tugira yewe n’ubwiherero tugira tujyayo dufite impungenge ko tuzagwamo, cyangwa tugakuramo uburwayi, turifuza ubufasha.”

Ubonampoze Mussa, Perezida wa Njyanama y’akagari ka Mbugangari, avuga ko haba aya mazu kimwe n’ubu bwiherero bagiye kubisana kuko ngo nawe abona ko ari byo biri ku isonga mu bibahangayikishije.

Yagize ati:“Tumaze kubarura amafose arindwi akwiye kwitabwaho kuko yangiritse kandi akaba akenewe, turateganya kuvugurura n’amazu atandatu kandi tudashidikanya muri iyi minsi 100 ibi bikorwa bizaba byakozwe.”

Uyu muyobozi avuga ko imirimo izakorwa mu gufasha aba baturage izava mu bwitange bw’abaturage, ikazaba ifite agaciro k’amafaranga miliyoni 14.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE