Advertisement
 
 
 
 
 
 
 
 

Amakuru | Mu Ntara | Intara

Rubavu:Abajura bitwaje intwaro gakondo bishe umuntu, bakomeretsa 6   

  Yanditswe na MAGARAMBE THEODORE
 July 2016

 
 

Abantu bakekwa ko ari abajura bateye ahantu hatatu hatandukanye mu murenge wa Gisenyi n’uwa Kanzenze mu karere ka Rubavu, bahitana umuntu umwe, abandi batandatu barimo umuryango umwe w’abantu bane barakomereka, ubu bakaba barimo gukurikiranwa n’abaganga mu bitaro bya Gisenyi.

Mu murenge wa Kanzenze ahitwa Kabari, umusore witwa Pilipili Jean Paul, yahuye n’abagizi ba nabi baramutemagura, ajyanwe kwa muganga agwa mu nzira nk’uko abaturage Imvaho Nshya yasanze bari kumushyingura babitangaje.

Mutuyimana Callixte, umubyeyi w’uyu musore yagize ati:“Yari avuye mu kazi aho akorera ubuzamu, ageze mu nzira ahura n’abo bagizi ba nabi baramutemagura, twamugezeho akivuga atubwira ko ari abajura b’’abashumba.

Twamugejeje kwa muganga bamwohereza CHUK agwa mu nzira, ubu usanze turi kumushyingura kandi hamaze gupfa muri ubwo buryo abasaga barindwi mu gihe kitageze k’umwaka umwe.”

JPEG - 130.8 kb
Abarara amarondo muri Rubavu bashobora kuba baradohotse bagaha icyuho abajura (Foto archive)

Ibikorwa nk’ibi byanabaye mu kagari ka Mbugangari mu murenge wa Gisenyi, aho umugabo witwa Mutagomwa Anthere n’umuryango we w’abantu bane batewe n’abo bagizi ba nabi barabakomeretsa, banabatwara amafaranga asaga 250.000.

Umutoni Francine, umwe mu bana be twasanze mu bitaro bya Gisenyi bamutemaguye amaboko, yagize ati:"Twari tuvuye mu kazi na Papa aho dukorera mu Kabare, tugeze hafi y’urugo dusanga abagizi ba nabi baduteze bahita batema Papa amaboko yombi n’amaguru agwa hasi bamwaka amafaranga 250.000, nakomye induru basaza banjye babyutse gutabara nabo barabatema nanjye bankubitagura ibyuma mu mugongo."

Muri aka kagiri uwitwa Gatoyi Jean Luc, umuyobozi wa sosiyete y’itumanaho ya MTN mu karere ka Rubavu, nawe yatewe n’abajura arwana na bo Polisi itabara bamaze kumukomeretsa ku kaboko, banasenya n’ibirahuri by’inzu ye nk’uko abyivugira.

Yagize ati:’’Polisi yahageze nyuma y’iminota nka 15 bamaze kunkomeretsa kandi njye ndakeka ko atari abajura gusa, kuko bari bafite imihoro, amacumu, n’ibyuma."

Ibi ngo bikaba biteye impungenge bikomeye abaturage ba Kanzenze na Gisenyi, kuko usibye ubu bujura buciye icyuho banabambura izuba riva, bagasaba ubuyobozi gufata ingamba zikomeye.

Gusa icyo abaturage bo muri aka gace bahurizaho bose ni uko ngo amarondo adakorwa neza.

Umwe muri aba baturage yagize ati:"Abanyamarondo benshi ni abasinzi, abandi barasiba ntibakore akazi, kandi duhora dutanga amafaranga y’umutekano."

Umuyobozi w’umurenge wa Kanzenze Kabera Eric, yabwiye Imvaho Nshya ko hakiri gukorwa iperereza kugira ngo hamenyekane abihishe inyuma y’ibyo bikorwa, anavuga ko bagiye gukaza ingamba zo kwicungira umutekano.

Yagize ati:“Turasaba abaturage kwitabira amarondo, gushyira amatara ku bipangu, gutangira amakuru ku gihe, no gukora urutonde rw’ibisambo bya ruharwa biri mu midugudu ndetse bakazajya bananzuza abo batazi.”

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.