Advertisement
 
 
 
 
 
 
 
 

Amakuru | Mu Ntara | Intara

Rubavu: Abahawe akazi mu kubaka imihanda ya VUP barishyuza   

  Yanditswe na IYAREMYE YVES
 August 2016

 
 

Nyuma yo kwizezwa ko bagomba guhembwa amafaranga bakoreye bubaka umuhanda wa VUP wo mu kagari ka Mukondo bikarangira amaso aheze mu kirere, abakoze muri uyu muhanda barataka ko bugarijwe n’ibibazo by’ubukene.

Nkurunziza Pierre Claver, umunyamabanga nshingwabikorwa w’agateganyo w’umurenge wa Nyundo, muri Nyakanga 2016 yavuze ko aba baturage bagiye kwishyurwa mu cyumweru kimwe uhereye icyo gihe, ariko na n’ubu baracyategereje.

Abaturage bagombaga guhembwa bagera kuri 400 bakoraga umuhanda wo mu kagari ka Mukondo muri gahunda ya VUP, bakaba bishyuza amafaranga bakoreye kuva muri Gicurasi kugera ubu.

JPEG - 311.5 kb
Umuhanda wa VUP abaturage bakoze (Foto Iyaremye Y)

Bavuga ko bakomeje gushengurwa no kuba babeshywa n’ubuyobozi bigatuma bahora basiragira ku biro by’umurenge baje kwishyuza, kandi ngo babona icyizere gikomeje kuraza amasinde.

Umwe muri aba baturage aragira ati:”Ikibazo ntabwo ari twe twenyine tugifite no mu mirenge itandukanye abakoze imirimo muri VUP barategereje baraheba, noneho mu murenge wa Rugerero bamaze iminsi babyuka bazindukira ku biro baje kwishyuza ayo babarimo, none se bashaka ko natwe tujya kubyukira ku muryango nibwo bazumva ko tubabaye, birarambiranye baduhe ayacu kuko niyo dukesha amaramuko.”

Ikindi kandi Aba baturage bakomeza bavuga ko kuva mbere bakomeje kugaragaza ko kuba badahembwa amafaranga yabo ari ingorane zikomeye ku buzima bwabo, kuko aya mafranga ari yo bakesha amaramuko mu buzima bwabo bwa buri munsi.

Umuyobozi w’akarere ka Rubavu Sinamenye Jeremie, avuga ko impamvu yatumye bamwe bahembwa abandi ntibayabone ari uko Sacco y’umurenge wa Nyundo yibeshye igatanga amafaranga yari kuri konti y’akarere kandi amafaranga yabo yari ataraboneka.

Ariko uyu muyobozi arizeza aba baturage ko icyumweru gitaha azababwira umunsi bazaboneraho amafaranga yabo.

Aba baturage bakaba basabye umuyobozi w’akarere ko bakishyurwa vuba, ntibakomeze gusiragizwa kuko bakeneye amafaranga yabo.

Iki kibazo ntikiri mu murenge wa Nyundo gusa, kuko mu mirenge itandukanye hagaragaye abaturage babyukira ku biro by’imirenge bishyuza, bakabwirwa impamvu ko gutinda guhembwa biterwa n’impamvu zitandukanye, zirimo kuba abagomba gusinya barahindutse.

 

Comments

 
 
Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.