Advertisement
 
 
 
 
 
 
 
 

Amakuru | Mu Ntara | Intara

Rubavu: Barinubira gusabwa gusezerana n’abagabo babo bwa kabiri   

  Yanditswe na IYAREMYE YVES
 June 2016

 
 

Bamwe mu baturage batuye mu murenge wa Busasamana mu karere ka Rubavu barashinja ubuyobozi bw’umurenge kubahatira gusezerana bwa kabiri kandi bo bemeza ko basezeranye n’abo bashakanye.

Aba baturage bemeza ko iyo bagiye kugira icyo basaba ku murenge bamwe mu bakozi b’umurenge bareba mu bitabo bababura bakabasaba ikigaragaza ko basezeranye n’abagabo babo babibura bakabirukana ngo babave mu maso.

Umwe muri bo yagize ati “Hari igihe cyageze noneho bashyiraho amahirwe yo gusezerana mu gihiriri (muri rusange) turasezerana, mu mwaka wa 2007; gusa nyuma batubwira ko bagira ikibazo cyo kutatwandika mu gitabo cy’irangamimerere, ubu iyo tugiye gusaba serevisi cyangwa umugabo yacuye inshoreke bakubaza yatangiye kuguharika bakakubaza ibigaragaza klo mwasezeranye wabibura bati tuve mu maso.”

Uwimana Angelique aragira ati “Urye nabi wambare nabi ushaka kugera ku kintu runaka noneho umugabo aharare umukobwa ukiri muto nuvuga ngo uri ‘indaya nta kigaragaza ko twasezeranye’… ubwo rero hari ubwo tujyana ikibazo dufite bakatubwira ngo nta kigaragaza ko twasezeranye batureba mu bitabo ntibatubone ubwo rero bakadusaba gusezerana bwa kabiri.”

Aba baturage cyane cyane abagore barahangayitse bavuga ko ubuyobozi bwari bukwiye gushaka ikindi gisubizo ku bitabo by’irangamimerere bivugwa ko byabuze batabanje gusezerana bwa kabiri.

Aba bagore bavuga ko hari abagabo bumva ko ibitabo byapfuye bagashyira imbaraga mu gushaka inshoreke bo bakababwira ko ibyabo byapfuye bazisezeranira n’abakiri bato.
Umunyamabanga Nshingwabikorwa w’Umurenge wa Busasamana Kazendebe Hertier, ahakana ibyo aba baturage bavuga akemeza ko nta bushobozi umurenge ufitiye bwa tuma basaba abaturage gusezerana bwa Kabiri.

Akomeza ahamya ko hari umugore umwe utaragaragaraga mu gitabo cy’irangamimerere akisabira gusubiramo.

Yagize ati “Ntabwo twigeze dusaba bamwe mu baturage gusezerana bwa kabiri usibye umugore waje kutugezaho ibibazo ahura na byo kubera nta kigaragaza ko yasezeranye yisabira kongera gusezerana n’umugabo we mu rwego rwo kurwanya guharikwa gusa nta mwanuzro wafashwe n’umurenge wo gusezeranya bwa kabiri.”

Yemeza ko kubera abantu basezeranye muri rusange ari benshi bagenda bagaragaza ko bahura n’iharikwa aho umugore ugaragara mu gitabo cy’irangamimerere afashwa, utagaragaramo n’iyo yaba avuga ko yasezeranye ntacyo bamufasha.

Umunyamabanga Nshingwabikorwa w’Umurenge wa Busasamana Kazendebe Heritier, amara impungenge aba bagore avuga ko barimo gukusanya amakuru azabafasha kumenya neza abasezeranye.

Ati “Nitumara kubona amakuru ahagije ku baba barasezeranye bazafashwa kubona ibyangombwa bigaragaza ko basezeranye, ibi twabikoze mu rwego rwo gukumira ibyaha by’ubushoreke bigaragara muri kano karere kuko iyo umugore yasezeranye n’umugabo aba ufite umutekano ko hagize n’ikiba yarega nk’umugore w’isezerano.”

Sinamenye Jeremie umuyobozi w’akarere ka Rubavu, avuga ko bagiye gushyira imbaraga mu bukangurambaga ku gushinga ingo abantu babanje gusezerana imbere y’amategeko kugira ngo abashakanye barusheho gutegura neza ejo hazaza heza hirindwa amakimbirane ashingiye ku buharike.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Nyamasheke:Uruganda rutunganya icyayi abahinzi bijejwe ruruzura mu mezi 5
Nyamasheke:Uruganda rutunganya icyayi abahinzi bijejwe ruruzura mu mezi 5

Hari hashize imyaka igera kuri 6 abahinzi b’icyayi bibumibye muri koperative y’abahinzi b’icyayi ba COTHEGA bagihinga mu mirenge ya Karambi na Cyato mu karere ka Nyamasheke, kitababyarira umusaruro (...)

Ngoma: Koperative yagaruje toni 80 z’umusaruro wari waguzwe n’abamamyi
Ngoma: Koperative yagaruje toni 80 z’umusaruro wari waguzwe n’abamamyi

Ubuyobozi bwa Koperative Rebakure Munyamurama_KOREMU, igizwe n’abanyamuryango 350 bahinga ibigori n’ibishyimbo mu murenge wa Murama, mu karere ka Ngoma, buratangaza ko mu mwaka wa 2016 gusa, (...)

Aborozi  b’i Nyagatare batewe impungenge n’indwara itazwi ituma inka zabo ziramburura
Aborozi b’i Nyagatare batewe impungenge n’indwara itazwi ituma inka zabo ziramburura

Bamwe mu borozi bo mu Kagali ka Ryeru mu Murenge wa Rwempasha mu karere ka Nyagatare, bahangayikishijwe n’igisa n’icyorezo cyateye mu nka zabo zihaka, zikaramburura zenda kubyara. Aba borozi (...)

Musanze:Basabye ko ubushakashatsi ku miyoborere bugera no mu bigo byigenga
Musanze:Basabye ko ubushakashatsi ku miyoborere bugera no mu bigo byigenga

Ubwo ikigo cy’igihugu gishinzwe imiyoborere, RGB, cyerekanaga igipimo cy’imiyoborere ibereye abaturage n’imitangire ya serivise, bamwe mu bayobozi b’inzego z’ibanze basabye ko ubu bushakashatsi bwajya (...)

Ngoma:Abadepite bashimye uko abaturage babyaza umusaruro ibikorwa by’iterambere begerejwe
Ngoma:Abadepite bashimye uko abaturage babyaza umusaruro ibikorwa by’iterambere begerejwe

Abagize Inteko Ishinga Amategeko umutwe w’abadepite bari mu gikorwa cyo gusura ibikorwa by’iterambere mu karere ka Ngoma, aho bagenzura akamaro byagiriye abaturage, bakanakira ibyifuzo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.