Advertisement
 
 
 
 
 
 
 
 

Amakuru | Mu Ntara | Intara

Rubavu:Abaganga bishe abarwayi muri Jenoside banenzwe   

  Yanditswe na IYAREMYE YVES
 April 2016

 
 

Ubuyobozi bw’ibitaro bya Gisenyi bwifatanije n’abafite ababyeyi, abavandimwe n’inshuti biciwe muri ibi bitaro muri Jenoside yakorewe abatutsi, bunenga cyane abaganga bishe abarwayi babaziza ko ari Abatutsi.

Igikorwa cyo kwibuka abatutsi biciwe mu bitaro bya Gisenyi cyabimburiwe n’urugendo rwo kwibuka rwahereye ku kicaro cy’umurenge wa Rugerero rusorezwa ku Rwibutso rwa Jenoside, aharuhukiye imibiri 443 irimo n’abiciwe muri ibi bitaro.

Umuyobozi w’ibitaro bya Gisenyi Major Dr William Kanyankore, avuga ko bibabaje kuba mu gihe cya Jenocide abenshi mu baganga bo muri ibi bitaro bagaragaje umutima wa kinyamaswa bakica bagenzi babo, bica abarwayi n’abarwaza.

Yagize ati:“Birababaje kubona umuganga uba uzi uko umuntu abura ubuzima agapfa, yafata umwanzuro wo kwica umurwayi wari waje kureba ko yamuvura agakira, ahubwo akaba ariwe umwaka ubuzima.

Uyu mutima wa kinyamaswa waranze abaganga ntiwari ukwiye, tuzakora ibishoboka byose ibyabaye ntibizongere kubaho, tunasaba buri wese kurwanya ingengabitekerezo ya Jenoside aho iva ikagera.”

JPEG - 94.2 kb
Umuyobozi w’ibitaro bya Gisenyi Major Dr Kanyankore William (Foto Iyaremye Y)

Habiyaremye Karim, uhararariye Ibuka mu murenge wa Rugerero aragira ati:“Isura yagaragaye kuri bamwe mu baganga mu gihe cya Jenoside kandi twari dusanzwe tuzi ko aribo bantu bagira impuhwe bazi ububabare bw’umuntu, si ikwiye kuranga ikiremwamuntu kandi ntibizongera, tuzabigeraho tubashije kurandura ingengabitekerezo aho ikigaragara.”

Umuyobozi w’akarere ka Rubavu wungirije ushinzwe imari n’iterambere ry’ubukungu Murenzi Janvier, yasabye ababuze ababo gukomera no kumva ko ibyabaye bitazongera kubaho ukundi,ndetse asaba abaturage muri rusange gukumira ingengabitekerezo ya Jenoside.

 

Comments

 
 
Urubyiruko rw’i Rusizi rugiye guhabwa inkoko 18 000
Urubyiruko rw’i Rusizi rugiye guhabwa inkoko 18 000

Ubuyobozi bw’akarere ka Rusizi buravuga ko mu mezi make ari imbere inkoko 18.000 zigiye guhabwa urubyiruko rwibumbiye mu makoperative. Ni umushinga munini kandi urambye uzarukura mu bukene (...)

Rubavu:Kiliziya Gatolika yahagurukiye ikibazo cy’abasore n’inkumi bishyingira
Rubavu:Kiliziya Gatolika yahagurukiye ikibazo cy’abasore n’inkumi bishyingira

Ubuyobozi bwa Paruwasi Gatolika ya Gisenyi mu karere ka Rubavu, buravuga ko bwiteguye gufasha urubyiruko mu buryo bwose bushoboka, ariko rugacika ku muco wo kwishyingira ugenda ufata indi ntera. (...)

Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Ubwato Perezida Kagame  yahaye abaturage bo ku Nkombo buratanga umusaruro ushimishije
Ubwato Perezida Kagame yahaye abaturage bo ku Nkombo buratanga umusaruro ushimishije

Abaturage bo mu murenge wa Nkombo mu karere ka Rusizi, barashimira cyane Perezida Paul Kagame wabahaye ubwato bwabakuye mu bwigunge, ubu bakaba banishimira ko umusaruro w’amafaranga arenga (...)

Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.