2017-08-18 14:28:59 clouds 27o High | Kigali Rwanda

Dukurikire:
 
 

Rubavu:Abaganga bishe abarwayi muri Jenoside banenzwe

Yanditswe na IMVAHO NSHYA

Kuya 2016-04-28 11:24:19

 
Share on:
 
Yasuwe:4
 
Yavuzweho:200
 
10
 
10

Ubuyobozi bw’ibitaro bya Gisenyi bwifatanije n’abafite ababyeyi, abavandimwe n’inshuti biciwe muri ibi bitaro muri Jenoside yakorewe abatutsi, bunenga cyane abaganga bishe abarwayi babaziza ko ari Abatutsi.

Igikorwa cyo kwibuka abatutsi biciwe mu bitaro bya Gisenyi cyabimburiwe n’urugendo rwo kwibuka rwahereye ku kicaro cy’umurenge wa Rugerero rusorezwa ku Rwibutso rwa Jenoside, aharuhukiye imibiri 443 irimo n’abiciwe muri ibi bitaro.

Umuyobozi w’ibitaro bya Gisenyi Major Dr William Kanyankore, avuga ko bibabaje kuba mu gihe cya Jenocide abenshi mu baganga bo muri ibi bitaro bagaragaje umutima wa kinyamaswa bakica bagenzi babo, bica abarwayi n’abarwaza.

Yagize ati:“Birababaje kubona umuganga uba uzi uko umuntu abura ubuzima agapfa, yafata umwanzuro wo kwica umurwayi wari waje kureba ko yamuvura agakira, ahubwo akaba ariwe umwaka ubuzima.

Uyu mutima wa kinyamaswa waranze abaganga ntiwari ukwiye, tuzakora ibishoboka byose ibyabaye ntibizongere kubaho, tunasaba buri wese kurwanya ingengabitekerezo ya Jenoside aho iva ikagera.”

JPEG - 94.2 kb
Umuyobozi w’ibitaro bya Gisenyi Major Dr Kanyankore William (Foto Iyaremye Y)

Habiyaremye Karim, uhararariye Ibuka mu murenge wa Rugerero aragira ati:“Isura yagaragaye kuri bamwe mu baganga mu gihe cya Jenoside kandi twari dusanzwe tuzi ko aribo bantu bagira impuhwe bazi ububabare bw’umuntu, si ikwiye kuranga ikiremwamuntu kandi ntibizongera, tuzabigeraho tubashije kurandura ingengabitekerezo aho ikigaragara.”

Umuyobozi w’akarere ka Rubavu wungirije ushinzwe imari n’iterambere ry’ubukungu Murenzi Janvier, yasabye ababuze ababo gukomera no kumva ko ibyabaye bitazongera kubaho ukundi,ndetse asaba abaturage muri rusange gukumira ingengabitekerezo ya Jenoside.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE