Advertisement
 
 
 
 
 
 
 
 

Amakuru | Mu Ntara | Intara

RFTC yahagaritse abubatsi b’Abashinwa bashakaga guhangika gare ya Muhanga   

  Yanditswe na MUHIZI ELISÉE
 26 April

 
 

Imirimo yo kubaka gare abagenzi bategeramo imodoka mu mujyi wa Muhanga, mu karere ka Muhanga imaze igihe yarahagaze, ubuyobozi bwa RFTC bwayubakaga bukavuga ko byatewe na rwiyemezamirimo utarubahirije amasezerano, bikaba ngombwa ko aba ahagaritswe.

Ubuyobozi bwa RFTC bwemeza ko isosiyete y’Abashinwa yahawe isoko ryo kubaka iyi gare yakoreshaga ibyuma bitujuje ubuziranenge, ikaba yarahagaritswe ngo yikosore.

Col. Twahirwa Dodo, umuyobozi wa RFTC, avuga ko mu masezerano bagiranye na kompanyi y’Abashinwa yatsindiye imirimo yo kubaka iyi gare abagenzi bategeramo imodoka atashyizwe mu bikorwa, kuko ibyuma byitwa aluminiyumu ‘aluminium’ byagombaga gukoreshwa atari byo iyi kompanyi yakoresheje.

JPEG - 157.6 kb
Imirimo yo kubaka gare ya Muhanga yabaye ihagaze (Foto Muhizi E)

Ibi rero ngo byatumye iyi nyubako iba ihagaze, kugira ngo muri uyu mushinga hanongerwemo amafaranga.

Yagize ati «Uretse kutubahiriza ibikubiye mu masezerano, harimo n’ikibazo cy’amafaranga yandi tugomba kongeramo kugira ngo iyi nyubako ibashe kuzura.»

Uwamariya Béatrice, Umuyobozi w’Akarere ka Muhanga, avuga ko mu minsi mike ishize ubuyobozi bwa RFTC bwaje gusaba ko Akarere kabasinyira kugira ngo babone uko baka amafaranga muri banki, barabikora, kuri ubu bakaba bategereje ko imirimo yo gusubukura inyubako itangira vuba.

Cyakora ubuyobozi bw’akarere n’ubwa RFTC ntibuvuga amafaranga abura kugira ngo imirimo yo kubaka iyi gari yose irangire.

Umuyobozi w’Akarere ka Muhanga ucyuye igihe Mutakwasuku Yvonne, mbere y’uko asoza manda yigeze kuvuga ko gari yagombye kuba yaruzuye muri Gashyantare uyu mwaka, ariko ubuyobozi bwa RFTC bwo burahamya ko iyi gare ishobora kuzuzura mu mpera z’uyu mwaka.

 

Comments

Who are you?
Your post
  • To create paragraphs, just leave blank lines.

 
 
Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.