2017-08-18 14:28:59 clouds 27o High | Kigali Rwanda

Dukurikire:
 
 

Polisi yahagurukiye abashoferi bagenda baburira abandi aho abapolisi bahagaze

Yanditswe na IMVAHO NSHYA

Kuya 2016-10-10 15:41:08

 
Share on:
 
Yasuwe:9
 
Yavuzweho:200
 
10
 
10

Polisi y’u Rwanda iraburira abashoferi bagenda bereka bagenzi babo aho abapolisi bahagaze ko bagiye gufatirwa ibyemezo kugira ngo uyu muco ucike burundu.

Mu biganiro byahuje abamotari, abanyonzi n’abahagarariye amasosiyete atwara abagenzi mu ntara y’Uburasirazuba, ACP Karasi Emmanuel uyobora Polisi muri iyo ntara yagarutse ku kibazo cy’abashoferi bagenda bereka bagenzi babo aho abapolisi bahagaze.

Yagize ati “Babandi bagenda bakora ibimenyetso bereka bagenzi babo aho basize abapolisi ubu nabo tugiye kubahagurukira kuko biroroshye cyane, kuba twafata umupolisi tukamuha amafaranga 10 000 akava mu modoka imukuye Kirehe ikamugeza i Kabuga, agafata indi agataha yambaye sivili biroroshye cyane ubundi akagenda atubwira imodoka yagiye iranga aho abapolisi bari”.

JPEG - 168.7 kb
ACP Karasi Emmanuel ahanura abashoferi n’abandi batwara ibinyabiziga (Foto Hakizimana Y)

Yakomeje agira ati “Inyoni zijya imigambi n’abarinzi bajya iyindi turabigisha ngo mubireke ku neza ariko nimutabishaka muzabireka ku bw’amategeko kuko iyo mwiruka ni ubuzima bw’Abanyarwanda muba mushyira mu kaga, namwe muhagarariye amasosiyete atwara abantu nimudufashe muce icyo kintu kuko iyo habaye impanuka namwe mubihomberamo”.

Umwe mu bari bahagarariye imwe mu masosiyete zitwara abagenzi mu ntara y’Uburasirazuba yasabye abagenzi kujya batunga agatoki umushoferi uri kuburira bagenzi be.

Yagize ati “Icyo twabisabira ni uko mwadufasha mukajya muduha amakuru mwifashishije telefoni, muri buri modoka haba harimo nimero wakoherezaho ubutumwa bugufi, hari nimero za polisi, RURA ndetse na nimero za sosiyete izo zose mwazifashisha mukatubwira umushoferi uri kwirukanka cyangwa ugenda yerekana aho abapolisi bashinzwe umutekano mu muhanda bahagaze, ubundi natwe tukamufatira ibyemezo”.

Polisi ivuga ko kubera ko imiterere y’imihanda yo mu ntara y’Uburasirazuba irambitse zimwe mu modoka zitwara abagenzi ziteza impanuka kubera umuvuduko udasanzwe.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE