Advertisement
 
 
 
 
 
 
 
 

Amakuru | Mu Ntara | Intara

Polisi y’u Rwanda yatashye icyicaro cyayo gishya cy’intara y’Amajyepfo   

  Yanditswe na UMUTONI BEATHA
 4 months ago

 
 

Polisi y’igihugu yatashye ku mugaragaro inyubako ikomatanyije icyicaro cya Polisi ku rwego rw’Intara y’Amajyepfo, urw’Akarere ka Huye, urw’Umurenge wa Ngoma, ndetse iyi nyubako ikazajya itangirwamo serivisi zitandukanye zitangwa na Polisi y’igihugu.

Umuvugizi wa Polisi y’igihugu ACP Celestin Twahirwa yasobanuye ko iyi nyubako yubatswe muri gahunda zo kwagura ibikorwa remezo bifasha Polisi gutanga serivisi nziza kandi zigatangirwa ahantu heza.

Yagize ati:“Za mbogamizi zo gutanga serivisi turi kugenda tuzigabanya, iyo ugiye guha umuntu serivisi ugasanga umwicaje mu mukungugu, cyangwa izuba rimwica, aho rero ntiwavuga ko uha ukugana serivisi nziza.

PNG - 776 kb
Inyubako ihuza inzego zitandukanye za Polisi mu Ntara y’Amajyepfo (Foto Umutoni B)

Iki kibazo rero twe twizera ko uko ubushobozi buzagenda buboneka, kizagenda gikemuka nk’uko hano mubona byakemutse, ni ibyo gushima Leta rero .”

Minisitiri w’umutekano mu gihigu Sheikh Musa Fazil Harelimana, yavuze ko guhiriza hamwe inzego za Polisi ngo zikorere mu nyubako imwe, biri mu rwego rwo gutanga serivisi zinoze no gukoresha neza ubutaka.

Yagize ati:“Iyi nyubako izakoreramo icyicaro cya Polisi mu Ntara y’Amajyepfo, icyicaro cya Polisi mu karere ka Huye na Sitasiyo ya Polisi ya Ngoma.

Inyubako imwe ntoya ikubiyemo izo serivisi zose, kandi buri wese akayikoreramo yisanzuye hatagombeye kumara ubutaka. Ubwo rero hatahiwe urwego rw’uturere, ndetse n’imirenge tukagira inyubako nziza.”

Iyi nyubako yuzuye itwaye amafaranga y’u Rwanda agera kuri miliyoni 600.Iyi gahunda yo kubakira inzego za Polisi zigakorera hamwe biteganyijwe ko izakomereza no mu tundi turere ndetse n’imirenge.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Karongi:Abaturage 31 bajyanwe mu bitaro bazira ikigage banyoye mu bukwe
Karongi:Abaturage 31 bajyanwe mu bitaro bazira ikigage banyoye mu bukwe

Abaturage 31 bo mu mudugudu wa Nyagahinga, Akagari ka Ruhinga mu murenge wa Gitesi ho mu karere ka Karongi, bamaze iminsi mu bitaro, nyuma yo kunywa ikigage bikekwa ko gihumanye mu bukwe. Aba (...)

Uburengerazuba: Guverineri Munyantwari yasabwe kwihutisha iterambere
Uburengerazuba: Guverineri Munyantwari yasabwe kwihutisha iterambere

Abanyamuryango ba FPR Inkotanyi mu ntara y’Uburengerazuba, batoye Guverineri Munyantwari Alphonse nk’umuyobozi mushya w’uyu muryango muri iyi Ntara, bamusaba kwihutisha iterambere. Guverineri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.