2017-06-28 15:02:12 clouds 27o High | Kigali Rwanda

Dukurikire:
 
 

Polisi y’u Rwanda yagejeje amashanyarazi ku batuye ‘Asante Kagame’

Yanditswe na IMVAHO NSHYA

Kuya 2017-06-04 07:26:48

 
Share on:
 
Yasuwe:491
 
Yavuzweho:200
 
10
 
10

Polisi y’u Rwanda yagejeje ku baturage bo mu karere ka Nyagatare, Umurenge wa Rwimiyaga, Akagari ka Kirebe, mu mudugudu wa “Asante Kagame” amashanyarazi akomoka ku mirasire y’izuba.

Igikorwa cyo gutaha ayo mashanyarazi cyayobowe n’Umuyobozi Mukuru wa Polisi y’u Rwanda, IGP Gasana K. Emmanuel ari kumwe na Minisitiri w’Ibikorwa remezo Musoni James.

Ingo zahawe ayo mashanyarazi ni 103, abaturage b’uwo mudugudu bashima Perezida Paul Kagame ku bw’ayo mashanyarazi bahawe, dore ko n’uwo mudugudu izina ryawo “Asante Kagame” rivuze “Urakoze Kagame”, bakaba barawise uko kubera ibikorwa bagejejweho na Perezida Paul Kagame nyuma yo kubatuza.

JPEG - 374.9 kb
Umuyobozi Mukuru wa Polisi IGP Emanuel Gasana aganira n’abaturage nyuma yo kubacanira, yabasabye gufata neza amashanyarazi bahawe (Foto Hitimana S.)

IGP Gasana, yababwiye abaturage ko byose Polisi ibigeraho kubera ubufatanye n’imibanire myiza ifitanye n’abaturage, abasaba kugira uruhare mu gukumira no kwirinda ibyaha kuko icyo Polisi yifuza ari Umunyarwanda ufite amahoro n’umutekano, akishimira ubuyobozi bwiza.

Minisitiri w’Ibikorwa remezo Musoni James yasabye aba baturage gukomera ku gihango bafitanye n’Umukuru w’Igihugu, Paul Kagame n’indangagaciro nziza nk’izimuranga, anabasaba kuzabyaza umusaruro aya mashanyarazi bakiteza imbere.

Minisitiri Musoni yanabemereye ko hazongerwa ingufu z’aya mashanyarazi bakayakoresha ibikorwa bitandukanye nko gusya ibigori, inganda nto n’ibindi, abasaba guhora baharanira ko ibyagezweho nta wabivogera cyangwa ngo abyangize bareba.

JPEG - 104.3 kb
Nyuma yo guhabwa amashanyarazi, abaturage bafatanyije n’abapolisi gucinya akadiho (Foto Hitimana S.)

Guverineri w’Intara y’Iburasirazuba Kazaire Judith, yashimiye Polisi y’u Rwanda ku bikorwa ikorera abaturage, ikarenga ku kubacungira umutekano w’abo n’ibyabo bakabaha ibikorwa remezo bigamije kubateza imbere nk’amashanyarazi, amazi meza, imihanda, amashuri n’amavuriro.’

Ibi bikorwa bya Polisi y’u Rwanda birakorwa muri gahunda y’icyumweru cya Polisi “Police Week” aho bakomeje gucanira abaturage na bimwe mu bigo nderabuzima bagezwaho amashanyarazi akomoka ku mirasire y’izuba.

HITIMANA SERVAND

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE