2017-08-21 15:16:56 clouds 27o High | Kigali Rwanda

Dukurikire:
 
 

Nyanza: Umuyobozi mu murenge akurikiranweho kunyereza inkunga y’Ubudehe

Yanditswe na IMVAHO NSHYA

Kuya 2016-06-22 13:50:43

 
Share on:
 
Yasuwe:3
 
Yavuzweho:200
 
10
 
10

Mugisha Janvier, ushinzwe Imibereho Myiza mu murenge wa Busoro mu karere ka Nyanza ari mu maboko ya polisi akekwaho kunyereza umutungo wagenewe gahunda y’Ubudehe.

Umunyamabanga Nshingwabikorwa w’uyu murenge, Mbarubukeye Vedaste yabwiye Imvaho Nshya ko Mugisha yatawe muri yombi n’inzego za Polisi mu iperereza kuwa 21 Kamena 2016, akurikiranweho imicungire mibi y’inkunga ya gahunda y’Ubudehe muri uwo murenge.

Ati “Ibyo basanze mu Budehe bw’uyu murenge birimo imikoreshereze idahwitse, nibyo barimo bakurikirana ngo barebe ukuri kwabyo. Kugeza uyu munsi niwe bakurikiranye, niwe witabye polisi.”

Itabwa muri yombi ry’uyu muyobozi rije nyuma y’inama yabaye kuwa kabiri tariki ya 21 Kanama 2016 ikoreshejwe n’umuyobozi w’akarere ka Nyanza, Ntazinda Erasme, agasanga uyu muyobozi agarukwaho n’amakuru atandukanye avuga ku kuba adashirwa amakenga mu kudindiza iyi gahunda.

Andi makuru agera ku Mvaho Nshya avuga ko imihanda n’amateme amwe n’amwe mu tugari tugize uwo murenge byubatswe muri gahunda y’ubudehe byamaze kwangirika.

Agaciro k’isoko n’ivuriro byubatse mu kagari ka Gitovu muri uyu murenge nabyo ntibivugwaho rumwe, aho bamwe basanga byarasondetswe ugereranyije n’uko byari biteganyijwe.

Bivugwa kandi ko itangwa ry’amasoko kuri uwo murenge muri gahunda y’Ubudehe naryo ridasobanutse aho usanga amasoko ahora atsindirwa n’umuntu umwe. Hiyongeraho kuba hari akagari kamwe kigeze gutiza amafaranga y’ubudehe akandi, nyamara abashinzwe ubudehe mu kagari kamwe batabizi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE