Advertisement
 
 
 
 
 
 
 
 

Amakuru | Mu Ntara | Intara

Nyanza: Polisi irashakisha rwiyemezamirimo ngo yishyure abaturage yambuye   

  Yanditswe na UMUTONI BEATHA
 2 months ago

 
 

Rwiyemezamirimo witwa Nsabimana ufite isosiyete yitwa TEKOZE, ari gushakishwa na Polisi y’igihugu, nyuma yo kwambura abaturage amafaranga asaga miliyoni 3 akaburirwa irengero, ariko ubuyobozi bw’akarere buravuga ko iki kibazo bwagishyikirije Polisi y’igihugu, ubu ikaba irimo kubashakisha.

Aya mafaranga yayambuye abaturage bagera kuri 20 bamukoreye ubwo yubakishaga isoko ry’amatungo rya Rurangazi, riherereye mu murenge wa Nyagisozi ho mu karere ka Nyanza.

Bamwe mu baturage bubatse isoko ry’amatungo rya Rurangazi, batangaza ko uyu mugabo yaje akabaha akazi ndetse bakagakora neza nk’uko babisabwaga, ariko nyuma ntibamenya igihe yagendeye kandi agenda atabishyuye, baramushakisha baramubura.

JPEG - 296.8 kb
Rwiyemezamirimo wubatse iri soko yagiye adahembye abamukoreye (Foto Umutoni B)

Mu kiganiro aba baturage bagiranye n’Imvaho Nshya, bavuze ko iki kibazo batakihereranye,ahubwo begereye ubuyobozi bw’akerere babugezaho ikibazo cyabo ngo barebe ko bazishyurwa amafaranga yabo bavunikiye.

N’ubwo nta gisubizo barabona, aba baturage basaba ubuyobozi ko bwashyira imbaraga nyinshi mu guhiga uyu mugabo akaboneka, bakishyurwa amafarnga yabo.

Ntazinda Erasme, umuyobozi w’akarere ka Nyanza, atangaza ko koko iki kibazo abaturage bakibagejejeho, gusa ngo nabo ikibazo bahuye nacyo ni uko uyu rwiyemezamirimo Nsabimana, bamuhamagara kuri telefoni ntiyitabe.

Meya Ntaziga agakomeza avuga ko nk’ubuyobozi bw’akarere bashyikirije ikibazo Polisi ikaba irimo kumushakisha, kandi akanizeza abaturage ko byanga bikunda azaboneka kandi ko azishyura amafaranga yabo.

Yagize ati “Mu Rwanda ntiwahemukira umuturage ngo ugende gutyo gusa, nubwo wajya he wafatwa, uyu mugabo Nsabimana rero ubu ari gushakishwa n’inzego z’umutekano za Polisi y’u Rwanda kandi azaboneka.Abaturage nibihangane bizere ko amafaranga yabo bazayishyurwa.”

Uretse kandi uyu rwiyemezamirimo wambuye abaturage akazimira, muri aka karere ngo hari n’abandi ba rwiyemezamirimo bagera kuri 2 nabo bambuye abaturage bakaburirwa irengero, bose ngo ibibazo byabo byashyikirijwe Polisi ikaba irimo ibashakisha.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.