2017-06-28 08:00:46 clouds 27o High | Kigali Rwanda

Dukurikire:
 
 

Nyanza:Mututu:Mu mezi 6 abaturage bazaba begerejwe amashanyarazi

Yanditswe na IMVAHO NSHYA

Kuya 2017-05-05 06:12:36

 
Share on:
 
Yasuwe:19
 
Yavuzweho:200
 
10
 
10

Mu gihe abaturage bo mu kagari ka Mututu ho mu murenge wa Kibilizi mu karere ka Nyanza, batangaza ko hari ibikorwa by’iterambere batabasha kugeraho kuko batagira umuriro w’amashanyarazi, ubuyobozi bw’akarere ka Nyanza burasezeranya aba baturage ko bitarenze amezi 6 bazaba begerejwe ibi bikorwa remezo bifuza.

Abaturage bo mu kagari ka Mututu bavuga ko bishimira kuba hari byinshi bamaze kugeraho babikesha imiyoborere myiza, gusa ariko bagatangaza ko kuba batarabona umuriro w’amashanyarazi ngo bituma hari iterambere ritabageraho, nko kuba hari ibyo bateganya gukora byabazanira inyungu bifashishije umuriro w’amashanyarazi ariko ntibabikore.

Uwizeyimana Hamida, umwe mu batuye muri uyu murenge, yagize ati “Twishimira ibyiza twagezeho tubikesha imiyoborere myiza, gusa ariko kuba nta muriro w’amashanyarazi uratugeraho, hari byinshi mu iterambere tutabasha gukora nko kwihangira imirimo ibyara inyungu kandi ikoresha umuriro w’amashanyarazi, twifuza ko natwe baduha umuriro tukarushaho kugana ku iterambere.”

JPEG - 283.4 kb
Meya Ntazinda Erasme yesezeranyije abaturage b’i Mututu ko bitarenze amezi 6 bazaba babonye amashanyarazi

Uyu muturage kimwe na bagenzi be, bemeza ko baramutse begerejwe amashanyarazi babasha gushora imari muri za salo zogosha, mu mirimo ijyanye no gusudira ibyuma, ibyuma bisya, n’ibindi byinshi.

Ntazinda Erasme, umuyobozi w’akarere ka Nyanza ahumuriza aba baturage, aho abasaba kwihangana kuko ngo bitarenze amezi 6 nabo bazaba babonye uyu muriro w’amashanyarazi nk’uko babyifuza, bityo bakaba basabwa gutangira gutekereza ibyo bazakora.

Yagize ati: “Ni byo muri aka kagari nta muriro w’amashanyarazi uhari, ariko icyo nabwira abaturage ni uko mbahumuriza kuko bitarenze amezi atandatu aha hazaba hageze umuriro w’amashanyarazi nk’ahandi, turizera rero tudashidikanya ko ibi ku bufatanye n’ikigo cya REG bizakorwa ku gihe.”

Kuri ubu mu karere ka Nyanza abaturage bamaze kugerwaho n’umuriro w’amashanyarazi bageze ku kigereranyo cya 21,2 %, ijanisha rikiri rito cyane ugereranyije n’umubare w’abaturage akarere kifuza ko bagerwaho n’amashanyarazi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE