Advertisement
 
 
 
 
 
 
 
 

Amakuru | Mu Ntara | Intara

Nyanza:Amaze imyaka 10 ategereje ingurane y’isambu ye yubatswemo umudugudu   

  Yanditswe na UMUTONI BEATHA
 3 months ago

 
 

Umuturage witwa Karangwa Emmanuel wo mu mudugudu wa Ruyenzi, mu kagari ka Cyotamakara, mu murenge wa Ntyazo ho mu karere ka Nyanza, arasaba ubuyobozi bw’akarere kugira icyo bwakora akabona ingurane y’isambuye yubatswemo umudugudu watujwemo abatishoboye, kuko ngo imyaka ibaye 10 ategereje kwishyurwa yarahebye.

Karangwa avuga ko ahubatswe izo nzu ubuyobozi bw’umurenge wa Ntyazo bwariho bwari bwamwemereye ko nawe azahabwamo inzu ndetse agahabwa n’ingurane y’ahasigaye, nyamara ngo amaze imyaka icumi agitegereje.

Karangwa avuga ko mbere yabanje gutura mu nzu ya nyakatsi ariko aho guca nyakatsi biziye ngo ubu amaze imyaka 7, acumbikiwe mu gikoni cy’umwe mu bahawe inzu mu zubatswe muri iyi sambu ye.

Ati “Njye nakomeje kujya nishyuza ku murenge bakambwira ngo ikibazo cyanjye bazagikemura bazagikemura ariko narategereje ndaheba, rwose abayobozi b’akarere nibarebe uko bankemurira ikibazo kuko kimaze igihe.”

JPEG - 478.5 kb
Karangwa ngo acumbikiwe muri iki gikoni cy’imwe mu nzu yubatswe mu isambu ye (Foto Umutoni B)

Ntazinda Erasme, umuyobozi w’akarere ka Nyanza, avuga ko iki kibazo cya Karangwa bakimenye, gusa ngo bamusabye ko yashaka amasezerano yaba yaragiranye n’abari bafashe iyi sambu ye, cyangwa se akaba yazana icyangombwa cy’ubutaka kigaragaza ko koko iyi sambu ari iye bityo akarere kakaba kamuha ingurane.

Yagize ati “Uyu mugabo ikibazo cye yakitugejejeho ndetse n’abaturage bakavuga ko koko ari iye ariko ntago twapfa kumuha ingurane nta kemeza koko ko iyo sambu yari iye.

Nashake rero amasezerano yaba yaragiranye n’ubuyobozi icyo gihe bafata isambuye, cyangwa se ashake icyangombwa cy’ubutaka kandi bizamworohera kukibona mu gihe n’abaturanyi be bagaragaza ko koko babizi ko isambu yari iye kandi ko banabizi ko atahawe ingurane cyangwa ngo yishyurwe.”

Abaturage bandi ngo bari bafite amasambu muri uyu mudugudu barishyuwe aho bishyurwaga amafaranga ibihumbi makumyabiri ku kibanza kimwe, naho Karangwa isambu yishyuriza ngo yubatswemo amazu 5.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Abaturage b’i Rubavu bishimiye ukwegura kwa bamwe mu bayobozi b’inzego z’ibanze
Abaturage b’i Rubavu bishimiye ukwegura kwa bamwe mu bayobozi b’inzego z’ibanze

Nyuma y’uko mu minsi ishize abayobozi b’utugari n’abakozi babungirije, n’abanyamabanga nshingwabikorwa b’imirenge mu turere tugize intara y’Uburengerazuba bagiye basezera ku mirimo yabo, bamwe mu (...)

Nyamasheke:Meya Kamari aramagana abadukanye ubugome bwo gutema inka
Nyamasheke:Meya Kamari aramagana abadukanye ubugome bwo gutema inka

Ubuyobozi bw’akarere ka Nyamasheke buravuga ko buhangayikishijwe n’abantu badukanye ingeso mbi yo gutema inka z’abaturage. Ni nyuma y’aho mu murenge wa Bushenge, mu karere ka Nyamasheke, umuturage (...)

Rubavu : Abubatse umudugudu w’icyitegererezo bamaze amezi ane bishyuza
Rubavu : Abubatse umudugudu w’icyitegererezo bamaze amezi ane bishyuza

Bamwe mu baturage bubatse inzu z’icyitegererezo mu kagari ka Muhira mu murenge wa Rugerero mu karere ka Rubavu, baravuga ko bamaze amezi ane bategereje kwishyurwa amafaranga agera kuri miliyoni 3 (...)

Ngoma:Imiryango itishoboye hafi 7000 imaze korozwa muri gahunda ya Girinka
Ngoma:Imiryango itishoboye hafi 7000 imaze korozwa muri gahunda ya Girinka

Ubuyobozi bw’akarere ka Ngoma butangaza ko kuva gahunda ya Girinka munyarwanda yatangira mu mwaka wa 2006, kugeza ubu inka zimaze korozwa imiryango itishoboye muri aka karere zimaze kurenga 6928. (...)

Ruhango: Abakora muri VUP bamaze amezi 4 badahembwa
Ruhango: Abakora muri VUP bamaze amezi 4 badahembwa

Abaturage bakora mirimo yo gutunganya imihanda no gucukura imirwanyasuri muri gahunda ya VUP mu murenge wa Kinihira ho mu karere ka Ruhango, baravuga ko bamaze igihe kigera ku mezi ane (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.