Advertisement
 
 
 
 
 
 
 
 

Amakuru | Mu Ntara | Intara

Nyamasheke: Uwanyereje miliyoni enye za Sacco yaburiwe irengero   

  Yanditswe na BAHUWIYONGERA SYLVESTRE
 June 2016

 
 

Umukozi wakoraga ku isanduku y’umurenge Sacco wa Karambi, mu karere ka Nyamasheke Karangwa Jean de Dieu, ukekwaho kuba yaranyereje amafaranga y’u Rwanda asaga 4 000 000, amaze amezi atatu ashakishwa.

Umunyamabanga nshingwabikorwa w’Umurenge wa Karambi Nkundabarama Jean Claude, yavuze ko uyu Karangwa yahemukiye abaturage yari ashinzwe gucungira ibyabo, akagenda akura amafaranga ku makonti yabo buhoro buhoro, bakajya gushiduka basanga asaga 4 000 000 amaze kunyerezwa.

Yagize ati “Yajyaga akura amafaranga ku makonti y’abanyamuryango, biza kugaragara umwe mu baturage agiye kubikuza amafaranga ye akabwirwa ko ntayariho, umuturage induru ayiha umunwa, bitangira gusakuza, bigera kuri BNR.”

Akomeza avuga ko bahamagaje ikigo cy’igihugu cy’amakoperative(RCA) ngo gikore iperereza, ryakorwa bagasanga ayo mafaranga yagiye kera, ari bwo undi yahitaga acika n’ubu hakaba hashize amezi atatu yaraburiwe irengero.

Uyu muyobozi yongeraho ko ikibazo cyahise gishyikirizwa inkiko, bikaba bigiye kurangira, ikizahita gikurikiraho ngo ni uguteza ibye cyamunara umutungo w’abaturage ukagarurwa.

Gitifu Nkundabarama yasabye abashinzwe gucunga ibya rubanda kunyurwa n’umushahara bahabwa bakirinda kugira akaboko karekare.

Ati” Tunyurwe n’umushahara dukorera, tureke guhemukira abaturage kuko nk’uriya yarahembwaga,nta kibazo yari afite ariko ubu ibye nibimara gutezwa cyamunara ntacyo azaba yungutse, umuryango we awusize mu kaga k’inzara n’ubukene bukabije kandi yizize. Ibyo yari amaze kuruhira biragiye kubera kubura ubunyangamugayo.’’

Uyu mukozi wa Sacco ngo basanze yaratangiye iyo ngeso mu mwaka ushize, agenda akuraho make make kugeza mu kwezi kwa gatatu k’uyu mwaka ari bwo yahise aburirwa irengero amaze gutahurwa, ubu akaba yaramaze gusimbuzwa.

Umwe mu banyamuryango b’iyi Sacco waganiriye n’Imvaho Nshya yagize ati “ Birababaje kubona Leta ishishikariza umuturage kwizigamira, umuntu yagurisha agatoki cyangwa utugori ntayarye ahubwo akayazigama, umuntu nk’uriya wize, uhembwa menshi akaturira amafaranga! Yaraduhemukiye rwose kandi ni umugayo mubi.

Yakomeje avuga ko uyu mukozi wakoze amakosa akwiriye kuyaryozwa kuko urwishigishiye arusoma.

 

Comments

 
 
Hamuritswe igishushanyombonera cy’umujyi wa Bugarama
Hamuritswe igishushanyombonera cy’umujyi wa Bugarama

Mu gihe kiri imbere igice kinini cy’umurenge wa Bugarama kigiye kuba umujyi wunganira umujyi wa Rusizi, igishushanyombonera cyawo kikaba cyaramurukiwe abatekinisiye b’akarere n’ubuyobozi bw’uyu (...)

Rusizi:Abaturage bafashe ingamba zo kwicungira umutekano
Rusizi:Abaturage bafashe ingamba zo kwicungira umutekano

Nyuma y’aho mu rukerera rwo ku wa 12 uku kwezi abantu bataramenyekana bateye mu kagari ka Ryankana mu murenge wa Bugarama bakaharasira abaturage 3 babiri bagahita bahasiga ubuzima, abaturage b’uyu (...)

Guverineri Mureshyankwano yasabye urubyiruko kwirinda ibiyobyabwenge
Guverineri Mureshyankwano yasabye urubyiruko kwirinda ibiyobyabwenge

Ubwo hizihizwaga umunsi ngarukamwaka witiriwe Mutagatifu Yozefu, Guverineri w’Intara y’Amajyepfo Mureshyankwano Marie Rose yasabye abanyeshuri biga mu rwunge rw’amashuri rwitiriwe Mutagatifu Yozefu (...)

Gakenke-Muyongwe: Kubona ‘rezo’ ya telefone biracyari ingorabahizi
Gakenke-Muyongwe: Kubona ‘rezo’ ya telefone biracyari ingorabahizi

Abaturage bo mu murenge wa Muyongwe mu karere ka Gakenke, bavuga ko bababajwe no kuba burira imisozi bajya gushaka ihuzanzira (rezo) rya telefone ngendanwa, bagasaba ubuyobozi kubafasha gukemura (...)

Ngoma:Batewe impungenge n’igiciro cy’amakara cyazamutse cyane
Ngoma:Batewe impungenge n’igiciro cy’amakara cyazamutse cyane

Bamwe mu batuye umujyi wa Ngoma, mu ntara y’Uburasirazuba, baravuga ko bakomerewe n’ikibazo cy’ibura ry’amakara yo gutekesha, n’aho bayabona bakayabona ku giciro bavuga ko gihanitse bagereranyije (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.