Advertisement
 
 
 
 
 
 
 
 

Amakuru | Mu Ntara | Intara

Nyamasheke: Uwajugunye umwana yabyaye mu bwiherero yahanishijwe gufungwa burundu   

  Yanditswe na BAHUWIYONGERA Sylvestre
 August 2016

 
 

Urukiko rwisumbuye rwa Rusizi kuri uyu wa Kane rwahanishije gufungwa burundu Niyomuhoza Alice, w’imyaka 18 y’amavuko, wo mu mudugudu wa Nyamirundi, akagari ka Ntango,mu murenge wa Nyabitekeri,mu karere ka Nyamasheke wibarutse umwana akamuta mu bwiherero bwo mu isoko rya Nyamitaka muri aka kagari.

Umunyambanga nshingwabikorwa w’uyu murenge Niyonzima Jacques avuga ko uyu mukobwa yataye uyu mwana mu bwiherero bw’iri soko ku wa 12 Nyakanga uyu mwaka.

Inkuru yahise imenyekana ariko umukobwa abajijwe arabihakana,avuga ko hari umugore utabyara wo mu mujyi wa Rusizi waje akamumusaba, akamujyana, ndetse ko ngo ari moto yaje ikamujyana nijoro.

Gitifu yagize ati’’ Ubwo twabonaga nta mwana afite tukagira amakenga tugatangira kumumubaza, yavugaga ko yamuhaye uwo muntu ariko twashaka uwo wamujyanye tukamubura,twanabaza uwo mukobwa ikimenyetso cy’aho yamujyanye kikabura,bituma tumufunga, tumufungana n’undi mugabo yavugaga ko ari we wamuzaniye uwo mugore ngo amumuhe.

JPEG - 72.5 kb
Abaturage bo mu murenge wa Nyabitekeri bifuje ko uwo mukobwa aburanishirizwa mu ruhame

Bukeye ku wa 13 ni bwo yemeye ko yamwishe akamuta mu bwiherero bw’iri soko,bukeye bwaho ku wa 14 Nyakanga umurambo w’uwo mwana tuwuvanamo,urashyingurwa.”

Akomeza avuga ko uwo mugabo yabeshyeraga yahise arekurwa, uyu mukobwa we aburanishirizwa mu ruhame rw’abaturage ku biro by’aka kagari aho icyaha cyabereye ku wa 2 Kanama uyu mwaka.

Niyomuhoza yaburanye yemera icyaha, asaba no kugabanirizwa ibihano kuko ngo yataye umwana mu bwiherero kubera ko nyina yamutotezaga cyane bigatuma atarera umwana neza, ahitamo kumwica.

Uyu muyobozi yakomeje abwira Imvaho Nshya ko ibyo uyu mukobwa yavugaga mu rukiko yari amatakirangoyi, kuko nta na rimwe yari yarigeze ataka ko yabuze ibyo kureresha umwana nubwo yavugaga ko uwamuteye inda atazi aho ari.

Iperereza ryakurikiyeho kandi ryerekanye ko abeshyera nyina, ko atigeze amutoteza, ari ho urukiko rwahereye rumukatira igifungo cya burundu.

Gitifu Niyonzima yagize ati’’ Uyu murenge wagarijwe n’ikibazo cy’inda nyinshi zitateguwe abangavu batwara cyane, duhorana impungenge z’uku kwica abana kw’aba babyeyi gito, uyu mukobwa wabonaga mu maso afite ipfunwe n’agahinda kenshi k’ibyo yakoze,tukaba tudashidikanya ko hari isomo yasigiye abandi bangavu bagenzi be.’’

Avuga ko nyuma y’uru rubanza ubuyobozi bwasabye abaturage ko nta kintu na kimwe cyagombye gutuma umuntu yihekura bigeze hariya.

Abayobozi banashimangiye ko abashuka abana bato bakabatera inda muri uwo murenge batazihanganirwa, abangavu nabo basabwe kureka kwishora mu mibonano mpuzabitsina bakiri bato,kubera ingaruka mbi bibonera zibiturukamo.

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.