Advertisement
 
 
 
 
 
 
 
 

Amakuru | Mu Ntara | Intara

Nyamasheke:Urupfu rw’umubyeyi waciwe umutwe rwasize ubwoba mu baturage   

  Yanditswe na BAHUWIYONGERA SYLVESTRE
 July 2016

 
 

N’ubwo ubuyobozi bw’akarere ka Nyamasheke n’ubw’umurenge wa Mahembe bukomeje gukoresha inama abaturage bubahumuriza, bamwe baravuga ko bagifite ubwoba bwinshi, nyuma y’urupfu rw’umugore witwaga Nyirahabiyaremye Jeannette w’imyaka 40.

Uyu mugore wishwe aciwe umutwe yari utuye mu kagari ka Kagarama muri uyu murenge wa Mahembe.

Amakuru Imvaho Nshya ikesha bamwe mu baturage bo muri uyu murenge n’ubuyobozi bwabo, avuga ko uyu Nyirahabiyaremye wari usanzwe acuruza isambaza ku isoko rya Mugonero, yahamagawe mu gitondo saa moya n’igice ku wa 30 Kamena n’uwitwa Callixte w’umurobyi asanzwe arangurira isambaza, ngo bahurire ku kiyaga mu gice cy’umurenge wa Gihombo, Nyamasheke amugurire izo yarobye.

Uyu mugore ngo yarahageze aramuhamagara, undi amubwira ko ngo amureba agiye no kuzimuzanira, ariko kuko umugore ngo yari ahantu h’agashyamba, wa mugabo yaje kubona umugabo wambaye ingofero itukura n’umupira w’umukara afite n’umupanga mu ntoki akurikiye uyu mugore, hashize akanya ntiyongera kubabona bombi, anahamagaye umugore telefoni ntiyacamo.

JPEG - 222.6 kb
Bamwe muri aba baturage baravuga ko icyoba ari cyose nyuma y’urupfu rwa mugenzi wabo (Foto Bahuwiyongera S)

Uyu murobyi ngo yahise ahamagara abandi bantu barashakisha baza kugera aho umugore yiciwe, hari inkweto yari yambaye n’igitambaro yari ateze mu mutwe n’amaraso menshi.

Bakomeje gushakisha baraheba, bukeye kuwa 1 Nyakanga basanga igihimba cyonyine mu mazi, ariko umutwe barawubura, na wo ukaba waraje kuboneka ku wa 03 Nyakanga, byose bijyanwa mu bitaro bya Mugonero gusuzumwa mbere y’ishyingurwa.

Iperereza ryahise ritangira hahita hafatwa abasore 3 barimo umwe w’imyaka 27 wo mu kagari ka Kibingo, wanasanganywe umuhoro uriho amaraso mu nzu yabagamo n’agapapuro kariho urutonde rw’abantu ngo yateganyaga kwica, aho yanditsemo ko ngo azajya abaca imitwe akayijugunya mu Kivu.

Abandi bafashwe ni umugabo w’imyaka 34 na we wo muri Kibingo n’undi w’ahitwa Cyimpindu mu murenge uhana imbibi wa Kirimbi, aba ngo bakaba bari basanzwe bazwiho kunanirana no kunywa ibiyobyabwenge.

Munyaneza Justin, umuturanyi wa nyakwigendera, yabwiye Imvaho Nshya ati:“Nyuma y’uru rupfu rw’uyu mubyeyi twari dusanzwe tugurira isambaza twatashywe n’icyoba cyinshi ku buryo kujya hanze nijoro byatunaniye, kujya ku Kivu kuvoma ku batagira amazi byabaye ikibazo, kuko niba abantu bica umuntu mu gitondo ku manywa, ntitwabura icyoba.”

Mu nama n’abaturage, umuyobozi w’aka karere wungirije ushinzwe imibereho myiza y’abaturage, Mukamana Claudette, yabasabye gutekana no gutangira amakuru ku gihe ku cyo babona cyose gishobora kubahungabanyiriza umutekano.

Nyakwigendera yasize umugabo n’abana 6, barimo uruhinja rw’umwaka, akaba yaranambuwe amafaranga 24,000.

 

Comments

 
 
Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Huye:  Abacikanwe n’amashuri barifuza kwiga indimi z’amahanga n’imyuga
Huye: Abacikanwe n’amashuri barifuza kwiga indimi z’amahanga n’imyuga

Abakuze bagana amasomero y’abakuze ngo bihugure mu gusoma no kwandika mu karere ka Huye, bagaragaje icyifuzo cy’uko bashakirwa uburyo bwihariye bwajya bubafasha gukomeza kwiga mu yandi mashuri (...)

Rwamagana:Abaturage basabwe kurwanya ihohoterwa rishingiye ku gitsina
Rwamagana:Abaturage basabwe kurwanya ihohoterwa rishingiye ku gitsina

Abaturage bo mu ntara y’Uburasirazuba barasabwa kurwanya ihohoterwa rishingiye ku gitsina n’irikorerwa abana, batanga amakuru y’abahohotewe ku gihe, bakanirinda kuzimangatanya ibimenyetso. Ubu ni (...)

APR FC   irasabwa intsinzi    ku mukino wa Zanaco FC
APR FC irasabwa intsinzi ku mukino wa Zanaco FC

APR FC-Zanaco FC (Amahoro-15h30) Ikipe ya APR FC irakina umukino wo kwishyura n’ikipe ya Zanaco FC yo muri Zambia mu mikino y’Afurika y’amakipe yabaye aya mbere iwayo “Total Caf Champions League (...)

Abaturage bo mu Ngororero babaga mu manegeka bahawe inzu zirimo televiziyo
Abaturage bo mu Ngororero babaga mu manegeka bahawe inzu zirimo televiziyo

Abagize imiryango 11 yari ituye mu manegeka mu murenge wa Kabaya mu karere ka Ngororero barashimira Leta yabavanye mu kaga k’ibiza byahoraga bibasenyera ubu bakaba batuye mu nzu nziza zirimo na (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.