Advertisement
 
 
 
 
 
 
 
 

Amakuru | Mu Ntara | Intara

Nyamasheke:Umwana wakinaga umupira yagonze umukingo arapfa   

  Yanditswe na BAHUWIYONGERA SYLVESTRE
 July 2016

 
 

Ngendahayo Emmanuel, wari ufite imyaka 13, wigaga mu mashuri abanza mu kagari Cyimpindu mu murenge wa Kirimbi, mu karere ka Nyamasheke, ubwo yakinanaga n’abandi bana yakurikiye umupira mu mukingo uri munsi y’umuhanda, akubita agatuza kuri wa mukingo ahita apfa.

Umuyobozi ushinzwe uburezi muri uyu murenge Nyirabashyirahamwe Marie, yabwiye Imvaho Nshya ko inkuru y’urupfu rw’uyu mwana yaje kumenyekana ubwo umwe mu bana bakinanaga yabonye mugenzi we atinze kuzana umupira, agiye kureba asanga undi aryamye ubuteguka, arebye neza asanga yashizemo umwuka.

Uyu mwana ngo yahise abwira abandi bana baratabaza, abaturage n’inzego z’umutekano barahurura, umuryango we uhita ujyana umurambo we mu rugo rw’ababyeyi be.

JPEG - 146.4 kb
Umwana wapfuye yari atuye mu murenge wa Kirimbi. Iyi foto ni iy’inyubako y’ibiro by’umurenge(Foto Bahuwiyongera S)

Uyu muyobozi avuga ko bisabwe n’umuryango we usanzwe utishoboye, ubuyobozi n’inzego zishinzwe umutekano bahise bemera ko umurambo ushyingurwa, ukaba wahise ushyingurwa batiriwe bajya gukoresha isuzuma kwa muganga, kuko na bo ngo banze kwirirwa bakurura amatiku n’impaka ndende ku babyeyi b’abana bakinanaga, bakemera ko ibyabaye ari impanuka, ari na bwo umurambo wahise ushyingurwa.

Nyirabashyirahamwe yagize ati:“Ni urupfu rwatubabaje cyane kuko umwana wari ugiye kurangiza amashuri abanza, akaba apfuye urupfu rw’amanzaganya nka ruriya, ntawe bitababaza cyane.
Gusa kuko byabaye mu bihe by’iminsi mikuru, ubu abarezi natwe twese dushinzwe uburezi n’abanyeshuri bigaga ku ishuri rimwe na nyakwigendera, turateganya uburyo bwo kuzasura uyu muryango no kuwufata mu mugongo.”

Mu butumwa uyu muyobozi yahaye ababyeyi yagize ati: “Ibihe nk’ibi by’impeshyi ni ibihe abana bakunda gukina umupira cyane batanitaye ku ho baba bakinira, cyangwa uburyo baba bakinamo, tukaba dusaba ababyeyi cyangwa abarezi ku mashuri gukurikirana neza abana iyo bari mu mikino, bakamenya aho bakinira, babona ari habi cyangwa bakina imikino ishobora kubateza ingorane bakababuza.

Abana na bo basabwe kujya bakinira ahantu hadashobora guteza impanuka nk’uko byabaye kuri uyu mwana.”

Ngo ni ubwa mbere ibintu nk’ibi bibaye muri uyu murenge, kuko ngo abana bari basanzwe bakina bagataha amahoro.Mu nama yahise ikoreshwa abaturage bakaba bongeye gukangurirwa gukurikirana abana aho bari hose.

 

Comments

 
 
Guverineri Mureshyankwano yasabye urubyiruko kwirinda ibiyobyabwenge
Guverineri Mureshyankwano yasabye urubyiruko kwirinda ibiyobyabwenge

Ubwo hizihizwaga umunsi ngarukamwaka witiriwe Mutagatifu Yozefu, Guverineri w’Intara y’Amajyepfo Mureshyankwano Marie Rose yasabye abanyeshuri biga mu rwunge rw’amashuri rwitiriwe Mutagatifu Yozefu (...)

Gakenke-Muyongwe: Kubona ‘rezo’ ya telefone biracyari ingorabahizi
Gakenke-Muyongwe: Kubona ‘rezo’ ya telefone biracyari ingorabahizi

Abaturage bo mu murenge wa Muyongwe mu karere ka Gakenke, bavuga ko bababajwe no kuba burira imisozi bajya gushaka ihuzanzira (rezo) rya telefone ngendanwa, bagasaba ubuyobozi kubafasha gukemura (...)

Ngoma:Batewe impungenge n’igiciro cy’amakara cyazamutse cyane
Ngoma:Batewe impungenge n’igiciro cy’amakara cyazamutse cyane

Bamwe mu batuye umujyi wa Ngoma, mu ntara y’Uburasirazuba, baravuga ko bakomerewe n’ikibazo cy’ibura ry’amakara yo gutekesha, n’aho bayabona bakayabona ku giciro bavuga ko gihanitse bagereranyije (...)

Nyamasheke: Umugabo yatawe muri yombi azira kwigabiza ishyamba rya Leta
Nyamasheke: Umugabo yatawe muri yombi azira kwigabiza ishyamba rya Leta

Hategekimana Jean Pierre, w’imyaka 40, afungiwe kuri sitasiyo ya Ruharambuga mu karere ka Nyamasheke akurikiranweho kwigabiza ishyamba rya Leta riri mu mudugudu wa Kacyiru, mu kagari ka Ntendezi, (...)

Ngoma:Urubyiruko rushamikiye ku muryango FPR Inkotanyi rwaremeye imfubyi
Ngoma:Urubyiruko rushamikiye ku muryango FPR Inkotanyi rwaremeye imfubyi

Binyuze mu buryo bw’umuganda, urugaga rw’urubyiruko rushamikiye ku muryango FPR Inkotanyi mu Karere ka Ngoma rwasaniye inzu, runubakira ubwiherero ndetse n’akarima k’igikoni abana b’imfubyi babiri. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.