Advertisement
 
 
 
 
 
 
 
 

Amakuru | Mu Ntara | Intara

Nyamasheke:Umuturage ukeneye gufotoza impapuro akora urugendo rwa km 10   

  Yanditswe na BAHUWIYONGERA SYLVESTRE
 September 2016

 
 

Abaturage bo mu tugari twa Gisoke na Nyakavumu mu murenge wa Mahembe, mu karere ka Nyamasheke, baravuga ko kugira ikibazo ku kagari cyangwa ku murenge gikeneye gufotoza irangamuntu, cyangwa ibindi byangombwa ari ugukubitika, kuko bibasaba gukora urugendo rurerure.

Aba baturage bemeza ko ukeneye gufotoza bimusaba kujya kuri santere y’ubucuruzi ya Mugonero, mu kagari ka Kagarama, aho bagenda ibilometero birenga 10 kandi bagiye gufotoza icyangombwa batangaho amafaranga 100 gusa.

Biriyongeraho n’abandi babifitoza baturutse ku biro by’umurenge wa Mahembe na wo utagira amashanyarazi, aho umuturage uwuturiye na we atanga amafaranga 1000 ya moto agiye ku Mugonero gufotoza indangamuntu cyangwa imyanzuro y’abunzi, akayatanga agiye gufotoza urupapuro rw’amafaranga 30.

JPEG - 78.2 kb
Kubona imashini ifotora bibasaba kugenda imisozi n’imisozi (Foto;Internet)

Bavuga ko mu murenge nta mashanyarazi ahari kandi nyamara ipoto yayo ica muri metero 50 gusa uvuye kuri ibi biro, abaturage bakavuga ko bikwiriye kwigwaho ibi bibazo bigakemuka.

Abaganiriye n’Imvaho Nshya bagaragaje ko ikibazo cy’amashanyarazi gihangayikishije muri uyu murenge, kuko aho umuntu yavuga ko ari afite ingufu ari mu kagari kamwe gusa kitwa Kagarama, na ho akaba ari mu midugudu 2 gusa.

Ahandi ari akaba ari ayo abaturage bikururiye adafite ingufu zafotora cyangwa ngo ushyireho ikindi kintu, bikaba bikomeje kubadindiza.

Rutasi Céléstin, wo mu kagari ka Nyakavumu yagize ati “Ibiro by’akagari n’iby’umurenge bikorera mu kizima, wajyayo ufite ikibazo gikeneye ko gufotoza indangamuntu bigasaba kugenda umunsi wose n’inzara n’inyota, kandi ugiye gufotoza indangamuntu y’amafaranga 100 gusa.

Tukabona ari akarengane gakomeye kuko biba buri gihe, bamwe bakaba barazinutswe gushaka ibyangombwa mu buyobozi bisaba kubabwira kugira icyo bajya gufotoza.”

Umunyamabanga nshingwabikorwa w’uyu murenge Munyankindi Eloi, avuga ko ari ikibazo gikomeye cyane kandi batagira icyo bakoraho, aho bigera ko umuturage yinubira kujya kwaka icyangombwa runaka mu buyobozi kuko ari butakaze umunsi wose ajya gufotoza gusa.

Yakomeje avuga ko n’ubuyobozi bw’umurenge butanga amatike ya buri munsi bujya gufotoza ibyangombwa bishobora no gutakara cyangwa bikangiza ubusugire bwa zimwe mu mpapuro z’ubuyobozi zitagombye kumenywa n’abo bafotora, bikaba bikibagoye.

Icyakora avuga ariko ko iki kibazo kizabonerwa umuti vuba. Yagize ati “Amashanyarazi yo aracyari ikibazo gikomeye muri uyu murenge, kugeza n’aho umuturage agenda ibilometero birenga 10 ajya gufotoza indangamuntu igihe iyo fotokopi ikenewe, ariko icyizere cyo kuyabona vuba kirahari kuko amapoto yatangiye kutugeraho muri ya gahunda ya Nyakubahwa Perezida wa Repubulika yo gukwirakwiza amashanyarazi mu baturage.

Umushnga waratangiye, tukaba twizeye ko bizakemuka n’ibiro by’umurenge bikayabona, gusiragiza abaturage bigahagarara.”

 

Comments

 
 
Kirehe: Abafashwa na FARG Bifuza kugabanyirizwa amafaranga bashoraga mu mushinga
Kirehe: Abafashwa na FARG Bifuza kugabanyirizwa amafaranga bashoraga mu mushinga

Abarokotse Jenoside yakorewe Abatutsi bagera kuri 49, bo mu kagari ka Nyabitare, umurenge wa Nyarubuye bagenerwa inkunga binyujijwe mu kigega gifasha abarokotse Jenoside yakorewe Abatutsi mu 1994 (...)

Rubavu: Abatuye mu mbago z’ikibuga cy’indege cya Gisenyi basonewe imisoro
Rubavu: Abatuye mu mbago z’ikibuga cy’indege cya Gisenyi basonewe imisoro

Inama Njyanama y’akarere ka Rubavu yafashe umwanzuro wo gusonera imisoro abaturage baturiye ikibuga cy’indege cya Gisenyi, nyuma y’imyaka irenga 8 barahagaritswe kugira ibikorwa by’iterambere (...)

Amajyaruguru: Hari kwigwa itegeko rihana abakora uburobyi mu buryo butemewe
Amajyaruguru: Hari kwigwa itegeko rihana abakora uburobyi mu buryo butemewe

Minisiteri y’Ubuhinzi n’Ubworozi iratangaza ko hari kwigwa itegeko rihana ba rushimusi mu biyaga byo mu Rwanda kuko batuma umusaruro w’amafi utiyongera bigatera igihombo abakora ubu bworozi. Intara (...)

Rubavu: Abamaze imyaka itatu batagira amazi bagiye gusubizwa
Rubavu: Abamaze imyaka itatu batagira amazi bagiye gusubizwa

Akarere ka Rubavu karahumuriza abaturage bamaze imyaka igera kuri 3 batagira amazi mu ngo zabo bakavuga ko bamaze gukora amasezerano n’ikigo cy’igihugu cy’amazi, isuku n’isukura, WASAC, ku buryo (...)

Bamwe mu bacururiza ku mupaka wa Rusizi I bahawe amezi 2 yo kuba bimutse
Bamwe mu bacururiza ku mupaka wa Rusizi I bahawe amezi 2 yo kuba bimutse

Ubuyobozi bw’akarere ka Rusizi burasaba abagize urugaga rw’abikorera muri aka karere n’abacuruzi bakorera ku mupaka wa Rusizi ya mbere, kwicara hamwe bitarenze amezi 2 bakareba bimwe mu bicuruzwa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.