Advertisement
 
 
 
 
 
 
 
 

Amakuru | Mu Ntara | Intara

Nyamasheke: Umusore yishe se amuziza ko yamwimye amafaranga   

  Yanditswe na BAHUWIYONGERA Sylvestre
 October 2016

 
 

Ntakiyimana Gustave w’imyaka 19, afungiye kuri sitasiyo ya polisi ya Ruharambuga mu karere ka Nyamasheke, nyuma yo kwica se amukubise icyuma cy’itindo mu mutwe amuziza ko yamwimye ku mafaranga y’ishyamba yagurishije.

Akimara gukora ayo mahano yahungiye mu murenge wa Giheke, mu karere ka Rusizi, afatwa mu gitondo cyo kuri iki cyumweru, ubwo yari amaze gukatisha tike y’imodoka ashaka kwerekeza i Kigali.

Umunyamabanga Nshingwabikorwa w’agateganyo w’akagari ka Gashashi, Mbangukira Celestin, yabwiye Imvaho Nshya ko ku wa Gatanu, Nsengiyumva Jacques w’imyaka 51, yagurishije ishyamba.

Uyu muhungu we Ntakiyimana , usanzwe afatwa nk’ikirara mu mudugudu, dore ko ngo yanataye ishuri yamwatse kuri ayo mafaranga yagurishije ishyamba undi arayamwima, umuhungu ahita amwica ngo ayatware yose.

JPEG - 43.6 kb
Uwo musore yafashwe ashaka gucikira i Kigali

Yagize ati Yamumennye umutwe mu ma saa moya n’igice z’umugoroba wo kuri uyu wa gatanu, ubwo yamwatse kuri ayo mafaranga tutabashije kumenya umubare se arayamwima bitangira kubyara intonganya zikaze, umwana ahita afata icyuma cy’itindo akimukubita mu mutwe ahita acika.”

Uyu muyobozi avuga ko bahise batabara uwo mugabo bakamujyana ku kigo nderabuzima cya Mwezi, yakomeza kumererwa nabi cyane akajyanwa ku bitaro bya Bushenge ariho yaguye.

Yongeyeho ati’’ Uyu mwicanyi yafatiwe mu karere ka Rusizi,mu mudugudu wa Murambi,akagari ka Giheke, mu murenge wa Giheke agerageza kwihishahisha, inzego zose z’umutekano twari twabwiye kumushakisha, ku bufatanye n’abaturage zihita zimuta muri yombi ubwo yari amaze gukatisha tike ngo ajye mu mujyi wa Kigali aho yibwiraga ko azagirira amahoro.’’

Avuga ko bahise bakoresha inama y’umutekano abaturage igitaraganya, babasaba kujya bihutira gutanga amakuru igihe bumva intonganya zishobora kubyara amakimbirane yavamo n’urupfu.

Uru rupfu muri aka kagari rukurikiye urw’umwana uherutse gupfira ku muvuzi gakondo wavugaga ngo aramuvura, abaturage bakaba basabwa kwirinda ikintu cyose cyakongera gukurura urupfu rwagombaga kwirindwa.

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.