Advertisement
 
 
 
 
 
 
 
 

Amakuru | Mu Ntara | Intara

Nyamasheke: Umushoferi w’isosiyete ikora umuhanda yishwe   

  Yanditswe na BAHUWIYONGERA SYLVESTRE
 May 2016

 
 

Umugabo witwa Nkubana Moses w’imyaka 42, wari umushoferi wa sosiyete ikora umuhanda wo mu murenge wa Karambi uzafasha kugeza icyayi mu Gisovu, yishwe n’abantu bataramenyekana, ubuyobozi buvuga ko bwatangiye iperereza ku rupfu rwe.

Mu kiganiro n’Imvaho Nshya, Umuyobozi w’akarere ka Nyamasheke Kamari Aimé Fabien, yavuze ko amakuru afite ari uko uyu mushoferi yari yanyoye inzoga ahitwa mu i Tyazo mu murenge wa Kanjongo, mu karere ka Nyamasheke hafi ya sitasiyo ya Lisansi, akomeza gusangira n’abandi ariko bamwe mu bo basangiraga bagenda bataha, we hakaba hataramenyekana aho yahise ajya.

JPEG - 51 kb
Uyu muhanda niwo basanzemo nyakwigendera yenda gushiramo umwuka

Mu gitondo ngo nibwo bwo abantu bamubonye mu muhanda wa kaburimbo Nyamasheke-Karongi atarashiramo umwuka, bagira ngo bamuterure bamujyane kwa muganga agahita abagwa mu maboko.

Yagize ati:“Iperereza rirakomeje ngo tumenye byinshi ku rupfu rwe, ariko ikigaragara cyo ni uko yishwe kuko bamusanganye igikomere kinini ku gahanga hejuru y’ijisho, bigaragara ko ari nk’ikintu yakubiswe n’ubwo ayo makuru agikusanywa.”

Kamari avuga ko iby’umuryango nyakwigendera yasize bitaramenyekana neza kuko atabanaga na wo, gusa ngo bigaragara ko irangamuntu ye yayifatiye mu karere ka Musanze, mu ntara y’Amajyaruguru, ariko hakaba hari amakuru avuga ko yari atuye mu ntara y’Uburasirazuba.

JPEG - 52 kb
Meya Kamali avuga ko bagishakisha ukuri kuri urwo rupfu.

Kuri ubu yabaga aho mu i Tyazo, mu mudugudu wa Nyagacaca, akagari ka Kibogora, mu murenge wa Kanjongo ku mpamvu z’akazi.

Uyu muyobozi yakomeje agira ati:“Ntitubujije abantu kunywa ariko ibyiza ni uko umuntu akwiriye kumenya abo basangira yizeyeho umutekano we, amenye abo batahanye n’uko atashye, kuko nk’uyu wasanzwe mu muhanda wa kaburimbo ntituzi aho yanywereye hose, abo basangiye bose n’aho yakubitiwe.

Tukaba kandi dusaba ko abaturage bajya bahita batanga amakuru ku rugomo cyangwa ikindi babona gishobora guhungabanya umutekano wabo cyangwa uwa bagenzi babo, baba abo baturanye cyangwa ababagendereye.”

 

Comments

 
 
Burera:Ubuyobozi bwihanangirije ababyuka banywa inzoga  ngo zibatera imbaraga
Burera:Ubuyobozi bwihanangirije ababyuka banywa inzoga ngo zibatera imbaraga

Ubuyobozi bw’akarere ka Burera burasaba abaturage gucika ku muco wo kubyukira ku ntango y’inzoga n’ibigage, ahubwo bakimakaza umuco wo kubyukira k’umurimo, biteza imbere. Ubu butumwa bwatanzwe mu (...)

Rusizi: Ababyeyi barinubira abakobwa babo
Rusizi: Ababyeyi barinubira abakobwa babo "babaturaho" abuzukuru babyaye batiteguye

Bamwe mu babyeyi bo mu murenge wa Rwimbogo mu karere ka Rusizi, baravuga ko bahangayikishijwe bikomeye n’abana babo bata amashuri kubera inda zitateguwe ntibanavuge abazibatera, ugasanga barateza (...)

Muhanga:Hafunguwe ibyumba by’amashuri y’abafite ubumuga
Muhanga:Hafunguwe ibyumba by’amashuri y’abafite ubumuga

Umuganda ngarukakwezi ku rwego rw’Akarere ka Muhanga, wabereye hafi y’ishuri ry’abafite ubumuga, uhuzwa no gutaha ku mugaragaro ibyumba 6 yabo, byatwaye miliyoni 60 z’amafaranga y’u Rwanda. Senateri (...)

Ngoma:Abaturage basabye ubuyobozi kubasaranganya igishanga cya Misarara
Ngoma:Abaturage basabye ubuyobozi kubasaranganya igishanga cya Misarara

Abaturage bo mu midugudu ya Munini I na Munini II, akagari ka Bugera, umurenge wa Remera, barasaba ubuyobozi kubakememurira ikibazo cy’imihingire y’igishanga cya Misarara, bavuga ko bari basanzwe (...)

Abarangije kaminuza muri INES basabwe guhanga imirimo bagaca ubushomeri
Abarangije kaminuza muri INES basabwe guhanga imirimo bagaca ubushomeri

Abanyeshuri 1080 bahawe impamyabushobozi z’icyiciro cya 2 n’icya gatatu(masters) mu ishuri rikuru rya INES Ruhengeri, basabwe guharanira guteza imbere gahunda yo kwihangira umurimo, hagamijwe (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.