Advertisement
 
 
 
 
 
 
 
 

Amakuru | Mu Ntara | Intara

Nyamasheke : Umusaza uvugwaho uburozi bwa Nyabingi yaciye igikuba mu baturage   

  Yanditswe na BAHUWIYONGERA Sylvestre
 October 2016

 
 

Nkerangabo Zebulon, umusaza w’imyaka 66 utuye mu mudugudu wa Ruganzu, akari ka Kigoya, mu murenge wa Kanjongo mu karere ka Nyamasheke aravugwaho kuba umugirwa wa Nyabingi, akaroga abo mu muryango we n’abaturanyi, bamwe bagasara ndetse ngo hari n’uwapfuye.

Uyu musaza mu cyumweru gishize yakubiswe n’umuturanyi we Sibomana Simon, aramukomeretsa bikomeye, amuziza ko yamurogeye umwana akoresheje ayo mashitani ya Nyabingi akamwica.

Muri ako gace hasanzwe umutekano muke uterwa n’ayo marozi kimaze gufata intera ndende. Abaturage bavuga ko abasaza babiri bava inda imwe, Nkerabagabo na murumuna we Hagenimana Simon, w’imyaka 63 bombi baturanye, ari abarozi.

JPEG - 236.2 kb
Bamwe muri aba baturage bavuga ko hakwiye inama yacocerwamo ibi byose uru runturuntu rugacika hataragira abamburana ubuzima

Umunyamabanga nshingwabikorwa w’akagari ka Kigoya, Hategekimana Jean Thierry, yabwiye Imvaho Nshya ko abo basaza bashinjwa n’abagore, abana n’abuzukuru babo.

Yagize ati “Dufite umutekano muke muri aka kagari uterwa n’ikibazo cy’amarozi kimaze gufata indi ntera muri uriya mudugudu, abavandimwe babiri bashinjwa n’imiryango yabo ko bamaze abaturage babaroga za Nyabingi, bakaziroga n’abo mu miryango yabo.”

Hategekimana akomeza avuga ko abo basaza banavugwaho kuroga abana bo mu rwunge rw’amashuri rwa ADEPR Muraza bajya ku ishuri bakiruka ku musozi .

Yongeyeho ati “ Haravugwa n’umwana umwe muri aba ngo yaroze agapfa amarabira, abaturage bakaba bazabiranijwe n’uburakari bukomeye, bakamukubita ku buryo twiyambaje ubuyobozi n’inzego z’umutekano ku murenge ngo zize ku bihosha.’’

Umwe mu basaza yiyemerera ko batunze za Nyabingi

JPEG - 248.3 kb
Ku rusengero rwa ADEPR Muraza niho bivugwa ko murumuna wa Nkerabagabo witwa Hagenimana Simon yihaniye marozi asaba na mukuru we kwihana

Uyu muyobozi avuga ko icyaje gutera abantu urujijo kikanabatungura, ari uko mu kwezi gushize, umusaza Hagenimana Simon, yagiye mu rusengero rwa ADEPR Muraza ari ku cyumweru ku manywa y’ihangu akavuga ko we na mukuru we bazengereje abantu babaroga.

Icyo gihe yavuze ko bamaranye imyaka 34 ibyo birozi bakuye muri Uganda. Ngo barabikoresha bagasarisha abantu, ari na byo bakoresheje mu banyeshuri bakajya birirwa biruka ku musozi mu masaha y’amasomo.

Hagenimana imbere y’itorero icyo gihe, yemeje ko n’umugore we ari we wamumugaje kubera ayo marozi, avuga ko ibyo yashyize mu bana abivanyemo, asaba na mukuru we kubyihana.

Mukuru we na mushiki we ngo babyakiriye nabi baranamukubita yishinganisha ku kagari ari ho banabungiye nyuma y’umuganda ushize wo ku wa 24 Nzeri.

Gitifu yagize ati’’ Ikibabaje ni uko nyuma yaho ku wa kane ushize twumvise ngo Nkerabagabo yagiye gucuragura ku muturanyi we Sibomana Simon induru zivuze arabacika hashize iminsi 2 gusa umwana wa Sibomana w’imyaka 5 ahita apfa amarabira, ni ko kugira umujinya ngo ajya kumukubita aranamukomeretsa.’’

Mu gihe uyu musaza akiri mu bitaro n’uwapfushije umwana afunze, ubuyobozi bw’umurenge bwateguye inama y’umutekano kuri uyu wa gatanu yo guhumuriza abaturage.

 

Comments

 
 
Karongi: Imibiri 45 y’abazize Jenoside igiye gushyingurwa mu cyubahiro
Karongi: Imibiri 45 y’abazize Jenoside igiye gushyingurwa mu cyubahiro

Ubuyobozi bw’akarere ka Karongi buravuga ko muri iki gihe cyo kwibuka ku nshuro ya 23 Jenoside yakorewe abatutsi, hazashyingurwa mu cyubahiro imibiri 45 y’abazize Jenoside, yabonetse mu mirenge (...)

Nyamasheke: Batewe urujijo n’abo mu muryango umwe bakomeje gupfa biyahuye
Nyamasheke: Batewe urujijo n’abo mu muryango umwe bakomeje gupfa biyahuye

Nsengimana Daniel w’imyaka 32 y’amavuko wari utuye mu mudugudu wa Nyarubura, akagari ka Susa, mu murenge wa Kanjongo, mu karere ka Nyamasheke, bamusanze mu cyuma cy’uruganiriro cy’inzu ye yiyahuje (...)

Gicumbi:Baributswa kwirinda imvugo n’ibikorwa bikomeretsa abarokotse Jenoside
Gicumbi:Baributswa kwirinda imvugo n’ibikorwa bikomeretsa abarokotse Jenoside

Umuyobozi w’Akarere ka Gicumbi Mudaheranwa Juvenal, asaba abaturage kuba hafi abarokotse Jenoside yakorewe abatutsi, by’umwihariko bakirinda imyitwarire n’imvugo zishobora kubakomeretsa. Meya (...)

Rubavu:Dasso yashimiwe ko yasubije amafaranga ibihumbi 130 uwayataye
Rubavu:Dasso yashimiwe ko yasubije amafaranga ibihumbi 130 uwayataye

Ubuyobozi bw’akarere ka Rubavu, ku bufatanye na Minisiteri y’ubutegetsi bw’igihugu, bashimiye mu ruhame umukozi w’urwego rwa Dasso witwa Niyifasha Fidele, wasubije amafaranga ibihumbi 130 umuturage (...)

Aboroye inka b’i Ngoma bakomerewe n’ikibazo cy’ibura ry’intanga
Aboroye inka b’i Ngoma bakomerewe n’ikibazo cy’ibura ry’intanga

Aborozi bo mu karere ka Ngoma, mu ntara y’Uburasirazuba bavuga ko ubworozi bwabo bubangamiwe n’ibura ry’intanga, bigatuma bakomeza kujya kubanguriza inka zabo ku bimasa bisanzwe, ibintu bagaragaza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.