Advertisement
 
 
 
 
 
 
 
 

Amakuru | Mu Ntara | Intara

Nyamasheke:Umukobwa witeguraga ubukwe yishwe akebwe ijosi   

  Yanditswe na BAHUWIYONGERA SYLVESTRE
 September 2016

 
 

Umubiri wa Nyiranziza Béatha w’imyaka 33 y’amavuko wasanzwe mu muferege uri hagati y’icyayi n’ishyamba mu mudugudu wa Ruhinga ya 2, mu kagari ka Kagatamu, mu murenge wa Bushenge,mu karere ka Nyamasheke.

Umurambo w’uyu mukobwa wari ufite ubukwe mu Kuboza wabonetse ahagana saa mbiri z’igitondo kuwa gatanu, ubonwa n’abaturage basoromaga icyayi.

Nk’uko Imvaho Nshya yabitangarijwe n’umunyamabanga nshingwabikorwa w’umurenge wa Bushenge, Uwizeyimana Emmanuel, ngo ubwo bahuruzwaga n’abaturage basoromaga icyayi aho uyu mukobwa yiciwe, basanze yakebwe ijosi ryenda kuvaho.

JPEG - 286.6 kb
Iruhande rw’iki giti n’icyayi muri uyu muferege ni ho basanze uwo mukobwa yapfuye (Foto Bahuwiyongera S)

Abamwishe ngo bamwambuye ipantalo yari yambaye n’umwenda w’imbere barabimuseguza asigara yambaye ubusa, n’indangamuntu ye bayimurambika iruhande, kugeza ubu abamwishe ntibataramenyekana, ariko iperereza rikaba riri gukorwa.

Yagize ati “Byagaragaraga ko yiciwe ahandi hantu bakamuzana kumujugunya aho kuko nta maraso twahasanze, nyuma yo kubona indangamuntu ye twashakishije umuryango we turawubona turanavugana, akaba ari uwo mu murenge wa Rangiro muri aka karere.

Umwe mu babyeyi be atubwira ko uwo mukobwa yavuye mu rugo i Rangiro kuwa kane mu gitondo yari amaze kugurisha inka n’umurima, ngo agiye gutegurana ubukwe na fiyanse we bari barasezeranye mu murenge, uyu musore akaba atuye mu kagari ka Mataba mu murenge wa Nkungu, mu karere ka Rusizi.”

Yongeyeho ati “Twakomeje iperereza dusanga koko yarageze muri urwo rugo, gusa ngo ntiyaharaye kuko ngo yahavuye mu ma saa kumi n’imwe z’umugoroba atashye i Rangiro, uyu musore na we akaba ari mu maboko ya Polisi sitasiyo ya Ruharambuga kugira ngo atange amakuru yafasha mu iperereza.

Gusa abamwishe bo ntibaramenyekana, iperereza rirakomeje, nirirangira tuzamenya ibyavuyemo.”

Avuga ko ngo amakuru akomeza avuga ko ubwo bukwe bateguranaga n’umusore babuteganyaga mu kwa 12 k’uyu mwaka.Umubiri wa Nyakwigendera ukaba wahise ujyanwa mu bitaro bya Bushenge gukorerwa isuzuma.

Mu nama y’umutekano yahise iterana, abatabaye n’abaturage baturiye hafi aho, basabwe kujya batangira amakuru ku gihe.

Ati’’ Ttwababwiye kumenya ko hari abantu bokamwe n’ubugome bukabije bakibugendana kuko bigaragara ko uriya mukobwa yicanywe ubugome bukabije, tugasaba abaturage ko igihe bagize uwo bakekaho ubugizi bwa nabi bahita bamushyikiriza inzego z’umutekano atarakora ibara,kuko bigaragara ko aba bagizi ba nabi babihishemo.’’

Uru rupfu rw’agashinyaguro rukurikiye urw’undi mugore wishwe mu murenge wa Mahembe mu ntangiriro za Nyakanga,bakamuca umutwe bakawujugunya mu kivu,abaturage bakaba basanga ubwicanyi nk’ubu buteye inkeke.

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.