Advertisement
 
 
 
 
 
 
 
 

Amakuru | Mu Ntara | Intara

Nyamasheke: Umukobwa w’imyaka 30 wigaga mu yisumbuye yapfuye yiyahuye   

  Yanditswe na BAHUWIYONGERA Sylvestre
 4 months ago

 
 

Bangwanubusa Leoncie w’imyaka 30 wigaga mu wa Gatanu w’ayisumbuye mu rwunge rw’amashuri rwa Nyarusange,mu murenge wa Karengera mu karere ka Nyarusange yiyahuye nyuma yo gutwita inda ya kabiri itateganyijwe ntanyurwe n’amasezerano yagiranye n’uwayimuteye.

Uyu munyeshuri yari ari mu biruhuko iwabo mu mudugudu wa Nyagafunzo,akagari ka Mwezi mu wa Karengera bamusanze mu cyumba nyina babanaga araramo yiyahuje inzitiramibu .

Umunyamabanga nshingwabikorwa w’akagari ka Mwezi, Nsengumuremyi Jean Baptiste, avuga ko uyu mukobwa yari asanzwe afite umwana w’imyaka irenga itatu ku nda yari yaratwaye yiga mu wa gatatu wisumbuye.

Umusore wari wayimuteye ngo nta kibazo bari bagiranye nta n’icyo yamukurikiranyeho, nuko umwana atangiye gukura umukobwa asubira mu ishuri akaba yari ageze mu mwaka wa gatanu.

Gitifu Nsengumuremyi akomeza avuga ko unsi musore baturanye muri uyu mudugudu yaje kumutera indi nda ikaba yari ifite amezi atandatu, uyu mukobwa amurega kuri polisi,sitasiyo ya Karengera umusore arafatwa arafungwa, ataramaramo n’iminsi ibiri umukobwa ajya kumufunguza ngo bumvikane, bumvikanira kuri polisi ko azajya amuha amafaranga 5000 y’indezo, icyakora ngo umukobwa ntiyanyurwa.

Nsengumuremyi akomeza agira ati’’ Nimugoroba komanda wa polisi sitasiyo ya Karengera yaramuhamagaye amubaza niba yishimiye amasezerano yagiranye n’uwo musore ko umwana navuka azajya amuha iyo ndezo, ndetse ko umusore yari yemeye ko azajya anamuherekeza ku gipimo,umukobwa avuga ko atanyuzwe, ni bwo bukeye yaje kwiyahura.”

Yongeyeho ati’’ Twabimenye bivuzwe na nyina wari uvuye guhinga amuhamagaye aramubura yinjiye mu cyumba cy’uruganiriro asanga agapapuro yandikiye nyina amubwira ko ubuzima bumunaniye amusezeyeho, arebye mu cyumba cye asanga ni ho uwo mukobwa yiyahuriye ahita atabaza abaturage n’inzego z’umutekano n’ubuyobozi, turatabara tumanura umurambo we, ujyanwa mu bitaro bya Bushenge gukorerwa isuzuma mbere y’uko ashyingurwa.’’

Nyakwigendera yashyinguwe ku wa gatanu mu masaha y’igicamunsi ,uwo musore wamuteye inda we ngo arabura.

JPEG - 75.1 kb
Ubuyobozi bw’umurenge wa Karengera bwafashije gushyingura nyakwigendera

Mu nama y’umutekano yahise ikoreshwa abaturage, ubuyobozi bwasabye urubyiruko kwirinda inda zitateganyijwe zitera ibibazo nk’ibyo byo kwiyahura, bubwira abaturage ko kwiyahura atari wo muti w’ibibazo bahura na byo.

Urubyiruko kandi rwsabwe kuganiriza ubuyobozi n’imiryango mu gihe bahuye n’ibibazo nk’ibi, bakumva n’inama bagirwa, kuko nk’uyu mukobwa yari yagiriwe inama ko niba atanyuzwe ajya mu rukiko.

Nyakwigendera Bongwanubusa yashyinguwe n’ubuyobozi bw’akagari n’umurenge kuko nyina yagaragazaga ko atishoboye, abaturage bakomeza kumufata mu mugongo.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.