Advertisement
 
 
 
 
 
 
 
 

Amakuru | Mu Ntara | Intara

Nyamasheke:Umugabo w’imyaka 42 yimanitse mu kagozi arapfa   

  Yanditswe na BAHUWIYONGERA SYLVESTRE
 May 2016

 
 

Umugabo witwa Nsengimana Augustin w’imyaka 42, wari utuye mu mudugudu wa Rwangoma, akagari ka Gako, mu murenge wa Kagano, yasanzwe yiyahuye, hakekwa amakimbirane yo mu rugo rwe nk’impamvu nyamukuru yamuteye kwiyambura ubuzima.

Nsengimana yiyahuye mu ijoro ryo kuwa 14 rishyira kuwa 15 Gicurasi, ariko umurambo we wabonetse mu gitondo cyo ku ya 15.

Umunyamabanga Nshingwabikorwa w’aka kagari ka Gako, Nyirahakizimfuza Consolée, yabwiye Imvaho Nshya ko amakuru bafite ari uko uyu mugabo yaba yiyahuye kubw’amakimbirane amaze igihe kirekire yari afitanye n’umugore we witwa Nyirahabyarimana Pascasie.

JPEG - 221.3 kb
Nsengimana Augustin yari atuye mu murenge wa Kagano. Iyi ni inyubako y’ibiro by’uyu murenge (Foto Bahuwiyongera S)

Aya makimbirane ngo akaba yakomokaga ku kuba uyu mugore yamucaga inyuma, bikaba byari binazwi n’ubuyobozi, uyu mugore akaba yari anamaze ibyumweru 2 yarahukaniye iwabo mu murenge wa Rangiro, muri aka karere.”

Yagize ati:“Iperereza ryahise ritangira ngo hamenyekane impamvu nyayo yo kwiyahura k’uyu mugabo, ariko ikizwi ni uko uyu mugore yari afite ingeso igaragara y’ubusinzi, yanamuteraga ubusambanyi, bwatumaga ahora avugwaho guca inyuma umugabo.

Yagezega mu ma saa munani z’ijoro akiri mu kabari n’abagabo banyuranye, bikaba byarigeze no gufatwa nk’ikibazo cy’umutekano muke uyu mugore yatezaga mu mudugudu, binafatiye kuri ubwo businzi, hakaba hari n’inyandiko zakozwe n’ubuyobozi bw’umudugudu bugerageza kwihanangiriza uyu mugore gucika kuri izi ngeso, ariko birananirana.”

Yakomeje agira ati:“Nkaba nari nabahamagaje bombi twagombaga kuzabonana kuri uyu wa kabiri nkabunga, bikava mu mudugudu bikajya ku rwego rw’akagari, none umugabo abirangije yiyahura.”

Abana b’uyu mugabo ngo nibo bahuruje abaturanyi bukeye mu gitondo, babonye se atabyutse, bagiye kureba basanga yinigishije ikiziriko mu cyumba yararagamo aranagana.

Nk’uko uyu muyobozi yakomeje abivuga ngo ingeso nk’izi z’amakimbirane yo mu ngo aturuka ku gucana inyuma kw’abashakanye zikunda kuboneka muri aka kagari, hakaba hagiye gukazwa ingamba z’ubukangurambaga mu mugoroba w’ababyeyi.

Abaturage bo muri aka kagari ngo bagiye kandi kuganirizwa ku ndangagaciro zikwiye kubaranga, ngeso nk’zi zitesha agaciro akagari kabo zigacika burundu.

Umunyamabanga Nshingwabikorwa w’Umurenge wa Kagano, Nyitegeka Jerôme, yasabye abaturage kudashaka gukemura ibibazo bafite banyuze mu nzira yo kwiyambura ubuzima biyahura, ahubwo abafitanye ibibazo nk’ibi by’amakimbirane yo mu ngo bajya basabwa kujya begera imiryango ikabafasha kubikemura, byananirana bakegera ubuyobozi bugafatanya kubishakira umuti.

Nyakwigendera Nsengimana Augustin asize uyu mugore n’abana 5.

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.