Advertisement
 
 
 
 
 
 
 
 

Amakuru | Mu Ntara | Intara

Nyamasheke: Rurageretse hagati ya Mudugudu n’umuturage yatwariye inka ya Girinka   

  Yanditswe na BAHUWIYONGERA Sylvestre.
 June 2016

 
 

Umuturage Mporwiki Ferdinand wo mu mudugudu wa Bizi, akagari ka Vugangoma,mu murenge wa Macuba,mu karere ka Nyamasheke arashinja ‘’Mudugudu’’ we Biruta Emmanuel gukoresha amanyanga agatwara inka yari yagenewe muri gahunda ya Girinka.

Mporwiki avuga ko afashijwe n’ ushinzwe imibereho myiza y’abaturage n’iterambere mu kagari, Dusabemungu Emmanuel n’uwari agoronome w’uwo murenge Bayisenge Joseph, yemerewe iyo nka agasabwa kubaka ikiraro nyamara yaza ikijyanirwa na mudugudu.

Avuga ko yabyirutsemo, mudugudu akamubwira ko yirukira ubusa kuko ngo na we yayibonye abize icyuya, akabura uko abigenza. Ubwo yumvaga ko abadepite bazabasura, mudugudu yamutumyeho ngo iki kibazo azagiceceke kitazakurura ibindi bibazo byinshi muri iyi gahunda, kandi ko ngo nibamara kugenda baziga uko yahabwa indi nka ariko atababateje.

JPEG - 81.7 kb
Mpoirwiki abaza ikibazo cya abadepite

Abadepite bahageze batangiye kumva ibibazo by’abaturage Mporwiki yaratunguranye arakibaza kandi bamubujije, kijya hanze gityo.

Aganira n’Imvaho Nshya yagize ati’’ Nari ndwaje abana babiri imirire mibi kuko mfite barindwi kandi nkennye cyane,batangira kubaha amata ku kigo nderabuzima cya Hanika muri uyu murenge,baza kuvuga ko bazaduha amatungo,turanayatombora,ntombora inka abandi batombora ingurube,bibera ku murenge, barazihabwa. Njye uwo ushinzwe imibereho myiza yacu mu kagari ambwira kujya kubaka ikiraro bakampa inka mu minsi ibiti,ndacyubaka aragisura aranagishima,hari mu mwaka wa 2014.

Yakomeje ati” Muri ya minsi ibiri inka ije aho kuza iwanjye ahubwo nabonye bayijyanye ku mukuru w’umudugudu Biruta Emmanuel, mubajije ambwira ko naka indi kuko iyo ngo yatanze byinshi ngo ayibone, mbura uko mbigenza, ejobundi numvise ko ngo abayobozi barya ibya Girinka bazakurikiranwa, ndongera ndabaza, bumvise ko tuzasurwa n’abadepite,mudugudu ampamagara saa tatu z’ijoro ambwira ko mbiceceka, bazagenda hakazigwa uko cyakemurwa.”

Uyu muturage ngo yamubereye ibamba ati” Agomba kumpa inka yanjye,abana banjye na bo bakanywa amata,bakava mu mirire mibi.’’

Dusabimana Emmanuel wari ushinzwe imibereho myiza mu kagari ubwo iyo nka yatangagwa yabwiye Imvaho Nshya ati’’ Mudugudu afata iyo nka icyo gihe nari nshinzwe imibereho myiza ,kandi nanjye nari mpari koko, yawuyoboye nyuma ariko inka koko yarayihawe kandi yabyaye inyana,ariko kugira ngo uyu muturage areke gukomeza gusakuza tuzabyoroshya tumuhe iriya nyana,dukemure ikibazo.’’

Iki kibazo intumwa za rubanda zasize zitegetse ubuyobozi bw’umurenge kugikurikiranira hafi,ariko mu kiganiro n’Imvaho Nshya,Guverineri w’intara y’uburengerazuba,Mukandasira Caritas yavuze ko ibibazo nk’ibi biri henshi muri iyi ntara,kandi ko ababigizemo uruhare bazabiryozwa.

Byanagaragaye no mu kagari ka Banda mu murenge wa Rangiro naho muri Nyamasheke, mudugudu we ahita ayiryozwa mu ruhame n’intumwa za Rubanda Kabasinga Chantal na Niyonsenga Théodomir.

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.