Advertisement
 
 
 
 
 
 
 
 

Amakuru | Mu Ntara | Intara

Nyamasheke: Rezo ya telefoni ‘irabona umugabo igasiba undi’   

  Yanditswe na BAHUWIYONGERA SYLVESTRE
 August 2016

 
 

Abaturage b’umurenge wose wa Nyabitekeri mu karere ka Nyamasheke, cyane cyane ku bice byawo byegereye ikiyaga cya Kivu, baravuga ko bamaze igihe mu bwigunge bitewe n’itumanaho rya telefoni ritagikora neza, kubera iminara yo muri Kongo iganza iyo mu Rwanda.

Aba baturage bavuga ko iki kibazo kiri mu tugari twose tugize uyu murenge kuko twose dukora kuri iki kiyaga, tukaba turi mu bwigunge bukabije.

Umuturage witwa Minani Fançois, yagize ati:“Ni ikibazo gikomeye cyane kirenze uko ab’ahandi babitekereza, kuko nk’umuntu uri mu isoko rya Nyamitaka mu kagari ka Kigabiro adashobora gukorana n’abari ahandi, ukibaza ukuntu ugera mu isoko ukaba utagira undi muvugana bikakuyobera.

Nkatwe dukoreramo bikaba bituvuna cyane, kuko umuntu ashobora kumara umunsi wose ajya guhamagara agasanga rezo zo muri Kongo nka Vodacom, Celtel n’izindi zagezemo kandi iyo zigezemo biba birangiye.”

JPEG - 234.1 kb
Aba baturage bamaze amezi arenga 3 nta rezo ya telefoni (Foto Bahuwiyongera S).

Avuga ko ikibazo gikomeye cyane muri aya mezi 3 akurikirana, kuko mbere mu gihe cy’imvura hari igihe iyo minara yafataga amatelefoni yabo ikaza kugera igihe ikayarekura gato, ariko ubu iyo iyafashe n’iyo wazimya ukongera ukayicana ntibishoboka, bigasaba kuzamuka nk’aharenze ibilometero 2 kugira ngo rezo zo mu Rwanda zigaruke.

Umunyamabanga Nshingwabikorwa w’uyu murenge Niyonzima Jacques, avuga ko iki kibazo kibangamiye n’ubuyobozi cyane, kandi ngo bakibwiye abashinzwe amasosiyete y’itumanaho, yizeza kugikemura ariko ntibazi impamvu kidakemuka.

Yagize ati:“Ubundi uyu murenge ugizwe n’ingo zirenga 6,100 kandi muri zo abakoresha telefoni ni benshi kandi umunara dufite wo ni umwe, kubera ko ari umurenge ukikijwe n’amazi impande zose kandi hakurya ari iminara ya Kongo ihari, ugasanga yinjira muri uyu murenge cyane.

Bikaba rero bibangamiye cyane abaturage natwe ubuyobozi kuko umuyobozi uhari kumuhamagara ntibikunda, bikabangamira akazi.”

Yongeyeho ati:“N’abari ku marondo biragorana gukurikirana imikorere yabo nijoro kuko bashobora guhura n’icyahungabanya umutekano bakabura uko batanga amakuru, ugasanga tubimenye amazi yamaze kurenga inkombe, kandi muri ibi bihe kubaho ni amakuru n’itumanaho.

Ubwo rero niba hari ahantu umuntu ashobora kumara umunsi cyangwa ijoro ryose atagize uwo ahamagara cyangwa umuhamagara, cyane cyane nka hariya tuba twikanga buri kanya ibibazo by’umutekano muke, waba uturuka ku barobyi cyangwa ku bashobora kuwuhungabanya bahaturutse, ni ikibazo kidakwiye kujenjekerwa.”

Avuga ko byakemurwa amasosiyete y’itumanaho yo mu Rwanda yakongera iminara ifite ingufu zagera muri Kongo, igasunika iyo muri iki gihugu aho kugira ngo yo isunike iyo mu Rwanda, gusa ngo ubuvugizi bukaba bukomeje.

 

Comments

 
 
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Huye:  Abacikanwe n’amashuri barifuza kwiga indimi z’amahanga n’imyuga
Huye: Abacikanwe n’amashuri barifuza kwiga indimi z’amahanga n’imyuga

Abakuze bagana amasomero y’abakuze ngo bihugure mu gusoma no kwandika mu karere ka Huye, bagaragaje icyifuzo cy’uko bashakirwa uburyo bwihariye bwajya bubafasha gukomeza kwiga mu yandi mashuri (...)

Rwamagana:Abaturage basabwe kurwanya ihohoterwa rishingiye ku gitsina
Rwamagana:Abaturage basabwe kurwanya ihohoterwa rishingiye ku gitsina

Abaturage bo mu ntara y’Uburasirazuba barasabwa kurwanya ihohoterwa rishingiye ku gitsina n’irikorerwa abana, batanga amakuru y’abahohotewe ku gihe, bakanirinda kuzimangatanya ibimenyetso. Ubu ni (...)

APR FC   irasabwa intsinzi    ku mukino wa Zanaco FC
APR FC irasabwa intsinzi ku mukino wa Zanaco FC

APR FC-Zanaco FC (Amahoro-15h30) Ikipe ya APR FC irakina umukino wo kwishyura n’ikipe ya Zanaco FC yo muri Zambia mu mikino y’Afurika y’amakipe yabaye aya mbere iwayo “Total Caf Champions League (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.