Advertisement
 
 
 
 
 
 
 
 

Amakuru | Mu Ntara | Intara

Nyamasheke:Mu mezi 3 gusa abatuye i Bushekeri bishyuye mituweli 100%   

  Yanditswe na BAHUWIYONGERA SYLVESTRE
 1 month ago

 
 

Abaturage bo mu murenge wa Bushekeri mu karere ka Nyamasheke barishimira ko umuhigo bari bihaye wo kugera ku 100% muri mituweli muri uyu mwaka bahise bawesa mu mezi 3 gusa, kugeza ubu buri muturage w’uyu murenge akaba ashobora kwivuza igihe cyose yafatwa n’uburwayi.

Aba baturage bavuga ko bazahora ku isonga muri mituweli kuko bamaze kumva neza akamaro k’ubuzima buzira umuze.

Bavuga ko umwaka ushize warangiye bari kuri 76% bikabababaza cyane bakiyemeza kugera ku 100% uyu mwaka, none babigezeho mu mezi 3 gusa.

JPEG - 185.2 kb
Bamwe muri aba baturage bavuga ko banejejwe no kuba umurenge wabo wesheje umuhigo wa mituweli mu mezi 3 gusa y’intangiriro z’umwaka w’imihigo

Ibi ngo byababereye ikimenyetso ko icyo bashaka cyose bakigeraho mu gihe gito, bapfa kuba bahuje imyumvire gusa.

Sempundu w’imyaka 60 yabwiye Imvaho nshya ati “Natwe abasaza tumaze kumenya akamaro ka mituweli kuko mbere hari abangaga kuyitanga kubera ko bavugaga ko n’ubundi basigaje gupfa ntacyo bakirengera.

Ariko hamwe n’ubukangurambaga bwagiye bukorwa n’ubuyobozi mu nzego zose byatumye natwe twumva ko mituweli ari ngombwa dufatanya n’abandi, none natwe turishimira kwesa uyu muhigo.”

Avuga ko ikindi cyabafashije cyane ari uko hafi ya bose bibumbiye mu bimina bya mituweli, bagahanahana amafaranga, uyabonye akamenya ko agomba guhera kuri mituweli kuruta ibindi byose, akaba ari yo mpamvu besheje umuhigo.

Ushinzwe irangamimerere, ibibazo by’abaturage na notariya muri uyu murenge, Ntagayisha Claude, yabwiye Imvaho Nshya ko bashima buri wese wagize uruhare kugira ngo uyu murenge wese uyu muhigo kare, kuko ngo ari ubuyobozi kuva ku rwego rw’umudugudu kugera ku rw’umurenge bumvise kimwe ikigomba gukorwa, bashyira imbaraga muri ibi bimina, ubukangurambaga buba bwinshi, abafatanyabikorwa na bo bakora akazi kabo bitandukanye n’uko babikoraga mbere.

Ubu ngo abo Leta igomba kwishyurira irabishyurira abandi nabo bakiyishyurira bikagenda neza.

Ati “Dushimiye cyane abaturage bacu ko bamaze kumva ko ntacyo wakora ngo kigende igihe utateganyirije ubuzima bwiza, akarusho kabayeho kakaba ari uko ubukangurambaga bwatangiye kare, ibimina na byo bihabwa ingufu amafaranga bahana babanza kumvishwa ko bagomba kuyazigamira ubuzima bwabo,babyumva kimwe.

Ubu nta mpungenge na nke dufite ko hari umuturage wacu ushobora kurembera mu rugo cyangwa ngo umubyeyi abyarire mu rugo kubera kubura mituweli.”

Umuyobozi w’aka karere Kamari Aimé Fabien na we yishimira aho abaturage be bageze muri uru rwego kuko imirenge yose yarengeje 60%, agashimira cyane uyu murenge wa Bushekeri ndetse n’uwa Bushenge uri kuri 96%.

Yasabye n’abaturage b’umurenge wa Mahembe kwikubita agashyi bakamenya ko ubuzima ari bwo bwa mbere, kuko bo bakiri kuri 62,7% mu gihe ku rwego rw’akarere ari 79,6%.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ngoma:Barasabira ubuvugizi umuturanyi wabo wananiwe kwivuza indwara yo kugwa
Ngoma:Barasabira ubuvugizi umuturanyi wabo wananiwe kwivuza indwara yo kugwa

Abaturage bo mu kagari ka Nyagatugunda, umurenge wa Zaza, mu karere ka Ngoma, barasaba ubuyobozi gukorera ubuvugizi umuturanyi wabo witwa Twishime Issa umaze amezi atandatu adafata imiti (...)

Muhanga : Umushoferi afunzwe akurikiranweho guha umupolisi ruswa
Muhanga : Umushoferi afunzwe akurikiranweho guha umupolisi ruswa

Polisi ikorera mu karere ka Muhanga yafashe umushoferi ukurikiranyweho kugerageza guha ruswa y’amafaranga 5000, umupolisi wari mu kazi mu muhanda kubera amakosa yari akoze ku ya 7 Ukuboza 2016. (...)

Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.