Advertisement
 
 
 
 
 
 
 
 

Amakuru | Mu Ntara | Intara

Nyamasheke:Inzitiramibu bahawe ngo baziryamemo bazisasira abashyitsi   

  Yanditswe na BAHUWIYONGERA SYLVESTRE
 4 months ago

 
 

Imiryango irenga 20 y’abasigajwe inyuma n’amateka yatujwe mu midugudu ya Bungo,Gitwa na Nyarusiza mu kagari ka Nyakavumu mu murenge wa Karambi, baravuga ko iterambere ryabo rikiri hasi cyane, aho bemeza ko hari umubare munini muri bo utararyama ku mifariso, bigatuma n’inzitiramibu bahawe ngo baziraremo ari zo basasa.

Aba baturage bashimira Leta yabafashije kuva muri Nyakatsi bari batuyemo mu mudugudu wa Bisharara muri aka kagari.

Ubwo bimurwaga muri 2009, aba baturage bahawe amabati n’aho gutura ku buntu, nabo basabwa kwiyubakira inzu, ndetse buri wese mu bushobozi bwe agerageza kwirwanaho atura mu nzu nziza ku rwego rwe.

JPEG - 322.2 kb
Barasaba ko bafashwa kubona imifariso baryamaho (Foto Bahuwiyongera S)

Mu bibazo aba basigajwe inyuma n’amateka bavuga ko bafite magingo aya, harimo kuba bakiryama ahantu hatabahesha agaciro, kuko ngo abenshi muri bo bataryamira umufariso.

Mukamashyaka Liberata, yagize ati:“Nta muntu n’umwe ufite matora araraho rwose, kuryama kuri matora keretse nk’iyo umuntu yarembye bakamujyana ku bitaro bya Mugonero, cyangwa ku kigo nderabuzima cya Gatare muri Karongi ni ho ayiryamaho gusa.

Ntitwumva umunyenga wayo kuko umuntu aba arembye, ariko nibura aba yumva yahigumira ukurikije n’ivumbi n’ibyatsi turaramo, kandi baratuzanye bavuga ko bagiye kudufasha.”

Yakomeje agira ati:“Nushaka usure uburiri bwacu tukubwire ibyo wirebera, inzitiramibu baduhaye twahisemo kujya tuzisasira abashyitsi badusuye, na we undebere gusurwa n’umushyitsi ukamusasira inzitiramibu kubera kutagira n’ikirago umusasira.

Rwose dukeneye gufashwa kuko turi inyuma cyane, ariko tugakeka ko biterwa n’uko nta n’abayobozi badusura, kuko hari hashize imyaka 5 nta muyobozi ku rwego rw’akarere ugera muri aka kagari, kuko turi inyuma y’abandi kure.”

Rutasi Céléstin w’imyaka 67, we yagize ati:“Ahantu turyama harababaje rwose kuko nkanjye w’umusaza aho nkumbagara hateye isoni.Kuva navuka kugeza kuri iyi myaka sinzi kuryama kuri matora uko bisa rwose, n’ikirago nta mafaranga yo kukigura tubona.

Icyakora, njye na bene wacu twahisemo kutarara mu nzitiramibu kugira ngo tujye tuzirazaho abashyitsi nk’uko uriya mutegarugori abivuze, kurara nabi bikaba bituma turwara n’amavunja kandi abandi barayakize.”

Bavuga ko bumva ko bagenzi babo bo mu turere twa Karongi na Nyamagabe, n’abo mu murenge wa Karengera muri aka karere bo bakize, baryama kuri matora, bityo nabo bakifuza gufashwa kuzibona.

Umunyamabanga nshingwabikorwa w’uyu murenge, Munyankindi Eloi, avuga ko batangiye kubabumbira hamwe n’abandi baturage mu bimina bya Dusasirane, ku buryo mu minsi ya vuba bazaba batangiye kubona matora baryamaho, na bo isuku yo ku buriri ikazabageraho.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Muhanga : Umushoferi afunzwe akurikiranweho guha umupolisi ruswa
Muhanga : Umushoferi afunzwe akurikiranweho guha umupolisi ruswa

Polisi ikorera mu karere ka Muhanga yafashe umushoferi ukurikiranyweho kugerageza guha ruswa y’amafaranga 5000, umupolisi wari mu kazi mu muhanda kubera amakosa yari akoze ku ya 7 Ukuboza 2016. (...)

Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.