Advertisement
 
 
 
 
 
 
 
 

Amakuru | Mu Ntara | Intara

Nyamasheke:Inyama z’intama yipfushije zishe umukecuru, abandi 7 bari mu bitaro   

  Yanditswe na BAHUWIYONGERA SYLVESTRE
 September 2016

 
 

Umukecuru witwa Nyiranshuti Cansilda w’imyaka 74, wo mu kagari ka Kagatamu, mu murenge wa Bushenge, mu karere ka Nyamasheke, birakekwa ko yishwe n’inyama z’intama yipfushije yariye.

Uretse uyu mukecuru wapfuye, abandi 7 bo mu muryango we barimo umugabo we w’imyaka 71 n’abuzukuru be baracyarwariye mu bitaro bya Bushenge.

Umuyobozi w’agateganyo w’ibi bitaro, Dr Nkurunziza Védaste, akaba avuga ko uyu musaza na we ameze nabi cyane, bisaba ko yongererwa amazi buri kanya, hakaba hakekwa ko intama yipfushije bariye yaba ari yo yabateje ibi bibazo.

Nk’uko Imvaho Nshya yabitangarijwe n’umunyamabanga nshingwabikorwa w’akagari ka Kagatamu, muri uyu murenge wa Bushenge, Twagirimana John, ngo intama yari mu rugo rw’uyu musaza yaripfishije batazi ikiyishe, uyu musaza arayibaga inyama azigabagabanya umuryango we wose.

Abo mu muryango bayiriyeho bakaba ari abantu 21, icyakora ngo nyuma yo kuyirya bamwe muri bo bakomeje kugenda baremba buhoro buhoro, bahitwa banaruka, bigeze ku wa 4 w’iki cyumweru, umusaza, umukecuru n’abuzukuru be 6 bazanwa mu bitaro bya Buhenge ari na ho uyu mukecuru yahise agwa.

Abandi 13 basigaye ngo ntacyo babaye, bamwe muri aba bana bo mu rugo rumwe bakaba bigaga, kuko umukuru afite imyaka 14 umuto akagira imyaka 3,5 , ababyeyi babo bo ngo nta kibazo bagize, bakaba ari bo banarwaje aba bari mu bitaro.

Umuyobozi w’agateganyo w’ibi bitaro, Dr Nkurunziza Védaste, avuga ko uyu musaza n’umukecuru bageze mu bitaro bamerewe nabi cyane,umukecuru agahita apfa,umusaza na we akaba ameze nabi cyane ku buryo yongererwa amazi buri kanya,abana bo bakaba bagenda boroherwa.

Yagize ati “Kuvuga ko hari ibindi bipimo twafata ngo tuvuge ko bazize iki cyangwa kiriya birakomeye kuko bariye inyama ku wa 6 w’icyumweru gishize, amakuru mfite akaba ari uko babanje gufata imiti ya Kinyarwanda batugeraho ku wa 4 w’iki cyumweru, umukecuru arembye cyane kuko yahise apfa, urumva kurya inyama zihumanye gutyo, ugakurikizaho imiti ya Kinyarwanda nk’aho waje kwa muganga, ukahagera utinze gutyo, ko ari ikibazo gikomeye.”

Yongeyeho ati “Kirazira kikaziririzwa kurya itungo ryipfushije kuko kugira ngi ripfe ni uko riba rirwaye, kandi uko kurwara riba ryifitemo uburozi ku buryo uririye ahura n’ibibazo, tukagira inama abaturage kwirinda inyama z’itungo ryipfushije kuko ari mbi cyane.”

Avuga ko kuba barageze kwa muganga hashize iminsi ibyo bariye bitakiri mu gifu, n’izo nyama zitagihari ngo zipimwe bigoye kubigaragaza kwa muganga, ari yo mpamvu bahereye ku byo bivugira.

Nyakwigendera yashyinguwe kuwa gatanu, mu gihe abandi bakiri mu bitaro.

 

Comments

 
 
Rutsiro:Urubyiruko rurakangurirwa kuzitabira gahunda zateguwe mu gihe cyo Kwibuka
Rutsiro:Urubyiruko rurakangurirwa kuzitabira gahunda zateguwe mu gihe cyo Kwibuka

Umuyobozi w’akarere ka Rutsiro Ayinkamiye Emerence, asaba urubyiruko kuzitabira gahunda zo kwibuka ku nshuro ya 23 Jenoside yakorewe abatutsi, ngo kuko birufasha gukumira icyatuma yongera kubaho. (...)

Rusizi:  Barashimira Perezida Kagame wabahaye umuhanda wa kaburimbo
Rusizi: Barashimira Perezida Kagame wabahaye umuhanda wa kaburimbo

Abaturage bo mu murenge wa Bugarama, abagenda n’abacururiza muri santere y’ubucuruzi ya Bugarama mu karere ka Rusizi yitegura kuba umujyi mu minsi iri imbere, barashimira Perezida wa Repubulika (...)

Burera:Abarera abana batawe n’ababyeyi bagowe no kubiyandikishaho
Burera:Abarera abana batawe n’ababyeyi bagowe no kubiyandikishaho

Bamwe mu babyeyi bo mu murenge wa Kinyababa mu karere ka Burera barera mu ngo zabo abana batoraguwe, ngo basanga kugira umutima w’ubumuntu wo kwita ku bana batagira kirengera ari ngombwa.Gusa ngo (...)

Karongi: Basabwe gukemura ikibazo cy’imanza za Gacaca mu kwezi kumwe
Karongi: Basabwe gukemura ikibazo cy’imanza za Gacaca mu kwezi kumwe

Umukozi wa Minisiteri y’ubutabera ushinzwe guhuza ibikorwa byo kwegereza abaturage ubutabera, Mugabo Frank, yasabye abafite aho bahuriye n’irangizwa ry’imanza za Gacaca gukora ibishoboka byose (...)

Kirehe: Abafashwa na FARG Bifuza kugabanyirizwa amafaranga bashoraga mu mushinga
Kirehe: Abafashwa na FARG Bifuza kugabanyirizwa amafaranga bashoraga mu mushinga

Abarokotse Jenoside yakorewe Abatutsi bagera kuri 49, bo mu kagari ka Nyabitare, umurenge wa Nyarubuye bagenerwa inkunga binyujijwe mu kigega gifasha abarokotse Jenoside yakorewe Abatutsi mu 1994 (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.