2017-08-17 13:46:28 clouds 27o High | Kigali Rwanda

Dukurikire:
 
 

Nyamasheke: Impanuka yahitanye umusaza w’Umunyekongo

Yanditswe na IMVAHO NSHYA

Kuya 2016-06-08 16:46:02

 
Share on:
 
Yasuwe:5
 
Yavuzweho:200
 
10
 
10

Bifuku Rudahara Zacharie w’imyaka 78 yahitanwe n’impanuka ubwo moto yari imuvanye kwigoroza imitsi muri santeri ya Mugonero yagongwaga na bisi yo mu bwoko bwa Coaster mu mudugudu wa Ruhanga, akagari ka Kagarama mu murenge wa Mahembe mu karere ka Nyamasheke.

Umunyamabanga Nshingwabikorwa w’Umurenge wa Mahembe, Munyankindi Eloi yavuze ko iyo mpanuka yabaye mu ma saa munani z’amanywa mu muhanda wa Karongi –Rusizi.

Yasobanuye ko iyi bisi yari itwawe na Nshimiyimana Dominique w’imyaka 30 , yari iri kuvuduka ikagonga moto iyiturutse inyuma.

Uyu munyekongo wari ugiye gufata ubwato ngo asubire iwabo ku kirwa cy’Ijwi, yahise yitaba Imana naho Ngirinshuti Abraham wari umutwaye arakomereka bikabije.

Umumotari arwariye mu bitaro bya Ngoma mu karere ka Karongi ari naho hari umurambo wa nyakwigendera.

Gitifu Munyankindi yasabye abashoferi banyura mu muhanda Karongi-Rusizi kugabanya umuvuduko cyane ko uwo muhanda ukiri mushya kandi n’abaturage baho bakaba batarawumenyera.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE