Advertisement
 
 
 
 
 
 
 
 

Amakuru | Mu Ntara | Intara

Nyamasheke:Imirenge 2 ntigira rezo ya telefoni, ukeneye guhamagara yurira igiti   

  Yanditswe na BAHUWIYONGERA SYLVESTRE
 2 months ago

 
 

Ikibazo cy’ibura rya rezo ya telefoni gikomeje guca intege abaturage b’imirenge ya Karambi na Cyato mu karere ka Nyamasheke, bamwe bakavuga ko barambiwe guhora burira ibiti no kujya hejuru y’inzu kugira ngo babashe kugira abo bavugana.

Bamwe muri aba baturage bagaragaza ko bamaze kuhahombera byinshi kubera ko abari kubaha ibiraka bakora bababura, hakaba n’abatakirirwa bagura telefoni kubera ko ntacyo bazimaza, bakibaza impamvu bidakemuka cyangwa ngo abayobozi bagire icyo babibabwiraho.

Abaganiriye n’Imvaho Nshya bo mu murenge wa Karambi bavuze ko basanga kutabasha gukoresha telefoni bikomeza kubashyira inyuma y’umuvuduko w’iterambere igihugu kigenderaho, kuko batabasha kumenya amakuru bitewe n’uko nta baturage b’ahandi babasha kuvugana.

JPEG - 468.1 kb
Nyamasheke:Imirenge 2 ntigira rezo ya telefoni, ukeneye guhamagara yurira igiti

Abasore n’inkumi bo ngo barabangamiwe cyane kuko batabasha kwiteza imbere igihe badashobora kugera ku itumanaho, bakaba basaba Meya w’aka karere ko yazabasura akagira icyo ababwira ku gihombo bakomeje guterwa n’ubu bwigunge, byiyongeraho no kuba nta modoka ituruka ahandi ngo ibagereho kubera nta muhanda.

Nshimiyimana Pascal utuye mu mudugudu wa Rwunamuka, akagari ka Rushyarara muri uyu murenge yagize ati “Natunga nte abana banjye 2 n’umugore igihe uwagombaga kumpamagara ngo ampe akazi atambona kubera kubura rezo kandi telefoni nyifite?

Niba uko ngiye guhamagara binsaba kujya kurira igiti mu bilometero 3 nahava singire uwo twongera kuvugana nabona akazi nte? Niba ntashobora guhamagara umuntu uri ahandi, nta bantu benshi b’ahandi bagera ino kuko nta modoka itwara abagenzi ihagera wavuga ko turi mu iterambere gute? Nibadukemurire iki kibazo rwose.”

Nsabimana Jean Marie w’imyaka 20 yagize ati “Niba ntashobora guhamagara inkumi ngo tuganire iby’urukundo ngo kereka byanze bikunze ngiye kuyireba, cyangwa guhagarara ku musozi ngahamagara uwo nshaka nka kera kubwa ba sokuruza bacu urumva turihe koko?”

Iki kibazo ngo kinabangamiye cyane abahinzi b’icyayi ba koperative y’abahinzi b’icyayi ba COTHEGA nk’uko bivugwa n’umuyobozi wayo Ntawangundi Fabien.

Yagize ati “Niba ubuzima bwose ari amakuru, nkaba ntashobora guhamagara umuhinzi w’icyayi uri mu murima ngo mubaze uko akazi kameze cyangwa ngo mvugane n’abakurikiranira hafi ubuhinzi bw’icyayi, ubwo urumva twagera ku musaruro dushaka gute tutabasha kugera ku itumanaho ryuzuye?”

Umunyamabanga nshingwabikorwa w’umurenge wa Karambi, Nkundabarama Jean Claude, avuga ko kuba bamwe mu baturage be batabasha gukoresha telefoni zigendanwa kandi ari igikoresho cy’iterambere ari ikibazo gikomeye cyane.

Avuga ko no ku murenge ubwaho guhamara umuntu ukamufatisha ari amahirwe akomeye, akumva ababishinzwe bakwiriye kubikemura kuko bibangamiye abaturage benshi.

Ubwo Minisitiri w’urubyiruko, ikoranabuhanga n’itumanaho mu isakazabumenyi, Jean Philbert Nsengimana aheruka ku Nkombo i Rusizi nabwo yagejejweho ikibazo nk’iki, avuga ko kigiye gukurikiranwa byihuse kigashakirwa umuti urambye.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Karongi:Abatuye i Mutuntu bategereje bisi bijejwe amaso ahera mu kirere
Karongi:Abatuye i Mutuntu bategereje bisi bijejwe amaso ahera mu kirere

Bamwe mu baturage bo mu murenge wa Mutuntu mu karere ka Karongi, barasaba ubuyobozi bwabo kubafasha kubona imodoka ziborohereza mu ngendo, by’umwihariko bisi bemerewe na n’ubu bagitegereje. Aba (...)

Bafungiye kunyereza miliyoni 58 za koperative y’abajyanama b’ubuzima
Bafungiye kunyereza miliyoni 58 za koperative y’abajyanama b’ubuzima

Abantu batandatu bafungiye kunyereza amafaranga arenga miliyoni 58 ya koperative y’abajyanama b’ubuzima bo mu murenge wa Bweyeye mu karere ka Rusizi. Abafunze barimo umuyobozi n’umucungamutungo (...)

Rusizi: Yatemberejwe umujyi wose ahetse ihene yibye
Rusizi: Yatemberejwe umujyi wose ahetse ihene yibye

Bamwe mu baturage b’umurenge wa Bugarama, mu karere ka Rusizi, baravuga ko bakomeje kubabazwa no kubyuka bagasanga amatungo yabo cyane cyane ihene n’ingurube zibwe, ndetse zimwe zigateshwa abajura (...)

Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’
Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’

Abaturage bo mu kagari ka Karenge, umurenge Jarama bavuga ko umuriro w’amashanyarazi bahawe ntacyo ubamariye uretse kubahombya, kuko ngo bawutangaho ikiguzi cy’amafaranga menshi kandi nta musaruro (...)

Rubavu: Abaturage bashinja abunzi bita ’abanyenzara’ kwaka ruswa
Rubavu: Abaturage bashinja abunzi bita ’abanyenzara’ kwaka ruswa

Bamwe mu baturage bo mu mirenge itandukanye mu karere ka Rubavu, baratunga urutoki abunzi kurangwa na ruswa mu mikirize y’imanza, bakifuza iki kibazo cyashakirwa umuti. Aba baturage banuganuga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.