Advertisement
 
 
 
 
 
 
 
 

Amakuru | Mu Ntara | Intara

Nyamasheke: Bishe umukobwa wasigajwe inyuma n’amateka bamuta mu bwiherero   

  Yanditswe na BAHUWIYONGERA Sylvestre
 August 2016

 
 

Mahoro Uwizera w’imyaka 21, uwasigajwe inyuma n’amateka wabanaga n’ababyeyi be mu mudugudu wa Kabeza,akagari ka Gatare mu murenge wa Macuba,mu karere ka Nyamasheke yasanzwe mu bwiherero bw’urusengero bw’itorero Methodiste Libre muri uyu mudugudu yishwe.

Umunyamabanga nshingwabikorwa w’uyu murenge, Uwimana Damas, yabwiye Imvaho Nshya ko uyu mukobwa wari usanzwe akora imirimo ya nyakabyizi, yari yiriwe akorana n’abagabo bakekwaho kumwica.

Umwe muri bo yitwa Hitimana wo mu kigero cy’imyaka 30, undi akitwa Karobanura Evariste wo mu kigero cy’imyaka 38, basoje akazi bajya gusangira inzoga na nyakwigendera mu ma saa moya z’ijoro mu kabari k’uwitwa Apiyani kari muri santere y’ubucuruzi ya Bisheke, mu kagari ka Mutongo gahana imbibi n’aka.

Uyu muyobozi akomeza avuga ko bavuye muri ako kabari mu ma saa tatu z’ijoro,bakagenda batongana bacyurira uyu mukobwa ko yabashutse amafaranga bari biriwe bakorera bakayamugurira inzoga bakayamara none we aye akaba ayatahanye.

Gitifu Uwimana avuga ko umwana bari kumwe muri iryo joro yasobanuye ko byakomeje gutyo bikavamo imirwano, ari bwo bahise bamwica bakamujyana mu bwiherero bw’urusengero rw’itorero rya Methodiste Libre ritari hafi y’ingo bakamuta hejuru yabwo bakigendera.

JPEG - 190.2 kb
Ibiro by’umurenge wa Macuba nyakwigendera yari atuyemo

Uwimana Damas yagize ati’’Kugira ngo amakuru amenyekane yatanzwe n’umuturage wahinganga hafi y’urwo rusengero agiye mu bwiherero mu ma saa tatu z’igitondo asangamo uwo murambo aratabaza, iperereza rya polisi ritangiye,umwana wagendanaga na bo muri iryo joro atanga amakuru y’uko byagenze.”

Abo bagabo nabo basigajwe inyuma n’amateka bahise batabwa muri yombi bafungirwa kuri sitasiyo ya polisi ya Macuba umurambo ujyanwa mu bitaro bya Kibogora gukorerwa isuzuma ari naho washyinguwe kubera ubushobozi buke bw’umuryango wa nyakwigendera.

Uwimana akomeza avuga ko ubuyobozi bwahise bukoresha inama y’umutekano idasanzwe, abaturage bamagana ubwo bubisha banitandukanya na bwo,basabwa kurwanya ubusinzi n’ingeso zindi mbi zibukomokaho zirimo urugomo nk’urwo rugeza no ku rupfu.

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.