Advertisement
 
 
 
 
 
 
 
 

Amakuru | Mu Ntara | Intara

Nyamasheke: Bemeza ko umuhanda Perezida Kagame yabubakiye ari ikimenyetso cyo kwibohora   

  Yanditswe na BAHUWIYONGERA SYLVESTRE
 July 2016

 
 

Abaturage bo mu akarere ka Nyamasheke bemeza ko umuhanda wa kaburimbo Nyamasheke-Karongi utangirira ahitwa ku Buhinga mu karere ka Nyamasheke ukagera mu mujyi wa Karongi, ari ikimenyetso ndakuka cyo kwibohora muri aka karere.

Aba baturage bavuga ko uyu muhanda bubakiwe na Perezida wa Repubulika wababohoye kurara nzira bagiye mu rugendo, kubera umuhanda mubi.

Bavuga ko kwibohora babyumva neza cyane, kuko mbere abana babo bararaga nzira bagiye ku mashuri, aho imodoka imwe gusa ya Bisi yanyuraga muri bimwe mu bice by’aka karere igiye i Kigali yagendaga yatsindagiye abantu banananiwe no guhumeka, nyamara ubu ngo umuhanda wubakishijwe kaburimbo, ku buryo kubona imodoka bitakigoye.

JPEG - 311.2 kb
Abaturage b’i Nyamasheke bemeza ko uyu muhanda ari kimwe mu bimenyetso byo kwibohora mu karere kabo (Foto Bahuwiyongera S)

Bashimangira ko ubu umuntu ajya i Kigali aturutse mu mpande zose za Nyamasheke akagaruka, ibintu n’ubu batariyumvisha neza.

Munyengabe Eliphaz utuye mu murenge wa Karambi, yagize ati:“Bamwe muri twe ntituzi i Karongi kandi tuhaturiye kubera ko tutari kuhagera, kugera i Kigali byo byari nk’inzozi kuko nta watekerezaga kugenda tukaba dutangiye kubitekereza ubu.

Watubwira kwibohora se tukabura icyo tugusubiza kandi ureba uko dutangiye gusirimuka, n’abataragera i Karongi n’i Kigali tukaba twitegura kugerayo?”
Yongeyeho ati:“Watubwira kwibohora se tukabura icyo tugusubiza ureba ukuntu twatangiye kubyaza umusaruro uyu muhanda, bamwe bacuruza imbuto ku muhanda baziha abagenzi ngo barebe ibyo twagezeho, abandi bacuruza amabutiki bagashyiramo ibyo abagenzi bakeneye, mu minsi iri imbere tukazaba dutangiye kugura za moto tutarabitekerezaga!”

Kamagaju Asthérie, umuhuzabikorwa w’inama y’igihugu y’abagore mu murenge wa Gihombo, na we yishimira uburyo abagore bahagurutse aho baboneye kaburimbo, bagatangira kuyibyaza umusaruro mu bikorwa binyuranye, akabibonamo inzira ikomeye yo kwibohora.

Yagize ati:“Uyu muhanda abagore barawubyaza umusaruro cyane kuko na bo batangiye kugana inzira yo kurangura ibicuruzwa hirya no hino bakaza bagacuruza ifaranga rikinjira, abandi baracuruza ibyo bejeje, nk’imbuto n’ibindi byera cyane muri ibi bice, bakagurirwa bagacyura ifaranga, imirimo idashingiye ku buhinzi ikiyongera, ibi byose ni ibyiza byo kwibohora.”

Faida Jean Marie Vianney, uhagarariye abikorera muri aka karere, yabasabye guhanga imirimo myinshi idashingiye ku buhinzi bakabyaza umusaruro aya mahirwe yazanywe no kwibohora, batagize mbere.

Umuyobozi w’aka karere wungirije ushinzwe iterambere ry’ubukungu Ntaganira Josué Michel, avuga ko uyu muhanda ubwawo ari ubukungu bukomeye bw’aka karere, urebye imirimo imaze guhangwa, aho mu mirimo irenga 5000 idashingiye ku buhinzi yahanzwe muri uyu mwaka ushize w’ingengo y’imari.

 

Comments

 
 
Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Ubwato Perezida Kagame  yahaye abaturage bo ku Nkombo buratanga umusaruro ushimishije
Ubwato Perezida Kagame yahaye abaturage bo ku Nkombo buratanga umusaruro ushimishije

Abaturage bo mu murenge wa Nkombo mu karere ka Rusizi, barashimira cyane Perezida Paul Kagame wabahaye ubwato bwabakuye mu bwigunge, ubu bakaba banishimira ko umusaruro w’amafaranga arenga (...)

Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Huye:  Abacikanwe n’amashuri barifuza kwiga indimi z’amahanga n’imyuga
Huye: Abacikanwe n’amashuri barifuza kwiga indimi z’amahanga n’imyuga

Abakuze bagana amasomero y’abakuze ngo bihugure mu gusoma no kwandika mu karere ka Huye, bagaragaje icyifuzo cy’uko bashakirwa uburyo bwihariye bwajya bubafasha gukomeza kwiga mu yandi mashuri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.