Advertisement
 
 
 
 
 
 
 
 

Amakuru | Mu Ntara | Intara

Nyamasheke:Batewe impungenge n’amashuri ashobora kugwa ku bana   

  Yanditswe na BAHUWIYONGERA SYLVESTRE
 April 2016

 
 

Abarezi n’ababyeyi barerera mu ishuri ribanza rya Mutagatifu Kizito riri mu kirwa cya Kirehe mu murenge wa Macuba, mu karere ka Nyamasheke, baravuga ko bahangayikishijwe n’amashuri abana babo bigamo yashwanyaguritse, ku buryo umwanya uwo ari wo wose yabagwaho.

Ubuyobozi bw’iri shuri bwemeza ko aya mashuri yubatse hagati mu kirwa cya Kirehe yatangiye kugaragaza ibimenyetso by’uko yenda kugwa, ariko ngo kuko nta yandi mahitamo bafite bakomeje kuyigiramo.

Aya mashuri agizwe n’ibyumba 7, birimo 5 byubatswe mu mwaka wa 1975 na 2 byubatswe vuba, ibi bya mbere byarashaje cyane, umuyaga ukaba umaze gutwara igisenge inshuro 3 zose, n’inkuta zikaba zigiye guhirima.

JPEG - 268.6 kb
Aya mashuri yarashaje cyane ku buryo abayigiramo baba bafite ubwoba ko yabagwira (Foto Bahuwiyongera S)

Umuyobozi w’iri shuri Nyandwi Jean Pierre, avuga ko uburyo amashuri yo ku kigo ayobora ashaje, bituma bahorana impungenge ko igihe icyo ari cyo cyose ashobora guteza impanuka, bityo akaba asaba inzego zibifitiye ubushobozi kubagoboka hakiri kare.

Yagize ati:“Aya mashuri ashobora kugwa ku bana umwanya uwo ari wo wose igihe imvura yazana ubukana n’ubwo bwaba budakabije, kuko ibyumba 5 byose byarashize, hasigaye 2 gusa byigiramo abana bo mu wa 5 n’uwa 6.

Andi mashuri iyo imvura iguye duhagarika amasomo, abana bose n’abarezi tukabajyana kubyiganira muri biriya byumba 2 bito, kandi murabona ko n’amadirishya n’inzugi byose byasataguritse, umuyaga n’imvura bikabazahaza.”
Avuga ko ikindi gihangayikishije ari uko kuri iki kirwa higira abana bo ku birwa 2 byegeranye, abandi bagaturuka ku wundi mwigimbakirwa uri hafi aho, bose hamwe bakaba ari 267, aho abenshi bambuka amazi buri munsi baza ku ishuri.

Mu ibaruwa y’intabaza umuyobozi w’iri shuri yandikiye akarere, akanaha kopi Paruwasi gatulika ya Tyazo n’Umurenge wa Macuba (Imvaho Nshya iyifitiye kopi), yagaragaje iki kibazo nk’ikimugoye cyane, atabaza asaba izi nzego kuza kwirebera imvano y’impungenge afite, ndetse zikamugira inama y’icyo yakora.

Gakwerere Samson, uhagarariye ababyeyi baharerera na we yagaragarije Imvaho Nshya ko iyo bohereje abana babo ku ishuri basigarana umutima uhagaze, bikanga ko imvura yagwa igatuma aya mashuri agwa.

Yagize ati:“ubu se gusubiza abana bacu muri ariya mashuri si nko kubashyira mu rupfu tubareba?”

Umuyobozi w’aka karere ushinzwe imibereho myiza y’abaturage, Mukamana Claudette, yavuze ko iri asanga abana badakwiye gusubiramo,avuga ko bagiye kuvugana n’abanyamadini,bakabashyira mu nsengero bakigiramo igihe hagitegerejwe icyakorwa.

 

Comments

 
 
Abarangije kaminuza muri INES basabwe guhanga imirimo bagaca ubushomeri
Abarangije kaminuza muri INES basabwe guhanga imirimo bagaca ubushomeri

Abanyeshuri 1080 bahawe impamyabushobozi z’icyiciro cya 2 n’icya gatatu(masters) mu ishuri rikuru rya INES Ruhengeri, basabwe guharanira guteza imbere gahunda yo kwihangira umurimo, hagamijwe (...)

Barasaba Akarere ka Nyanza  kubishyuriza asaga miliyoni bambuwe na Rwiyemezamirimo
Barasaba Akarere ka Nyanza kubishyuriza asaga miliyoni bambuwe na Rwiyemezamirimo

Abaturage bo mu karere ka Nyanza bahawe akazi mu bikorwa byo kubaka isoko ry’amatungo, ibagiro n’ubwiherero mu isoko rya Rurangazi riherereye mu mu murenge wa Nyagisozi, barasaba ubuyobozi (...)

Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga
Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga

Mu gihe cy’icyumweru kimwe inzu zigera kuri 25 mu tugari tubiri tw’umurenge wa Busasamana mu karere ka Rubavu yibasiriwe bikomeye n’imvura ivanze n’umuyaga, yagurukanye ibisenge byazo. Abafite inzu (...)

Abadindiza Girinka barye bari menge - Guverineri Musabyimana
Abadindiza Girinka barye bari menge - Guverineri Musabyimana

Mu gihe hatangizwaga gahunda y’icyumweru cyahariwe Girinka Munyarwanda mu ntara y’Amajyaruguru, Guverineri Musabyimana Jean Claude, yihanangirije bamwe mu bayobozi bagira uruhare mu kudindiza iyi (...)

Kirehe: Bugarijwe n’ubujura bakeka ko bukorwa n’abari mu nkambi ya Mahama
Kirehe: Bugarijwe n’ubujura bakeka ko bukorwa n’abari mu nkambi ya Mahama

Abaturage bo mu kagari ka Munini, umurenge wa Mahama mu karere ka Kirehe baravuga ko babangamiwe n’abajura babiba mu ngo ibyiganjemo imyaka n’amatungo, no mu mirima, bagatanguranwa gusarura imyaka (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.