Advertisement
 
 
 
 
 
 
 
 

Amakuru | Mu Ntara | Intara

Nyamasheke: Batatu bakurikiranweho guta ibendera ry’igihugu mu bwiherero   

  Yanditswe na BAHUWIYONGERA Sylvestre.
 22 April

 
 

Abantu batatu bafunzwe bakurikiranweho kujugunya mu bwiherero ibendera ry’igihugu ryo ku ishuri ribanza rya Nyantunda, riherereye mu mudugudu wa Nyagashikura, akagari ka Mwezi mu murenge wa Karengera ho mu karere ka Nyamasheke.

Umunyamabanga Nshingwabikorwa w’Umurenge wa Karengera, Mutuyimana Gabriel avuga ko abo bantu bakomeje gukorwaho iperereza kuko hari amagambo atari meza bavuze mbere y’uko iryo bendera ribura.

Mutuyimana avuga ko abafunzwe bashinjwa kuba barabwiye umuzamu w’iryo shuri n’ushinzwe umutekano muri uwo mudugudu ko bazabakomesha. Nyuma yaho ibendera ryahise ribura, bakomeza kurishakisha baza kurisanga mu bwiherero bw’iryo shuri.

Yagize ati’’Twahurujwe n’umuzamu w’iri shuri mu ma saa mbiri z’ijoro atubwira ko ibendera aribuze kandi ryari rihari, gusa ngo rikaba ryaragiye adahari, abanyerondo na bo bakaba batari bahari nubwo batubwiye ko bari bari hafi aho."

JPEG - 245.8 kb
Abaturage b’uyu murenge bahise basabwa gukaza ingamba z’umutekano,abafitanye amatiku bakayafasha hasi.

"Twatangiye gushakisha ngo tumenye aho riri n’impamvu ryaba rigiye n’aho ryaba ririgitiye, tuza kurisanga mu bwiherero bw’iri shuri,muri iryo joro, batatu mu bahise bakekwa bahita batabwa muri yombi, iperereza rirakomeje ngo harebwe niba nta n’abandi baba bari muri ubu bugizi bwa nabi.’’

Uyu muyobozi avuga ko atari ubwa mbere ibendera ryibwe muri uyu murenge rigasangwa mu bwiherero kuko ngo no mu myaka 5 ishize ryongeye kubura ku ishuri ribanza rya Karengera mu kagari ka Higiro gahana imbibi n’aka, na ryo rikabonwa mu bwiherero ari yo mpamvu bahise barihashakira bakanarihabona.

Akomeza avuga ko hahise hakorwa inama y’umutekano ku baturage bose bagize akagari ka Mwezi n’imirdugudu 6 y’akagari ka Higiro gahana imbibi n’aka ka Mwezi, bagafata ingamba zo kurushaho gukaza umutekano n’amarondo, abafitanye amatiku bakayashyira hasi kuko ngo yaba ari yo ntandaro y’itabwa mu bwiherero ry’iri bendera ry’igihugu.

JPEG - 146.1 kb
Gitifu Mutuyimana Gabriel

Abaturage banasabwe kurushaho gukaza amarondo n’umutekano wabo, bakanatangira amakuru ku gihe ku bagizi ba nabi bose bashobora gukeka kugira ngo hatagira ubaca mu rihumye akabahungabaniriza umutekano.

JPEG - 194.7 kb
Ibiro by’umurenge wa Karengera mu karere ka Nyamasheke
 

Comments

Who are you?
Your post
  • To create paragraphs, just leave blank lines.

 
 
Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Karongi:Abaturage 31 bajyanwe mu bitaro bazira ikigage banyoye mu bukwe
Karongi:Abaturage 31 bajyanwe mu bitaro bazira ikigage banyoye mu bukwe

Abaturage 31 bo mu mudugudu wa Nyagahinga, Akagari ka Ruhinga mu murenge wa Gitesi ho mu karere ka Karongi, bamaze iminsi mu bitaro, nyuma yo kunywa ikigage bikekwa ko gihumanye mu bukwe. Aba (...)

Uburengerazuba: Guverineri Munyantwari yasabwe kwihutisha iterambere
Uburengerazuba: Guverineri Munyantwari yasabwe kwihutisha iterambere

Abanyamuryango ba FPR Inkotanyi mu ntara y’Uburengerazuba, batoye Guverineri Munyantwari Alphonse nk’umuyobozi mushya w’uyu muryango muri iyi Ntara, bamusaba kwihutisha iterambere. Guverineri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.