Advertisement
 
 
 
 
 
 
 
 

Amakuru | Mu Ntara | Intara

Nyamasheke: Baregeye mu ruhame umuyobozi wariye utwabo ahita atabwa muri yombi   

  Yanditswe na BAHUWIYONGERA Sylvestre
 June 2016

 
 

Umuyobozi ushinzwe iterambere ry’ubukungu n’imibereho yiza y’abaturage w’akagari ka Butare mu murenge wa Gihombo mu karere ka Nyamasheke yatawe muri yombi nyuma yo kotswa igitutu n’abaturage bamushinja kubarira amafaranga abizeza amabati.

Ubwo umuyobozi w’akarere ka Nyamasheke, Kamari Aimé Fabien yari ari mu kagari ka Gitwa ,mu murenge wa Gihombo, akemura ibibazo by’abaturage, yatunguwe no kubona abaturage b’akagari ka Butare banjamye umuyobozi wabo Twagiramungu Thacien ,bamusaba kubasubiza amafaranga yabo.

Uyu muyobozi yashinjwe n’imbaga y’abaturage bavuga ko mu kwezi kwa Gashyantare umwaka ushize, we n’uwari umukuru w’umudugudu wa Gahanda muri aka kagari, Hakizimana Meilleur, bazengurutse mu baturage bakennye cyane, cyane cyane abafite inzu zishaje n’abatagira aho baba, bababwira ko bagiye kubabonera amabati buri wese akaba agomba gutanga amafaranga afite ayo mabati akaboneka.

JPEG - 205.7 kb
Ari iruhande rw’uyu muyobozi mu kagari,uyu mukecuru Mukarugema Belina wagaragaje agahinda gakomeye yatewe no kubura ihene ye ngo azabona amabati

Ngo uyu muyobozi yababwiraga ko aya mafaranga ari aya lisansi izajya gukura amabati ku karere, abazayapakira n’abazayabagezaho. Basobanuye ko buri wese yagiye yitanga uko yifite, bamwe bakaba bavuga ko bagiye bamuha amafaranga ibihumbi mirongo itatu, makumyabiri, gutyo gutyo.

Basobanuriye Meya wa Nyamasheke ko bamwe muri bo bagurishije ihene abandi ntibatange mituweli ngo bayabone ariko bayamuhaye ayakubita umufuka aricecekera.

Aba baturage bavuga ko bakomeje gutegereza amaso agahera mu kirere, kuri uyu wa gatatu bumvise ko Meya aza gukemura ibibazo by’abo mu kagari baturanye, na bo baraza bamushinja mu ruhame, hamwe n’uyu wari ‘’mudugudu’’utari uhari .

Mukarugema Belia w’imyaka 72 yagize ati’’ Nagurishije agahene nari mfite mu rugo amafaranga 15 000 nyaha umwana arayamushyira , rwose yarampemukiye kubona atuma ngurisha ihene yanjye ngo azampera umwana amabati ntayamuhe! Naduhe amabati yatubwiye, amafaranga yacu cyangwa abe umugabo adusabe imbabazi ku mugaragaro.’’

JPEG - 327.7 kb
Ibisobanuro by’uyu muyobozi Twagiramungu Thacien ntibyanyuze ubuyobozi n’abaturage bamukomereraga hejuru

Uzayisenga Elina na we ati’’ Ndi umupfakazi utagira shinge na rugero ariko yaraje azanye na ‘’mudugudu’’ mbaha amafaranga 10 000 nagombaga guheraho ntangira abana banjye batanu mituweli ngo bazampa amabati, none umwaka urangiye ntayitanze. Icyakora ayanjye yo aramuhagama.’’

Uyu muyobozi yahise ashyirwa imbere y’abaturage atangira kurya indimi, Meya Kamari Aimé Fabien ahita amusaba gutanga amafaranga y’abaturage byihuse, aho yahise yemera kuyatanga aranabisinyira imbere y’abaturage, nubwo bo bavuga ko ari menshi cyane bizamugora kuyabona.

JPEG - 302.7 kb
Yahise yemera gusubiza amafaranga y’abaturage.Aha arandika ko bitarenze umunsi umwe azaba yayabasubije

Yahise atabwa muri yombi akaba aragezwa kuri sitasiyo ya polisi ya Kanjongo kuri uyu wa kane .

Meya Kamari yabwiye Imvaho Nshya ko Twagiramungu akwiriye kubera isomo abandi bayobozi bigabiza iby’abatishoboye.

Ati ’’Ntidushobora kwihanganira umuyobozi nk’uriya urya iby’abakene abizeza amabati,ni yo mpamvu yahise atabwa muri yombi ngo binabere isomo n’abandi bagifite iyo ngeso.’’

 

Comments

 
 
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Huye:  Abacikanwe n’amashuri barifuza kwiga indimi z’amahanga n’imyuga
Huye: Abacikanwe n’amashuri barifuza kwiga indimi z’amahanga n’imyuga

Abakuze bagana amasomero y’abakuze ngo bihugure mu gusoma no kwandika mu karere ka Huye, bagaragaje icyifuzo cy’uko bashakirwa uburyo bwihariye bwajya bubafasha gukomeza kwiga mu yandi mashuri (...)

Rwamagana:Abaturage basabwe kurwanya ihohoterwa rishingiye ku gitsina
Rwamagana:Abaturage basabwe kurwanya ihohoterwa rishingiye ku gitsina

Abaturage bo mu ntara y’Uburasirazuba barasabwa kurwanya ihohoterwa rishingiye ku gitsina n’irikorerwa abana, batanga amakuru y’abahohotewe ku gihe, bakanirinda kuzimangatanya ibimenyetso. Ubu ni (...)

APR FC   irasabwa intsinzi    ku mukino wa Zanaco FC
APR FC irasabwa intsinzi ku mukino wa Zanaco FC

APR FC-Zanaco FC (Amahoro-15h30) Ikipe ya APR FC irakina umukino wo kwishyura n’ikipe ya Zanaco FC yo muri Zambia mu mikino y’Afurika y’amakipe yabaye aya mbere iwayo “Total Caf Champions League (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.