2017-06-24 12:54:56 clouds 27o High | Kigali Rwanda

Dukurikire:
 
 

Nyamasheke: Barashinja Mudugudu guhindura ibyiciro by’Ubudehe akigira umukene

Yanditswe na IMVAHO NSHYA

Kuya 2016-06-17 07:26:31

 
Share on:
 
Yasuwe:1
 
Yavuzweho:200
 
10
 
10

Abaturage b’umudugudu wa Gikangaga, akagari ka Gasovu mu murenge wa Karambi,mu karere ka Nyamasheke,barashinja umukuru w’umudugudu wabo, Hakizamungu Télésphore guhindagura ibyiciro by’ubudehe bari bemereje mu ruhame, yarangiza we akishyira mu cyiciro cya mbere.

Aba baturage barasaba ko ubuyobozi bumukuriye gukurikirana aya makuru,agafatirwa ibihano.

Iki ni kimwe mu bibazo abaturage basanganije intumwa za rubanda zabagendereye mu minsi mike ishize, nubwo batavuga icyiciro we bari bamushyizemo, ngo bamaze gutaha, batangira kumva ko bari mu cyiciro cya 3,nyamara uwo muyobozi we ngo yahise yishyira mu cya mbere, bayoberwa ibyo ari byo.

JPEG - 249.1 kb
Bamwe muri aba baturage ngo ntibashira amakenga abayobozi babo kubyerekeranye n’ibyiciro by’ubudeh

Ubwo umuturage umwe yahagurukaga ngo abaze icyo kibazo abadepite, uyu muyobozi na we wari waje mu nama,ngo yahise ahaguruka baramubura, kuko n’umunyamakuru w’Imvaho Nshya yamuhamagaje ngo ayisobanurire aya makuru bakavuga ko bamubuze kandi yari ahari.

Ndimurukundo Vianney umwe mu baturage bavuga ko barenganye yagize ati’’ Nkanjye numva ngo hari abo bafatanije barongera barabihindagura banshyira mu cya gatatu kandi abaturage bari banshyize mu cyiciro cya mbere,none yumvise mbajije ikibazo ahita abura, n’ubu ngiye kumushaka ndamubura ngo asobanure imbere y’aba bashyitsi ibyo bintu tumenye amakuru yabyo y’ukuri kuko turahangayitse cyane.’’

Nyirashyirambere Vestine na we utuye muri uyu mugudu yabwiye Imvaho Nshya ati’’ ni byo nanjye bari banshyize mu cyiro cya mbere kubera ko umugabo wanjye afite ubumuga bwo mu mutwe kandi nta kintu na kimwe twifashijeho ariko nyuma numvise ko uriya muyobozi yabihindaguye akanshyira mu cya 3 kandi we ngo ari mu cya mbere.”

Umunyamabanga nshingwabikorwa w’uyu murenge Nkundabarama Jean Claude ntiyemeza cyangwa ngo ahakane aya makuru,akavuga ko agiye gukurikirana ngo amenye koko niba uyu muyobozi ari mu cyiciro cya mbere,amenye n’ukuntu yakigezemo bitemerejwe mu ruhame.

Yongeyeho ko umuturage wese utishimiye icyiciro arimo azajya ku murenge agatanga ikibazo cye, ibyo bindi bavuga ko bimeze nk’amatiku akaba ngo agiye kubikurikirana akamenya ukuri kwabyo.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE