Advertisement
 
 
 
 
 
 
 
 

Amakuru | Mu Ntara | Intara

Nyamasheke: Barasaba gusanirwa umuyoboro w’amazi wangijwe n’Abashinwa   

  Yanditswe na BAHUWIYONGERA SYLVESTRE
 August 2016

 
 

Abaturage bo mu kagari ka Kagarama mu murenge wa Mahembe, mu karere ka Nyamasheke, begereye umuhanda wa Kaburimbo Rusizi-Tyazo-Karongi, baravuga ko bamaze imyaka 2 batagira amazi meza, nyuma y’aho abashinwa bakoraga uyu muhanda baciye amatiyo y’amazi.

Kugeza ubu ngo umuhanda wararangiye muri icyo gice, ariko ntibigeze basubizwa amazi, bikaba byarateye bamwe gushora abana babo mu Kivu bajya kuvoma buri munsi, abandi babashora mu migezi yo mu mibande, bagasaba Leta kubakorera ubuvugizi aba bashinwa kubasubiza amazi yabo.

Bavuga ko mbere y’uko uyu muhanda ukorwa bari bafite amazi meza ku bwinshi, yaturukaga mu karere ka Karongi, amatiyo yayo akabageraho bakabona amazi meza.

Gusa ngo ibi byishimo ntibyamaze kabiri kuko mu gihe uyu muhanda abashinwa bawukoraga aya matiyo ngo bayaciye, none kugeza ubu bahorana ubwoba bw’indwara ziterwa n’isuku nke, dore ko muri uyu murenge umuntu umwe yahitanywe n’icyorezo cya kolera umwaka ushize, biturutse kuri aya mazi mabi bavoma bakayakoresha imirimo itandukanye mu ngo.

JPEG - 625.9 kb
Aba baturage bavuga ko bifuza gusubizwa amazi meza abashinwa bangije bakora uyu muhanda (Foto Bahuwiyongera S)

Mukundiyukuri Christine, umwe mu baturage bo mu mudugudu wa Gasharu muri aka kagari yagize ati:“Ariya mazi mabi tunywa ntiyizewe kandi adutera indwara, bigakubitiraho n’abana bacu bahora mu Kivu ngo bagiye kuvoma namwe muzi uko ikivu cyibasiye abantu muri iki gihe.

Abandi bakerererwa amashuri bagiye gushaka amazi mu mibande ya kure, udafite umwana uyamuzanira agatanga amafaranga 100 cyangwa 200 kugira ngo abone ayo akoresha, kuyamesesha na bwo umwenda uhindura ibara ukarushaho gusa nabi.

Turashaka ko abashinwa badusubiza amazi yacu cyangwa Leta ikayaduha ariko ntidukomeze kwiyononera ubuzima tunywa ibizi bidashobotse kandi twari dufite amazi meza.”

Umuyobozi w’aka karere wungirije ushinzwe imibereho myiza y’abaturage, Mukamana Claudette, avuga ko akababaro k’aba baturage bakumvise kandi bakaba babikorera ubugizi ngo bikemuke, bareke kunywa amazi mabi kandi bari bafite amazi meza.

Uyu muyobozi akomeza avuga ko kubona umuhanda mwiza ariko ukabura amazi meza uyabujijwe n’uwo muhanda, hari aho bitajyanye neza mu iterambere.

Yagize ati:“Iki ni ikibazo gihangayikishije n’akarere kandi karimo kugikurikirana ngo aba baturage basubizwe uburenganzira bwabo bwo gusubizwa amazi meza bahoranye, kandi ubwo umunyamabanga wa Leta muri Minisiteri y’ibikorwa remezo yadusuraga muri iyi minsi ishize, yemeye amazi meza mu mirenge itayafite, cyane cyane bariya bayangirijwe, bigiye gukemuka rwose.”

 

Comments

 
 
Urubyiruko rw’i Rusizi rugiye guhabwa inkoko 18 000
Urubyiruko rw’i Rusizi rugiye guhabwa inkoko 18 000

Ubuyobozi bw’akarere ka Rusizi buravuga ko mu mezi make ari imbere inkoko 18.000 zigiye guhabwa urubyiruko rwibumbiye mu makoperative. Ni umushinga munini kandi urambye uzarukura mu bukene (...)

Rubavu:Kiliziya Gatolika yahagurukiye ikibazo cy’abasore n’inkumi bishyingira
Rubavu:Kiliziya Gatolika yahagurukiye ikibazo cy’abasore n’inkumi bishyingira

Ubuyobozi bwa Paruwasi Gatolika ya Gisenyi mu karere ka Rubavu, buravuga ko bwiteguye gufasha urubyiruko mu buryo bwose bushoboka, ariko rugacika ku muco wo kwishyingira ugenda ufata indi ntera. (...)

Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Ubwato Perezida Kagame  yahaye abaturage bo ku Nkombo buratanga umusaruro ushimishije
Ubwato Perezida Kagame yahaye abaturage bo ku Nkombo buratanga umusaruro ushimishije

Abaturage bo mu murenge wa Nkombo mu karere ka Rusizi, barashimira cyane Perezida Paul Kagame wabahaye ubwato bwabakuye mu bwigunge, ubu bakaba banishimira ko umusaruro w’amafaranga arenga (...)

Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.