Advertisement
 
 
 
 
 
 
 
 

Amakuru | Mu Ntara | Intara

Nyamasheke: Baracyurira ibiti bashaka ’rezo’ ya telefoni   

  Yanditswe na BAHUWIYONGERA SYLVESTRE
 4 April

 
 

Bamwe mu baturage bo mu tugari dutandukanye tugize umurenge wa Cyato mu karere ka Nyamasheke, baravuga ko kuri bo gutunga telefoni no kutayitunga ntaho bitaniye, kuko kubona ‘rezo’ ya telephone ari amahirwe (tombola).

Aba baturage bavuga ko kugira ngo umuntu abashe guhamagara arinda gusohoka mu nzu agafata nk’iminota 10 kugira ngo ayigereho, hakaba n’ahandi bisaba kurira ibiti cyangwa bagafata inzego bakajya hejuru y’inzu kugira ngo bashobore kugira abo baganira kuri telefoni.

Iki ngo ni ikibazo kiremereye cyane aba baturage n’ubuyobozi nk’uko byemezwa na bo ndetse n’ubuyobozi bw’uyu murenge, bakaba bavuga ko na byo bibaheza mu bwigunge, bikiyongera ku kibazo basanganwe cyo kutagira imihanda yabafasha guhahirana.

JPEG - 384 kb
Uyu muturage arashakisha rezo ya telefone ariko yayibuze (Foto Bahuwiyongera S)

Bavuga ko niba badashobora kujya gusura inshuti n’abavandimwe kubera imihanda mibi ituma nta modoka zigera iwabo, bitari bikwiye ko babura nibura no guhamagara inshuti n’abavandimwe ngo bababaze amakuru yabo.

Barasaba ubuvugizi ngo bubakirwe iminara ihagije bareke guhora burira inzu cyangwa ibiti ngo batelefone, kukohaka.

Gatabaruka Pierre wo mu mudugudu wa Rutiritiri, akagari ka Mutongo muri uyu murenge yagize ati:“Iwacu ari rezo ya mtn, tigo na airtel nta nimwe tubona rwose keretse kurira igiti cyangwa ugafata urwego ukajya hejuru y’inzu.

Icyakora hari igihe umuntu ajya mu mudugudu duturanye akaba yahura na ko ariko gake bikajya n’ubundi bicikagurika, tugasaba ko iki kibazo na cyo bakidukemurira.”
Ntahompagaze Uzziel, utuye umudugudu wa Kayo, akagari ka Bisumo yavuze ko kuba badafite umuyoboro w’itumanaho rya telefoni ngendanwa bitaborohera na gato, kuko ngo hari n’ubwo baterwa bakabura uko batumanaho ngo batabarane.

Yagize ati:“Ntuye ku muhanda kandi ni ku mudugudu, ariko kugira ngo umuntu azaterwe mutabare cyangwa ndamutse ntewe mbe nagira untabara duhamagaranye kuri telefoni ni ikibazo gikomeye.

Mfite inshuti hirya no hino ariko nzihamagara ku manywa na bwo naje ku murenge cyangwa nkoze urugendo rurerure kugira ngo mbone rezo.Birababaje wose.”
Ibi biranemezwa n’Umunyamabanga Nshingwabikorwa w’uyu murenge Twagirayezu Zacharie, nawe wemeza ko gutumanaho hagati ye n’abayobozi bakorana bimugora cyane.

Yagize ati:“Ni ikibazo gikomeye cyane kuko nawe wiyumviye ko nahamagaye umuyobozi ku kagari nkamubura kubera rezo itaboneka. Ubwo urumva natwe abayobozi bitwicira akazi cyane kuko ushaka nk’umuyobozi muri utwo tugari itabonekamo cyane ukamubura akazi kagapfa kandi kihutirwaga.

Sinemeza cyane ibyo kurira ibiti ariko ikibazo cyo kirahari turakomeza gukora ubuvugizi ngo turebe ko iminara yakwiyongera abaturage babone uko batelefona, kuko na byo biri mu biranga iterambere baba bagezeho.”

 

Comments

Who are you?
Your post
  • To create paragraphs, just leave blank lines.

 
 
Kirehe:Imodoka bahawe na Perezida Kagame yabunguye miliyoni 6 mu mwaka umwe
Kirehe:Imodoka bahawe na Perezida Kagame yabunguye miliyoni 6 mu mwaka umwe

Abagize Koperative y’Abahinzi ba kawa mu murenge wa Musaza (COCAMU), mu karere ka Kirehe barishimira ko imodoka ya Fuso bahawe na Perezida wa Repubulika Paul Kagame, yatangiye kubaha inyungu (...)

Karongi:  Umuhanda wangiritse ubangamira ubuhahirane hagati y’imirenge
Karongi: Umuhanda wangiritse ubangamira ubuhahirane hagati y’imirenge

Abaturage bo mu murenge wa Rwankuba mu karere ka Karongi barasaba ubuyobozi ko bwabafasha kubona umuhanda Bwishyura –Rwankuba-Twumba kuko wangiritse bikaba bituma bagorwa n’ubuhahirane. Uyu (...)

Karongi:Abatuye i Mutuntu bategereje bisi bijejwe amaso ahera mu kirere
Karongi:Abatuye i Mutuntu bategereje bisi bijejwe amaso ahera mu kirere

Bamwe mu baturage bo mu murenge wa Mutuntu mu karere ka Karongi, barasaba ubuyobozi bwabo kubafasha kubona imodoka ziborohereza mu ngendo, by’umwihariko bisi bemerewe na n’ubu bagitegereje. Aba (...)

Bafungiye kunyereza miliyoni 58 za koperative y’abajyanama b’ubuzima
Bafungiye kunyereza miliyoni 58 za koperative y’abajyanama b’ubuzima

Abantu batandatu bafungiye kunyereza amafaranga arenga miliyoni 58 ya koperative y’abajyanama b’ubuzima bo mu murenge wa Bweyeye mu karere ka Rusizi. Abafunze barimo umuyobozi n’umucungamutungo (...)

Rusizi: Yatemberejwe umujyi wose ahetse ihene yibye
Rusizi: Yatemberejwe umujyi wose ahetse ihene yibye

Bamwe mu baturage b’umurenge wa Bugarama, mu karere ka Rusizi, baravuga ko bakomeje kubabazwa no kubyuka bagasanga amatungo yabo cyane cyane ihene n’ingurube zibwe, ndetse zimwe zigateshwa abajura (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.