Advertisement
 
 
 
 
 
 
 
 

Amakuru | Mu Ntara | Intara

Nyamasheke:Abaturage bubatse ivuriro bamaze imyaka 3 batarishyurwa   

  Yanditswe na BAHUWIYONGERA SYLVESTRE
 March 2016

 
 

Abaturage bagera kuri 20 bo mu murenge wa Karengera, mu karere ka Nyamasheke bubatse ivuriro ry’ingoboka(poste de santé), bavuga ko bamaze imyaka 3 bishyuza ayo bakoreye, kugeza ubu bakaba batarishyurwa.

Bamwe mu bakoze imirimo y’ubufundi n’ubuyede ubwo hubakwaga iri vuriro, bavuga ko bigomwe umwanya wabo n’imbaraga bizeye kuzahembwa, ariko ngo bategereje ko bishyurwa amaso ahera mu kirere.

Hari bamwe muri bo bavuga ko bugarijwe n’ibibazo bitandukanye, kuko bagiye bafata amadeni hirya no hino bizeye inyishyu ku mafaranga bakoreraga, none ababagurije ubu babafata nk’abambuzi.

JPEG - 142.8 kb
Gitifu Mutuyimana Gabriel avuga ko ikibazo cy’aba baturage kigiye gushakirwa umuti byihutirwa (Foto Bahuwiyongera S)

Nk’uko bivugwa na rwiyemezamirimo Habimana Mathias wubatse iri vuriro, ngo nyuma yo kuryubaka bagombaga kwishyurwa n’umurenge, ariko ntiwigeze umwishyura.

Habimana asaba ubuyobozi bw’umurenge kwishyura aba baturage kuko bakomeza kumwijundika bavuga ko ari we wabambuye, nyamara amakosa afitwe n’umurenge.

Aganira n’Imvaho Nshya yagize ati:“Ntitwigeze duhembwa pe, imyaka igiye kuba 4! Nakoresheje abantu bagera kuri 20 na n’ubu nta faranga na rimwe babonye, byanteranije na bo bagira ngo narahembwe ndayabima.

Ari bo ari n’abana babo ntawe ncaho ngo ansuhuze, nabaye umwanzi wabo kandi nanjye nta kintu nabonye, bavuga ko ari njye bazi wabakoresheje, ngo natumye abana babo batiga, kandi nanjye byanshyize mu bukene cyane kuko n’iyo bayampa nkishyura asigaye nkayagura inka, ubu iba yarabyaye mfite n’ifumbire, ariko ibyo byose narumiwe.”

Uyu rwiyemezamirimo yakomeje avuga ko icyo ashaka ari uko yakwishyurwa, nawe akishyura abo yakoresheje niba umurenge udashoboye kubihembera.

Umunyamabanga Nshingwabikorwa w’uyu murenge Mutuyimana Gabriel avuga ko kutishyurwa kw’aba baturage byatewe n’uko imisanzu abaturage bari bakusanjije ngo bubake iyi ‘poste de santé’ yabaye mike, kuko bari biyemeje amafaranga miliyoni eshatu bagatanga ibihumbi 900 gusa.

Nyuma hahise haza na gahunda yo kubaka amashuri aho aba baturage bamaze kwiyuzuriza ibyuma 9 bakanikorera umwe mu mihanda yabahozaga mu bwigunge, ibyo bose ngo bikaba bitari gutuma n’aya mafaranga bayabona.”

Yakomeje agira ati:“Turumva iki kibazo cy’aba baturage kiri mu bituremereye tugomba gukemura, tukaba tugiye guhangana na cyo bakarenganurwa, icyo tubasaba kikaba ari ukwihangana gusa.”

Ikibazo cy’abaturage bakora barangiza ntibahembwe si gishya muri aka karere, abaturage bakaba bakomeje gusaba abayobozi babo ko bajya babakemurira ibibazo nk’ibi, kuko gukora umuntu yarangiza akajya yirirwa ku murenge yishyuza birushaho kumutera ubukene kandi yaragiye gukora ashaka kwikenura

 

Comments

 
 
Abasaga 300 bahawe akazi ko kubaka imihanda Perezida Kagame yemereye Abanyagakenke
Abasaga 300 bahawe akazi ko kubaka imihanda Perezida Kagame yemereye Abanyagakenke

Ubuyobozi bw’Akarere ka Gakenke buvuga ko ibikorwa byo kubaka imihanda Perezida wa Repubulika yemereye abaturage byatangiye, ndetse ko abaturage basaga 300 babonye akazi. Iyi mihanda Perezida (...)

Ngororero:Abahinzi bakeneye inganda zitunganya umusaruro w’urutoki
Ngororero:Abahinzi bakeneye inganda zitunganya umusaruro w’urutoki

Abahinzi bo mu Karere ka Ngororero bavuga ko kutagira inganda zitunganya umusaruro w’ibikomoka ku rutoki ndetse no ku bindi bihingwa, bituma umusaruro wabo utababyarira umusaruro ukwiye. Mu (...)

Uburasirazuba:Toni ibihumbi 50 z’imyaka zatakariye mu isarura
Uburasirazuba:Toni ibihumbi 50 z’imyaka zatakariye mu isarura

Mu ntara y’Uburasirazuba habarurwa toni 50 zatakariye mu isarura ry’isozwa ry’igihembwe cya mbere cy’ihinga, abayobozi bashinzwe ubuhinzi bakaba bemeza ko bashaka uburyo bwo kuzakemura iki kibazo (...)

Gakenke:Baterwa igihombo n’ikusanyirizo ry’amata rya Gatonde ryabaye rihagaze
Gakenke:Baterwa igihombo n’ikusanyirizo ry’amata rya Gatonde ryabaye rihagaze

Aborozi b’inka bo mu murenge wa Mugunga mu karere ka Gakenke baravuga ko baterwa igihombo no kuba batakibona aho bagemura amata, nyuma y’aho ikusanyirizo rya Gatonde bayagemuragaho rimaze igihe (...)

Rubavu:Ubuyobozi bwiyemeje kugoboka abanyeshuri basizwe iheruheru n’inkongi y’umuriro
Rubavu:Ubuyobozi bwiyemeje kugoboka abanyeshuri basizwe iheruheru n’inkongi y’umuriro

Ubuyobozi bw’akarere ka Rubavu burizeza ubuvugizi abanyeshuri barangiza amashuri yisumbuye bagizweho ingaruka n’inkongi yibasiye ishuri ry’ababatisita mu Rwanda, riherereye mu mudugudu wa Muhato, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.