Advertisement
 
 
 
 
 
 
 
 

Amakuru | Mu Ntara | Intara

Nyamasheke: Abaturage bonerwa n’inyamaswa basiragizwa bajya kwishyuza   

  Yanditswe na BAHUWIYONGERA SYLVESTRE
 July 2016

 
 

Bamwe mu baturiye Pariki y’igihugu ya Nyungwe bo mu mirenge inyuranye y’Akarere ka Nyamasheke baravuga ko kugira ngo bazishyurwe ingurane y’imyaka inyamaswa zo muri iyi Pariki ziba zaronnye bifata imyaka n’imyaka.

Mu kwishyuza harimo abasabwa kujya i Kigali kwishyuza ngo kandi nta n’umuntu bahazi, bagahora barara nzira bamwe bakarambirwa bakabyihorera kandi bamaze kubitakazamo amafaranga atagira ingano.

Abaturage ibyo babifata nk’amananiza bashyirwaho kugira ngo bakomeze bonesherezwe ntibirirwe bishyuza.

Umwe mu batuye akagari ka Banda mu murenge wa Rangiro yabwiye Imvaho Nshya ati “Baraturushya cyane batubwira ngo twuzuze impapuro nyinshi tuzijyane ku mudugudu, babijyane hejuru, tuzajye kwishuyza i Kigali aho tutazi tutaranarenga akagari kacu ngo tugire aho tujya, ushiritse ubute ngo agiyeyo bakamuhoza muri genda uzagaruke, twaragowe ni yo mpamvu duhora mu nzara idashira kandi duhinga.’’

Iki kibazo abo mu murenge wa Cyato baherutse gusurwa na Guverineri w’intara y’Uburengerazuba Mukandasira Caritas barakimutuye, avuga ko iki kibazo kibabaje kandi abaturage bahagorewe, abasezeranya ubuvugizi kugira ngo boroherwe bajye bishyurwa batarinze kumarira amafaranga bajya i Kigali no mu mayira ayo batazabona, cyangwa bazabona ryarenze.

Musabyimana Elie, umukozi wa RDB ushinzwe guhuza pariki ya Nyungwe n’abaturage bayituriye yabwiye Imvaho Nshya ko aka kababaro k’abaturage bakumvise kandi biterwa n’imikorere y’ikigega cy’ingwate( special guarantee fund) kitegera abaturage mu karere, ariko ko basabye iki kigega kugira umukozi uhoraho mu turere dufite iki kibazo, kandi ko byakiriwe neza biri kwigwaho.

Yagize ati “Barababaye kandi natwe twarabibonye, kandi iriya mikorere ya kiriya kigega iduteranya n’abaturage, kuko babona ari twe tubarushya kandi atari byo, kandi ntitwakwemera ko abaturage batishyurwa kandi amafaranga tuba twayatanze. Tubaha amafaranga 5% y’ayo twinjiza buri mwaka kugira ngo bishyure ibyangijwe n’inyamaswa kuko zangiza byinshi, hari n’izikomeretsa abaturage.

PNG - 736.9 kb
Inguge iri mu nyamaswa zonera cyane abaturage

Akomeza agaya iyo mikorere agira ati “Gusiragiza uwonewe nk’aho wamwegereye ngo umukemurire ikibazo twumva atari byo, twarabisabye kandi bishobora kuzakemuka kuko ari yo nzira yonyine yo guha serivisi nziza umuturage.’’

Iki kibazo kiri mu mirenge yose ikora kuri iri shyamba, abaturage n’abayobozi babo bakaba bakomeje gutaka, aho bavuga ko akarere kabo gakomeza kuvugwa ko ari ko gakennye cyane kandi abaturage bakora, bagaterwa ibihombo n’uku guhingira ubusa ntibanishyurwe kandi abagombye gukurikirana ibyabo ngo babishyure biteze imbere batamanuka ngo babegere bakabasiragiza mu mayira.

 

Comments

 
 
Akarere ka Ngoma kiyemeje gukurikirana ikibazo cy’abubatse ibiro by’akagari ntibishyurwe
Akarere ka Ngoma kiyemeje gukurikirana ikibazo cy’abubatse ibiro by’akagari ntibishyurwe

Ubuyobozi bw’akarere ka Ngoma buvuga ko bwohereje agagenzuzi gukurikirana ikibazo cy’abaturage bavuga ko bahawe akazi ko kubaka ibiro by’akagari k’Akagarama ntibishyurwe. Aba baturage bo mu (...)

Rusizi:Imvura yashenye ibiro by’akagari yangiza n’imyaka y’abaturage
Rusizi:Imvura yashenye ibiro by’akagari yangiza n’imyaka y’abaturage

Ubuyobozi bw’umurenge wa Nyakarenzo mu karere ka Rusizi buravuga ko imvura ivanze n’urubura n’umuyaga mwinshi yaguye kuwa kabiri, yashenye ku buryo bukomeye ibiro by’akagari ka Gatare muri uyu (...)

Urubyiruko rw’i Rusizi rugiye guhabwa inkoko 18 000
Urubyiruko rw’i Rusizi rugiye guhabwa inkoko 18 000

Ubuyobozi bw’akarere ka Rusizi buravuga ko mu mezi make ari imbere inkoko 18.000 zigiye guhabwa urubyiruko rwibumbiye mu makoperative. Ni umushinga munini kandi urambye uzarukura mu bukene (...)

Rubavu:Kiliziya Gatolika yahagurukiye ikibazo cy’abasore n’inkumi bishyingira
Rubavu:Kiliziya Gatolika yahagurukiye ikibazo cy’abasore n’inkumi bishyingira

Ubuyobozi bwa Paruwasi Gatolika ya Gisenyi mu karere ka Rubavu, buravuga ko bwiteguye gufasha urubyiruko mu buryo bwose bushoboka, ariko rugacika ku muco wo kwishyingira ugenda ufata indi ntera. (...)

Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.