Advertisement
 
 
 
 
 
 
 
 

Amakuru | Mu Ntara | Intara

Nyamasheke: Abaturage bigabije imirima 8 ya Leta   

  Yanditswe na BAHUWIYONGERA SYLVESTRE
 March 2016

 
 

Mu murenge wa Karengera mu karere ka Nyamasheke, haravugwa abaturage bigabije imirima 8 ya Leta barayirengera, bitwaje ko imbibi zitandunya imirima yabo n’iyo ya Leta zitagaragaraga neza.

Ibi ngo bigaragara cyane mu kagari ka Gashashi ahigabijwe imirima 3, mu ka Miko imirima 2, mu kagari ka Mwezi umurima umwe, no mu kagari ka Higiro ahigabijwe imirima 2.

Nk’uko Imvaho Nshya yabitangarijwe na Ingabire Lidivine, ushinzwe ubutaka n’imiturire muri uyu murenge, ngo iki kibazo cyatangiye kugaragara umwaka ushize, aho abaturage bafite amasambu yegeranye n’iriya mirima ya Leta batangiye kujya bagenda barengeraho metero nke, bakomeza kwigira imbere.

JPEG - 55.2 kb
Abaturage batematema ku mirima ya Leta bikarangira bayise iyabo (Foto interineti)

Ingabire avuga ko aba baturage bari bagamije kuzashora Leta mu manza mu bihe biri imbere, bavuga ko ubutaka bwari ubwabo Leta ikabubambura, cyangwa igihe Leta yari kuzabimenya ikabwisubiza bakazavuga ko ibubambuye ari ubwabo, bagashora ibirego.

Yagize ati:“Iyi mirima barengera akenshi ni iba ari iy’amaterasi ya Leta abaturage bahinga, hakaba amashyamba, n’indi mirima irimo amakawa asarurwa n’abaturage, ariko ari iya Leta.

Bamwe tukaba twarasanze barateyemo icyayi, abandi bakegera ishyamba ryegeranye n’iryabo, kugira ngo bajye baritema baryita iryabo, n’ibindi nk’ibyo.

Ariko twatangiye kubakoma mu nkokora kuko mu kagari ka Gasahashi umurima umwe umaze kugaruzwa tukaba tukirwana n’indi isigaye ngo na yo igaruke.”

Uburemere bw’iki kibazo bwanagejejwe mu nama njyanama ya mbere y’uyu murenge iherutse guterana, Perezida wayo Ngendabanyika Vincent asaba ubuyobozi bw’umurenge ko bwakurikirana iki kibazo byihutirwa, imirima yose yarengerewe ikagaruzwa, kuko batinze bazisanga baburana imanza z’urudaca n’abaturage ubu butaka babwita ubwabo.

Aganira n’Imvaho Nshya kuri iki kibazo, Umunyamabanga Nshingwabikorw w’uyu murenge, Mutuyimana Gabriel yagize ati:“Iki ni ikibazo kiri hose mu karere, uretse ko twe twakimenye kare, kikaba kiduhangayikishije cyane nk’ubuyobozi bw’umurenge.

Tukaba ariko tuticaye, dukora ibishoboka byose ngo tugaruze iyi mirima vuba, dushyireho imbibe zidutandukanya n’abaturage twifashishije ababishinzwe ku karere, tukaba twizera ko bizakemuka kuko bizajya bikorerwa mu ruhame ku muganda.”

Uyu murenge ubarirwamo amasambu ya Leta agera kuri 31, amenshi akaba ateyemo amashyamba, andi arimo amaterasi y’indinganire cyangwa ibindi bikorwa bya Leta.

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.