Advertisement
 
 
 
 
 
 
 
 

Amakuru | Mu Ntara | Intara

Nyamasheke:Abasaga 380 baracyazahajwe n’uburwayi basigiwe na Jenoside   

  Yanditswe na BAHUWIYONGERA SYLVESTRE
 May 2016

 
 

Ubuyobozi bwa Ibuka mu karere ka Nyamasheke buravuga ko buhangayikishijwe bikomeye n’abarokotse Jenoside barenga 380 bafite uburwayi bukomeye magingo aya butarakira, bakaba basaba kuvurizwa mu bitaro bifite ubushobozi bwo kubitaho.

Ibuka ivuga ko abenshi muri abo badafite n’uwo baganyira buri munsi kuko basigaye bonyine, abandi ubukene bukabije buvanze n’ubwo bumuga bukabazahaza, bagahorana ihungabana ridakira.

Mu kiganiro n’Imvaho Nshya, umuyobozi wa Ibuka mu karere ka Nyamasheke Bagirishya JMV, yavuze ko iki ari ikibazo gikomeye cyane badashobora guceceka, kuko ngo urebye ububabare babamo, buri wese yabatabariza.

JPEG - 186.5 kb
Umuyobozi wa Ibuka Bagirishya JMV avuga ko Jenoside yasigiye ibibazo bikomeye abayirokotse (Foto Bahuwiyongera S )

Yakomeje avuga ko ibitaro bya Bushenge na Kibogora bivurizamo babona bidafite ubushobozi buhagije bwo kubitaho, abenshi bakaba bagerageza kuvurwa neza iyo ari mu cyumweru cyahariwe ingabo, ‘Army week’ kandi na cyo ngo ntigihoraho.

Yagize ati:“Bagizweho ingaruka zikomeye cyane na Jenoside yakorewe abatutsi kuko bamwe bagiye batemwa, abandi bagaterwa amacumu, n’izindi ntwaro zakoreshejwe.

Kandi kuba na FPR Inkotanyi itarahise igera ino byatumye abicanyi badukora ibyo bashaka, hakaba n’abafite ibikomere bitagaragara inyuma, nk’abafashwe ku ngufu, aba bose bagakomeza kuribwa cyane uko bwije n’uko bukeye kandi abeNshi batanishoboye.

Tukaba dusaba FARG n’Akarere ka Nyamasheke, kudufasha gushaka uburyo bwo kubavuriza mu bitaro bikomeye cyane, cyane cyane nk’ibya Kanombe, bakabaha amafaranga y’urugendo n’uburyo bwo kubaho muri ibyo bitaro, kugira ngo bareke gukomeza kubabazwa gutyo.”

Ikindi avuga gikunze kubabaza aba barwayi ngo ni uko hari igihe babwira abaganga ibibazo byabo bikajya hanze kandi batabishakaga, bakizera cyane gusa Army-week kuko yo ibagirira ibanga nk’uko babishaka.

Anavuga ko igihe bavurirwa ahantu bafite ubwisanzure bwo kuvuga ibikomere byose bafite, hari n’ibyo bagaragaza baba bahishe na byo bikavurwa.

Abafite ibi bibazo bari mu mirenge yose, ariko hari n’ahari benshi cyane kuko nk’umurenge wa Shangi wonyine wihariye abagera kuri 50, bikaba bituma n’ihungabana no kurushaho kwiheba byiyongera muri bo kubera n’ubukene bukabije baba barimo.

Ubwo hibukwaga Jenoside yakorewe abatutsi mu murenge wa Shangi, muri aka karere, umuyobozi wako Kamari Aimé Fabien yavuze ko iki kibazo kitagombye kunanirana igihe habayeho ubufatanye, kuko ari inshingano zabo kwita ku warokotse Jenoside wese ufite ibibazo byihariye.

Yagize ati:“Si ngombwa gutegereza iki gihe ngo ibibazo nk’ibi bigaragazwe kuko ari inshingano yacu twese kwita ku barokotse Jenoside bafite ibibazo byihariye, mukaba mugomba kuza tukabiganiraho, bikanozwa bakavurwa neza, kuko ndahamya neza ko nubwo ubushobozi ahandi bwabura, tutabwishakamo ngo tububure ariko abantu bacu bakavurwa.”

 

Comments

Izina Ryanyu
IGITEKEREZO

 
 
Ngoma: Koperative yagaruje toni 80 z’umusaruro wari waguzwe n’abamamyi
Ngoma: Koperative yagaruje toni 80 z’umusaruro wari waguzwe n’abamamyi

Ubuyobozi bwa Koperative Rebakure Munyamurama_KOREMU, igizwe n’abanyamuryango 350 bahinga ibigori n’ibishyimbo mu murenge wa Murama, mu karere ka Ngoma, buratangaza ko mu mwaka wa 2016 gusa, (...)

Aborozi  b’i Nyagatare batewe impungenge n’indwara itazwi ituma inka zabo ziramburura
Aborozi b’i Nyagatare batewe impungenge n’indwara itazwi ituma inka zabo ziramburura

Bamwe mu borozi bo mu Kagali ka Ryeru mu Murenge wa Rwempasha mu karere ka Nyagatare, bahangayikishijwe n’igisa n’icyorezo cyateye mu nka zabo zihaka, zikaramburura zenda kubyara. Aba borozi (...)

Musanze:Basabye ko ubushakashatsi ku miyoborere bugera no mu bigo byigenga
Musanze:Basabye ko ubushakashatsi ku miyoborere bugera no mu bigo byigenga

Ubwo ikigo cy’igihugu gishinzwe imiyoborere, RGB, cyerekanaga igipimo cy’imiyoborere ibereye abaturage n’imitangire ya serivise, bamwe mu bayobozi b’inzego z’ibanze basabye ko ubu bushakashatsi bwajya (...)

Ngoma:Abadepite bashimye uko abaturage babyaza umusaruro ibikorwa by’iterambere begerejwe
Ngoma:Abadepite bashimye uko abaturage babyaza umusaruro ibikorwa by’iterambere begerejwe

Abagize Inteko Ishinga Amategeko umutwe w’abadepite bari mu gikorwa cyo gusura ibikorwa by’iterambere mu karere ka Ngoma, aho bagenzura akamaro byagiriye abaturage, bakanakira ibyifuzo (...)

Rusizi: Inyubako zangijwe n’umutingito zikorerwamo zitarasanwa ziteye impungenge
Rusizi: Inyubako zangijwe n’umutingito zikorerwamo zitarasanwa ziteye impungenge

Ubuyobozi bw’Akarere ka Rusizi bwasabwe gukurikiranira hafi ikibazo cya zimwe mu nyubako zihurirwamo n’abantu benshi zashegeshwe n’umutingitito, nyamara magingo aya zikaba zigikorerwamo kandi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.